見工問辭職原因

試過講嗰排身體好差 醫生叫我抖一排
同埋話舊公司請我嗰陣講個offer同真正返嗰時太大落差話package計 計晒所有bonus comission會高過我之前份工 最後真係返 差成截先追到我上一份
覺得間公司呃我

hr：咁即係你好快又會走啦

咁事實係咁吖嘛

仲可以言行間話比個hr知
咪撚壓我架

留名學嘢
都唔知係我問題定個hr有問題
答乜都諗負面果邊

我都想咁講

答乜都係會覺得好快會走

依家份工幫唔到我career上去另一個高度

你自己唔識答姐
正如數學教你A math一樣
只係搵個難理解嘅課題分出智商高嘅學生一樣

其實最正路咪話想 improve 個career path / 追求更高既人工

係時候要離開自己既comfort zone

地點遠

其實做得HR都知事實係乜
問你都係想睇下你會點處理呢D敏感話題
以下個人心得分享下
原因黎講其實都係推拉之分
我會建議盡量少講「推」既因素 (即係唔好講太多點解要離開舊公司)
反而講多D「拉」既原引 (你而家in緊既呢份工作吸引你既地方)

首先一定唔可以講既負面野:
人事關係 - D同事點點點呀, 針對 / 對你唔好呀 / 上司唔睇你呀 之類
工作問題 - D野黎黎去去都係果D野呀 / 發揮唔到自己既強項 之類
等等
講呢D野會比較難解釋到係同你個人處事手法無關
即係換句話講你將自己既缺點講緊比人聽

但一D客觀既負面事實就可以講既:
工作環境轉換 - 例如公司搬左, 個地點同你住址好難配合之類
工作時間VS自己計劃呀 - 你PLAN左可以要進修, 但工時問題配合唔到之類

另外係廢話但講出黎無傷大雅既野:
轉行業 - 例如你本身做開banking 而家in 果間係banking, 咁你可以吹下點解想轉入banking
呢分工作會比到乜野你 - 例如係而家你in既呢個工作就係你自己心目中心想發展既方向呀 之類
薪酬 - 真心我自己見親工第一個原因一定係講呢個, 轉工一定要有10~20% 增長先會考慮, 我自己都會將expected salary 同 current salary 寫出黎, 都會好老實咁係面試過程表態
咁當然都會修飾下, 例如配合自己人生計劃, 所以生活上都有D準備
如果你要吹到講咩市價係幾多之類, 建議你真係要拋得出D專業既research資料先好講, 尤其唔好講我知邊間邊間大行做呢個位都係咁既價之類, 唔係就柒架啦....(有唔少HR其實都有呢方面既資料.....每年做幾次servey應該都會貼市過你...)


大至係咁啦
點樣講就自己組織定先
其實呢條都係幾standard既問題
有準備既應該都可以好有條理好自然咁答
我自己就多數會claim返自己黎見工唔係因為唔滿意現狀既
我首先會比返個credit自己做緊既野, 有野學, 工作上都滿意 等等啦
至於見到有呢個opening, 亦都同自己發展方向好一至, why not a try?
然後再帶入呢D「拉」既因素 -> 錢 / 轉行 / 呢個POST有咩吸引我呀 等等

利申: 8年HR狗

潛台詞：「舊公司唔係想我幫佢搵錢」
姐係其實你唔係人才所以叫你打下雜？

想問一問 如果上一份工唔做
係咪大家都會叫老細寫份reference letter證明自己做得點架
利申：fg咩都唔識

如果上一份工係比人炒，見新工個陣應該點答？

點答都死，佢就係想借勢減你一兩千蚊人工
一年就幫公司慳萬二至兩萬四，幫公司慳到d 婆乸數先係HR的終極生存價值。