【人性系列】Season2 真－結局 《置業地獄》post 8

咁等睇中出巴你解話

姐係剩係啜咗幾野？
btw唔知點解覺得藝術家輸好似好早已經係定局咁 成個遊戲一路都好似唔係好緊張咁

成仔雖然無出術

但由佢送走志明，戴上面具嗰一日，一切已成定局
只係司徒夫婦死係意料之外

欣賞墳巴思路，其實你完全無錯。記唔記得season 1嘅蛇梯棋

當時有巴打提出「假民主」、「虛構嘅選擇權」等等說法

如果呢個遊戲對應蛇梯棋呢？
由做吓樣給予「虛構嘅選擇權」到「已成定局」......

唔好諗太多，愈諗愈失落

一陣去寫文

但都不停虐代佢
成仔到最後都無好想放過佢

老實我覺得便宜咗藝術家嘅 成仔始終有俾心柔左右到

痴線
狗血劇情
司徒先生
食早餐睇睇到真係喊左...
畀仆街細佬同我講｢故黎既啫｣

唔知點解...個image出現咗前立法會主席......

莫生呢

我覺得藝術家哩個結局算係另一種幸福，可以死喺愛嘅人面前，比愛嘅人殺死，都算另一種（在一起），我覺得係藝術家心目中志明係佢忘不了嘅一個人
其實或者每一個人心裏面都有一個忘不了嘅人，到底真係你（忘不了），定係（忘，不了）？
唔好意思，純粹有感而發，又口語又書面語， 可能大家會睇得好辛苦，唔好意思，不喜勿屌

有人會覺得哩個結局便宜左藝術家，但我個人感受覺得（戴番頭盔先），哩個係一個人性故，成仔因憤怒同積怨去羞辱同折磨藝術家係人性嘅一種，而佢因爲心柔嘅小小阻止，當去憐憫藝術家而比佢哩個結局，我覺得都係另一種人性，所以中出巴寫得好，加油呀

只可以講 藝術家嘅結局係佢咎由自取 由佢太想得到志明舉辦婚禮果陣 就已經注定左佢嘅失敗 成仔成為左劇本家只不過加快左佢失敗以及死亡嘅速度 就如會計師所講 藝術家唔會係置業計劃想要嘅主辦者 更唔係觀眾想要嘅主持人 佢衰在太短視同太自我中心

好啦 我都唔知自己講緊咩

藝術家個ending... 真係好可悲...
但志明一句｢曾經有｣應該已經夠
天音同心柔係人性既清泉
如果唔係志明同成仔，佢地應該死左十次/變異埋

心柔好冇nami feel

鮮紅佔據整幅銀幕，淡淡地化開，西瓜汁滴答滴答滑落棕白色的木地板。鏡頭較遠，映進觀眾眼睛的是一間門外排滿長長人龍的甜品咖啡店。

「Reborn Coffee」

這間咖啡店的名字相當簡單，意味著「重生」。這是一間打正旗號，讓人生失意的人重獲新生的店。店外豎立一個招牌，列出種種讓人啼笑皆非的奇怪優惠。

「失戀八折！」

「生意失敗七折！」

「家有白事六折！」

「 死男女朋友半價！」

「一年內冚家剷，終生免費啊！」年輕兼職少女穿著圍裙在街上大喊，員工牌上印住「Rachel」，普通到家的英文名。

無論如何，光顧這家咖啡店的食客主要都是負能量爆燈的男女.......

當然，凡事有例外。

「哎......唔好意思，『梳Lee梳Lee』！」用孭帶背住男嬰的老闆一邊抹走檯上的西瓜汁，一邊笑道。

「唔緊要。」一個可人美女微笑，搖頭應道。

遠處有一個把興趣當飯食，將咖啡當水喝的網絡作者舉起空空如也的咖啡杯，揚聲道：「俊哥，再一杯Americano。」

「好嘅！轉個撚頭就到！」

「你再喺個班仔面前講粗口，今晚唔使返屋企！」正在拉花的老闆娘抬頭一瞪。

「佢喺我後面。」老闆搔頭咕噥，指住伏在自己背上的男嬰。

當老闆躡手躡腳行遠，美女的視線不禁落在前者捲起來的衫袖，手臂栩栩如生的五爪龍上。

「友，呢間咖啡店好......好搞笑！」

「嘿嘿，當然。有邊間咖啡店會掛『腹肌』寫真。喔，係我影㗎BB。」胖子指住牆上的腹肌照，抱住單反相機自豪地笑道。

「你到底返工影咩相？」

「人性嘅照片，嘿嘿嘿嘿。下星期又要出差，你要乖乖地喔Baby！」

胖子嘟起豐唇.......

