月入15萬中產家庭之苦

樓價升升升

351 回覆

32 Like 917 Dislike

樓價升升升 2018-07-17 20:39:46

https://hk.news.appledaily.com/wonder/realtime/article/20180716/58447952
娥特前排出果6招，自己都講明無助壓抑樓價，有中產覺得全面被政府遺棄，的確係可悲事實。就算機會幾渺茫，都仲有幾千個減價新居屋、綠置居、首置上車盤，畀啲黎民百姓爭吓。娥特仲話考慮調整公私樓比例，又撥多幾幅地起資助房屋，出心出力安撫幾十萬申請人，可憐中產就焗買或租私樓，真係佛都有火。

話說有個無樓四口中產家庭，兩公婆係公務員月入15萬！15萬喎，好好洗喇？兩公婆仲好樸素，又唔買名牌無飲靚酒，儲埋儲埋肯定大把錢！咪住先~ 睇埋每個月條數點計先講：一家連工人租黃埔三房承惠2.5萬、工人水電煤買餸雜費1.5萬、仔女直資小學學費連文武興趣班加補習3萬、養架見得人七人車1萬、供教育基金連保險1萬、兩邊父母家用1.5萬、MPF 3千、暑假聖誕兩轉旅行拉勻1萬、扣晒免稅額交稅拉勻1.2萬，都唔好講小朋友唔舒服睇醫生果啲突發開支，兩公婆每月淨返2萬蚊零用，一人一萬，畀班唔生性下屬屈吓請食Tea唔見一千銀，真係赤到落骨罅。
「吓！2.5萬租層樓？供都供得到喇！」你又啱喎，佢住緊果隻黃埔3房而家賣緊千二萬啫，做一半按揭分三十年供，計埋管理費都係同租金打個和，但首先佢哋要有600萬首期，假設佢兩公婆每人只洗5千儲1萬，無咩突發嘢嘅話，過多幾十年就儲到600萬，有機會做業主喇~ yeah！不過到時都果頭近，仲買咩樓唧？買定棺材龕位罷喇！諗諗吓，扣埋啲基本開支，其實佢兩公婆做到隻屐咁，但每個月自己都得幾千蚊洗，分分鐘差過畢業兩年搵萬五蚊、痴住爸媽住嘅獨男。中產係搵得多但亦洗得大，有份落力促進經濟，但偏偏政策上一啲幫助都無，真係難怪佢哋含住一泡怨氣。

殘酷天使 2018-07-17 20:41:38

ON9仔咪形容E D

及時行落 2018-07-17 20:43:48

中產係搵得多但亦洗得大

講到去旅行食好野唔係佢自己咁
家陣有人揸住支槍迫佢地 ?

高息股 2018-07-17 20:45:13

租3房要2萬5

工人水電煤買餸雜費1.5萬？

日日上高登 2018-07-17 20:46:50

每個月旅行平均一萬，一年十二萬，每年兩次即係6萬一次
都去得幾豪下

木村文乃老公 2018-07-17 20:47:10

一日五百蚊好多？

吉列豬扒 2018-07-17 20:48:29

過咁嘅生活仲想人幫你乜嘢?

手然翁 2018-07-17 20:51:19

不如咁講，錢既野搵得愈多就洗得愈多，永無盡頭嫁
但係月入15萬，好過好多人啦喎，咁你都儲唔到首期，自已大洗有咩好講？

沙加加加加 2018-07-17 20:51:52

所有嘢都係佢哋自己揀無人迫佢哋㗎喎

樓價升升升 2018-07-17 20:52:45

直接供樓啦屌

夾親道門 2018-07-17 20:54:37

唔好要工人唔好養車去少次旅行唔好讀直資學校咪得人地1萬5 都生存到你15萬憑咩話辛苦

7cool-look 2018-07-17 20:54:56

搵15萬都仲咁on9

eunjib 2018-07-17 20:56:07

話無首期嘛
dllm 公務員按揭想點都得啦

7cool-look 2018-07-17 20:56:17

只可以講你未夠有錢去過咁嘅生活

蓮佛美沙子 2018-07-17 20:56:42

屌佢老味佢就真係去少幾次旅行可以有首期啦

Kratonz 2018-07-17 20:57:14

搵得多, 出黎自然要體面啲
洗費當然大

阿笨與阿占 2018-07-17 20:58:50

呢個先係鞭屍之首

【明報專訊】繼去年明益你「夢想成真」，為兩名讀者達成心願後，今年聖誕我們繼續送暖，為讀者陳先生一家實現聖誕願望：「15年來，幾乎從沒帶兒子外出食聖誕大餐，希望給兒子一個特別難忘的聖誕。」表面看來，陳家跟一般小康之家無異，卻又背負着多個不足為外人道的重擔，這是現時不少中產家庭的寫照。生活從來不易，總是一闊三大，尤其在佳節舉家外出食餐好，對不少家庭來說還是個付不起的夢想。明益你聯同The Mira酒店，為陳家於今年聖誕節送上免費自助晚餐，讓他們為2011年畫上圓滿的句號。
陳基棠先生任職銀行電腦部System Manager，太太是認證機構秘書，育有一名中四兒子，是不折不扣的小康之家，但背負着的生活重擔，往往讓陳先生慨嘆「錢總是不知所終」。兩人正供養三個老人家，由於兩人均在職，需請家傭照顧；又為兒子請來兩名補習老師，加上學習長笛及參加童軍活動，都是陳家重要支出。
但最大的負擔，莫過於供一層位於港島東的七百多呎自住單位，佔收入約三分之一，即使三口之家月入數萬元，七除八扣後還是所剩無幾，實在是啞子吃黃蓮。難怪精打細算的陳太表示，每年最多只能與兒子食自助餐一兩次，並選擇價錢較低廉的午餐時段，至於較平時貴幾成的聖誕大餐，對他們一家來說是過於奢侈的消費：「一家三口連車費，動輒數千。」
夾心中產「有苦說不清」
因此每年聖誕，陳家都與親友在家搞派對，親身下廚以減低開支。但兒子畢竟已15歲，陳生還是希望能讓他一嘗在聖誕樹和熱鬧的節日氣氛下，享受一頓豐富大餐，令兒子有個幸福難忘的回憶，於是便去信明益你參加「夢想成真」活動，寫上這個心願。
「知道獲選後，第一時間告訴兒子，他還不斷跟身邊朋友說今年聖誕要出尖沙嘴食buffet呢。」看着兒子首次坐在聖誕樹下，享受自助餐盛宴而展現出燦爛笑容，應該是陳生陳太今年最好的聖誕及新年禮物吧！