潦倒呢個字係點讀？

讀 「聊」倒

讀「老」倒

第一次聽老倒

我都未聽過

讀中學已經識 同埋周仔首時空都有呢個詞

但中大個粵語字典係咁寫🤔

第一次聽係中學教孔乙已嗰陣話佢生活潦倒

佢首歌係讀「老」倒
不過唔知點解我讀左好多年「聊」倒
中學老師都咁教
字典機都咁讀
但最近竟然比人話錯

肯定係讀「lou5」
「潦」本義係大雨，「潦倒」即係大雨淋到你變落湯雞咁，引申有坎坷、失意嘅意思
《廣韻》入面「潦」有兩個讀音，一個係盧皓切，一個係郎到切，可以對應返而家「lou5」嘅讀音

點解「潦草」個「潦」有人讀「liu2」？我懷疑「潦草」個「潦」應該寫做「撩」
「撩」本身有用手撥弄嘅意思，「撩草」可能就係指啲字好似撥草咁寫
《廣韻》入面「撩」可以讀落蕭切同盧鳥切，同「liu2」呢個音相近
況且「潦草」同大雨冇咩關係，所以我覺得應該係「撩草」先啱
分返開兩個字，就唔會混淆讀音

「老」倒
用杜甫啲近體詩例子
「形容真潦倒，答效莫支持。」
「交期余潦倒，材力爾精靈。」
根據平仄相對嘅格律要求 第4隻字應該要平仄相對
「支」同「精」都係平聲 咁「潦」字應該讀仄聲嘅「老」先啱
讀「聊」就變咗平聲 唔合格律
同埋「支持」「精靈」都係疊韻詞 「老倒」都係疊韻
而「聊倒」唔係疊韻 同樣係疊韻嘅「老倒」更加有韻味

長智識 謝

樓主俾中文老師誤導係好正常，因為香港真係有料嘅中文老師其實唔多
況且課程幾乎完全忽視文字、聲韻、訓詁呢啲中文嘅基礎
所以好多學生讀中文都係不求甚解、囫圇吞棗

點解「潦草」個「潦」有人讀「liu2」？我懷疑「潦草」個「潦」應該寫做「撩」
「撩」本身有用手撥弄嘅意思，「撩草」可能就係指啲字好似撥草咁寫
《廣韻》入面「撩」可以讀落蕭切同盧鳥切，同「liu2」呢個音相近
況且「潦草」同大雨冇咩關係，所以我覺得應該係「撩草」先啱
分返開兩個字，就唔會混淆讀音

但我見過/聽過「潦草」一作「老草」。

浪跡續談/卷07：『朱子《訓學齋規》云：「寫字未問工拙如何，且要一筆一畫嚴正分明，不可老草。」據此，則今人言潦草者，乃老草之訛，因音而轉耳。』

並有謂「老草」乃「恅愺」之省。

所以，要追本溯源，唔單止「潦倒」要讀「老倒」，其實「潦草」亦應讀「老草」，講「你啲字寫得好潦」就要改為「你啲字寫得好『老』」，或變調「你啲字寫得好『佬』」。

個人潦倒會讀老倒，「潦草」雖然唔會讀成「老草」都覺得可以接受，但「啲字寫得好老/佬」就難搞啲。