想學空手道

好想有人同我一齊去學 自己一個有啲淆底

但係樓主想保護自己喎。個人覺得無論練咩拳都好，要學一啲有殺傷力嘅技術，你嘅手或者腳就一定要夠硬淨先至唔會係實際行動下整傷自己㗎喎，所以極真果隻練法其實都合理（不過據說極真都分：極真會館，新極真會， 極真連合會同極真館並唔系所有極真都練無護具對打）。不過呢，其實你學左啲咩都好，有咩情況其實都係優先考慮逃走路線比較好。

斷水流？

女仔身型輸咁多
仲要用柔術 咁近身 好似冇咁岩樓主

利申 冇學巴柔同柔道純9up

個人覺得自衛的話拳擊比較好。
1. 着重距離感同位移訓練，可以盡快學識同對手保持距離。
2.其中一個最快途徑去令自己對受襲有即時反應。
3.自衛手法簡單直接而且比較安全，例如：jab落對方隻眼，鼻樑，喉嚨之類。
4.練到出來嘅反應除左反擊之外，亦有利於逃走

至於巴柔同柔道自衛就有啲身型嘅男性而言的確係好正，不過就女性而言就反而更加危險，因為兩者都要主動擒抱或者埋身，女性嘅身型劣勢就會放大。仲有其實，巴柔同柔道嘅技術要實際係受襲嘅時候使用一般黎講都唔會係一頭兩個月可以練得到，可能要一年甚至更耐。所以我先至會覺得拳擊比較好，不過樓主如果比較想學空手又想保護到自己嘅揀啲有full contact sprring嘅館會好啲

boxing 少左腳 我覺得又冇咁全面

我其實一開始都有諗過建議泰拳，不過其實泰拳啲腳冇其實如果有體重差嘅話都好難踼得入㗎。如果你話打踭膝的話其實都要埋身，計落安全嘅自衛方法到最後都係出拳，所以先至轉軚建議Boxing

樓主邊區

唔用腳我覺得ok
但最少要識擋腳 同有意識擋腳

所以我覺得boxing 唔用腳 唔夠全面

Cross train

自衛既話拳擊比較好,拳擊比較快上手, 打起上黎又靈活同較少受地形限制, low kick係窄同多雜物既地方好難用. 我覺得自衛最重要既係盡快全身而退, 擒摔類需要同對手攬埋一齊既技術唔係好岩女仔用, 如果對手重你50磅你就GG. 用拳頭打完人就走比較適合女仔自衛

btw, 上面果D都係理論上既野, 自衛唔係公平較量, 歹徒係選擇對手果個, 揀得你落手通常都係見你生得細細粒, 或者佢有同黨, 又或者佢有刀. 如果佢偷偷地從後用刀"行"住你條頸既話你幾好打都冇用.

既然自衛係為左自己既人身安全,咁就冇理由赤手空拳去對付有備而來既對手啦...帶防狼器同辣椒水係身穩陣D

如果係廿幾歲人先練既話, 到到你有實力去保護自己果陣已經唔再年輕貌美
歹徒唔會揀你落手架啦

空手道入邊咁黑暗

又唔係叫你去 打比賽 代表香港
返道場 練自己野姐

呢個誤解嚟, 一般人學冇咁誇張啩

講到咁 不如用紅毛泥封西算啦
樓主想練武術就去練啦

空手道係用黎突破自己 唔係用黎同人比
就算40歲先學都冇問題

再講 個人有做開運動會差好遠
一黎keep住操 二黎老化果陣體能冇drop得咁快

Umm...可以有意識擋腳當然比較好啦，不過其實我比較主張先嘗試逃走救求，而其實你擋得腳，相信個情況其實都可能已經比較無路可退。所以我先諗住建議boxing，因為先練好左啲foot work同head move可能更加有利於逃啫，不過或者直接好似上面果個巴打講cross train咪得

其實傳統四大流派同全接觸打法都好唔同
好似松濤館偏北腿 長橋大馬 打距離
剛柔偏南拳 多埋身短打
極真都埋身多 好多超近距離踢 同埋抗打好勁 成舊坦克咁
唔同流派既打法都好唔同 最好爬多d文先揀啦

至於好唔好打其實睇你點練架姐 好似傳統都出到Lyoto Machida, 堀口恭司入到去打UFC
同埋傳統最多人講就係太運動化 香港好多館打WKF例都係真既 有好有壞啦 始終要入奧推廣 要安全 要羸比賽所以要跟規則改變打法 但係我唸各系統都係要練返基本功同套拳既 間間館唔同 同埋極真比賽都有唔比打頭呢個弊病

你要防身其實咩都岩你架啦(除國術 不過你問我咩最好打 我會答立技就boxing泰拳
地戰就巴柔摔角 始終數據出到普遍MMA選手都有學 你有幾可見詠春上到MMA台面 不過空手道有種神秘感驅使我去學

國術除外？
有本事出黎試下手 包你後悔

已經離曬題 冇人推薦地方比樓主

建議樓主唔好怕醜 想學就去學
試下堂睇下岩唔岩自己