這時候，門外傳來一陣密集的腳步聲，一行九人如同大軍一般浩浩蕩蕩，湧進咖啡店。

「兄弟，麻煩給我三杯Iced Mocha，我老闆喝的！還有，老闆說還沒有送禮物給你們孩子。」為首的台灣男落單，然後掏出一個信封。

「是『巧克力腹肌』。」胖子糾正。

「對對，就是那個甚麼『巧克力腹肌』！喔？！龍先生好！」台灣男趕忙鞠躬。

「你識佢地？」臉蛋被嘟了一口奶沬的美女驚呼。

「嘿嘿。」胖子故作神秘。

過了一會，台灣男提著咖啡，小碎步地跑回泊在路上的私家車上，絕塵而去。

咖啡店夫婦走到門外目送私家車遠去。老闆好奇地打開信封，卻發現裡面沒有信紙，只有一張金額足夠他們養老的支票。

他們互望笑了笑，牽走轉身回去咖啡店.......

「The End」

戲院的燈光亮起，席上觀眾的掌聲雷動，此起彼落。一直坐在第一行的幾個人在工作人員的陪同徐徐步到銀幕下。

記者的鎂光燈閃爍不停......

「G大導，請問你有沒有甚麼話想跟觀眾說？」記者紛紛遞上錄音咪。

電影導演G大導賤賤一笑：「首先啊，謝謝大家來這部電影的首映場.......哎，還是給老抄我題材的編劇說吧！媽的！」

記者聞言也不知該不該記低G大導橫飛的粗口，互望然後把咪遞向電影編劇。

「Freeze！一米外，一米外！」身如灰熊的壯漢保鏢抱胸道。

電影編劇搖頭訕笑，牽住太太的手走上前。

「成編劇，聽講你之前因為飛機失事，同太太流落荒島，莫非係真嘅？」

「哈，唔通你覺得呢個世界真係有置業島？存在『自撚獅』等等奇珍異獸？喔......其實都有可能有呢。」成編劇賣關子。

「飛機失事，我同太太僥倖生還，喺一個乾柴烈火嘅無人島上－哎，痛.......」

成太太對記者微笑，的指甲嵌入成編劇的手臂。當然，沒有人注意到的是，她的腕間有一道微不可見的淡淡紅痕.......

「成編劇，你地下一個行程去邊？」記者問。

「坐車去學校出席講座吧，哎，我諗大家都有唔少問題，隨便發問囉。」成編劇苦笑。

「到底成柏宇有無用單心柔一齊？」有觀眾搶先發問。

「哎......原著小說第四十章其實有提到，成柏宇第一次拖緊單心柔，一直走，走到下午一點十四分啊！講到咁白，你地覺得呢？嘿嘿。」

觀眾席上傳來陣陣翻閱書頁的嚓嚓聲，接下來是「原來如此」的驚呼。

又有一個女觀眾站起來大叫：「我唔鍾意成柏宇！惡魔！死變態佬！如果現實有呢個人，我一定對佢唔客氣喇！呀！！！！！！！！！！！！！！！！！」

「雖然藝術家可恨，但落得咁嘅下場未免太可悲！」有人附和。

成編劇摸一摸鼻，訕笑道：「小姐，你冷靜啲先。請問點稱呼？」

「吳客氣！姓吳個吳，顧客個客，生氣個氣！我依家就真係好生氣喇！」

「呃......客氣絲打，《置孽地獄》唔係英雄片，而係人性電影啊，哈哈。如果你係男主角，女朋友喺你面前被姦殺，你覺得應該要點做呢？莫非用愛去感化佢？」

「不過，你覺得成柏宇最後真係徹底入魔？佢最後又有無將遊戲中止呢？另外，你覺得佢估唔估到志明會選擇一鎗解決藝術家？」

女觀眾坐下沉思，然後恍然大悟。

「人生，永遠都有選擇。」

「正如大家入場派發嘅面具，戴與不戴由你選擇。」

成編劇頓一頓，掏出一副跟電影一模一樣的惡魔面具。同時，觀眾亦把面具的封套拆開。

「人生係一場置孽地獄。置業.....置孽.......嘿嘿。每個人心入面有到一隻惡魔。我有，你有，人人都有。」他不緩不急戴起面具。

院內所有人見狀，彷彿著了魔似的，不約而同戴起面具。一時間，整個空間都是密密麻麻麻的惡魔笑臉。

「Do you hear the people sing～」

「singing the song of angry men!」

一個人獨唱。

兩個人合唱。

然後，激昂的大合唱在戲院內響起.........

惡魔打一記響指，燈光頓時熄滅，投影器播放著，漆黑的銀幕再次出現「The End」畫面。

「The End」

..........

十八層地獄，只要挖得愈深，愈能夠發現人性的黑暗面。

人類，究竟是萬物之靈，抑或只是披著虛偽皮囊的野獸呢？

又或者，扯開偽善外皮、掙脫無形的道德枷鎖後，人類甚至比野獸更加冷漠無情？

權富、性愛、生存與飽腹等等原始的慾望是一條鑰匙。門後的世界遠比你想的複雜和不堪。

打開大門與否，就在一念之間。當鑰匙插入匙圈，「喀喀」的一扭，人性將一覽無遺，赤裸裸地呈現眼前。

一切就在成為「孽主」之後。

好了，沉甸甸的鑰匙已經放在你的手心了。你準備好成為「孽主」了嗎？

小說家字 ＿

小說家

小

劇

劇作家字。

＊

未完，大家期待的畫面要出現了

Live

志豪未死

藝術家無死

等睇大律師嘅下場

我以為自己miss左莫生嘅死 又返轉頭再睇

the end咗兩次都未見佢死 我都走咗返去睇佢賴尿

我都係以為自己錯撚過咗莫狗嘅死

好行夾唔送

未寫死佢我都覺得差啲嘢咁

＊

昏暗的密室中，滿地香口膠的包裝紙，乾透的褐色血漬和新鮮的構成一幅抽象派畫作，綿綿不絕的叫聲和輕快的歌調交織成美妙的配樂。

「It is the music of the people～」

「唔好…..唔好行埋嚟！」

「Who will not be slaves again！」

「我唔玩喇！」

「When the beating of your heart！」

「我求你.....痛！！啊！！！」

「Echoes the beating of the drums～」

「殺死我......」

「There is a life about to the end…….」

「殺我啊！！！！！你係魔鬼......」

「When tomorrow comes！！！」

「魔鬼！！！」
此際，莫志豪被綁在高背椅上，赤裸的身軀儼如釘滿圖釘的告示板，紅白交雜的香口膠牢牢卡在他的皮膚中，雙手雙腳沒有哪裡好肉的。

忘了說，蛋蛋本來也是白色的，不過現在變成莫志豪的吊耳環，隨著頭一晃一晃，發出濃烈的惡臭。
「差一粒呀，莫同學。夠一百粒就完成熱身呢。當日阿賢都只係用過兩粒，你好好彩。今次我買夠一箱。係喇，你有無聽過香口膠許願嘅故事呢？」惡魔談笑風生，面具後發出淡淡的悠然笑聲。

「無呀！屌你老母！！！」莫志豪嘶吼。

「係嗎？我終於揾到我地相似嘅地方。因為我都無聽過，嘿嘿。But！有無聽過並唔重要。反正所有神話都係虛構啦，Right？」

「許願。」

莫志豪竭力搖頭。

「例如世界和平？」

「又或者我會放你走？」

「許願呀！！」

啪！

扭成圓錐香口膠在衝力下貫穿掌心，爆發出另一陣毛骨悚然的哀號。

「莫同學，夠喇阿喇。再叫就做多咗呢。我地玩一個遊戲。你成功通關，我就放你走，既往不咎。」惡魔搬來一個電子磅，然後又執起一柄菜刀，磨刀霍霍。

「我唔玩呀！」

「唔玩？咁就插夠一千粒，我地許一個更大嘅願望！不過到時候你一定會死。死咗就做唔到大律師囉。」

莫志豪被逼得幾乎哭出來，看到身上辛苦捱下的血洞，唯有妥協道：「玩.......你真係會放我走？」

「作為劇作家，我有必要呃你？我放走藝術家，自然唔介意放埋你。」

「你究竟想玩咩.......」

「估重量。我喺你身上切多多少少出嚟，我地大家估重量。你有兩次機會，只要你有一次估得準過我，你就可以重獲自由。」

「痴線！！！！！！！！」

嚓！！！

惡魔手起刀落，一隻手隨即飛落地上。
「3KG，不多不少。」

莫志豪瞪住失去知覺的手臂，拼命狂叫！

「3.5KG！3.5KG！！！！！」

惡魔「喔」了一聲，將斷手丟到磅上，顯示出一個讓莫志豪絕望的數字：「3.01KG」

「仆街！！」

「唔緊要，你重有最後一次機會。今次你揀位置！」

正當莫志豪看著自己的腳趾，說到「腳」時，惡魔便已二話不說的揮刀，濺到大家一身腥紅。

「腳好啊！當日方甲斷一隻，所以今日你斷返一隻，打和打和！哈哈吧！」

莫志豪看著自己的腳分家，淒厲地哭叫著單調沒趣的對白：「啊！！！！我隻腳呀！」

然而，惡魔對他的叫聲充耳不聞，埋怨道：「哎，難過斬龍躉。可惜我唔記得帶斧頭，你將就一下嘛！忍住！」

過了半晌，惡魔摸住下巴，視線落在地板上的斷足上。

「呢隻應該重呀！我估8KG，你呢？」

「7…….7Kg……..」莫志豪氣弱游絲。

「最後答案？！」惡魔再問。

「7 Kg！」

當莫志豪看到磅上的8字，他徹底陷入絕望，自知這次死定了。

「你輸咗囉。我以前劏魚嘛。好啦，玩咗幾個月，我地雖然做唔成朋友，但總算一場相識。所以呢，我會令你舒舒服服。」

惡魔解開綁住莫志豪的皮帶，點起煙，徐徐走到門外，按下牆上的關關掣，天花的感應器釋放出濃烈的香氣。與此同時，莫志豪身後的牆身塌下，無數興奮得血紅獸目瞪住突然出現在眼前獵物......

密室的門關上。

「靜婷，你要喺天上好好睇住啊！」

赤紅的惡魔面具緩緩飄落地上，惡魔漸漸走遠。他臉掛著戲謔的笑容，雙眸滑下兩行淚花，一瞬而逝。

「置業地獄－Season 2 全文完」