你地係點樣放低一場暗戀

開後宮

唔駛, 學咩習
最緊要就係唔好怕衰
衰幾次你自己就會掌握到係點
當然唔好盲頭咁試

對方喂多兩次屎你食
你就會試死心架啦

多謝你既指點啊

但相信未到下年我都唔會再想諗識女仔
反思左好耐，自己真係無乜長處/特別

我暗戀過嘅兩個女仔都話我好好人 其實姐係串我太普通...


而家揾緊野學 希望充實自己
放低之後發現好多野可以去做

其實暗戀一個人去到後期
好似已經唔再係鍾意
只係佢喺你心裡面一段長嘅時間
你未搵到下一個你真正愛嘅人嘅時候
你唔習慣心裡面冇咗一個人
其實你當下對佢嘅感覺已經唔係當初嘅暗戀
只不過你未有下一個對象俾你投放感情

利申 A0 暗戀一個人5年

講得好中


巴打 暗戀五年真係好長呀
你而家仲有無同對方來往呀？

中學畢業之後冇再聯絡啦
佢好似人間蒸發咗咁想搵都搵唔到
連friend都唔知佢點

最有可能應該去左外國掛

所以咪要放低囉
唔想為左無意義嘅野 搞到唔開心

加油
當然 充實自己係重要既都
因為令個人更豐富 對方亦可以喺你身上拎野走
即係你自身有value
但唔好以為要吸引到人 係要十八般武藝
精通天文地理
最緊要 都係掌握到女性心理

你話兩個女仔都話你好好人
唔止提示你普通
最大問題你係人畜無害

男人一定要有返咁上下攻擊性 先有吸引力
女人就係中意俾人攻 俾人釣癮
令到佢地心如鹿撞
下下君子之交 好好先生 真係悶撚到嘔

你反而要諗下 點增強自己既攻擊性(意識)

溝女 係要點樣控制到自己既心理下 打亂到條女個心
掌握到心理 先可以掌握到一切
仲有最緊要係知 幾時要進 幾時要退
時機係好緊要 你把握得到一次
勝過你努力做十樣野

至於你話長處/特別
每個人都有佢自己獨特既個性
問題係你點樣將好既一面放大
唔好既一面盡量收埋

同佢表白 一齊
相處落先發現原來完全唔係自己諗個回事
最後分手
如果無一齊過 可能我就會永遠記住佢好嘅一面

根本你所中意既人係唔存在
只係將佢少許特質
再混埋自己既ff產生出黎既虛構人物

所以 毒撚真係好可怕同可憐

暗戀過一個女仔兩年
時間唔算長
當初好傻仔以為會暗戀人地好耐
但其實人地好明顯對我無感覺

但之後認識到另一位女仔
慢慢發覺自己將個注意力放在係呢個女仔身上
我諗應該係下次見面個陣同佢表白
我唔知到時佢會有咩反應或者回應
但我唔想再收收埋埋
最終又暗戀人地幾年

好耐無見以為放低左
點知一齊食個飯種感覺就返哂嚟

其實暗戀一個未了解嘅人
就好似鐘意緊一個你想像中嘅佢
了解左先發覺同想像中有偏差

利申：從來未試過好愛一個人
有過幾個有好感嘅對象
但換左環境同人之後好快忘記

經歷緊
有無人可以救我....
圍內用app傾計，一聽到佢把聲就引唔住，特別係笑。

我真係唔知溝佢好定係保持朋友關係，如果係朋友，可以一齊圍內出街玩返學一齊坐上堂食飯，如果溝佢好可能付出好大代價 但我應該真係好鍾意佢唔知點解...好吸引我

發覺逼自己放低係好難做到
比左個特別既位置佢
但或者 係事實上連問候都唔會再有

由暗戀到表白之後被拒絕
明知對方唔鍾意自己但都放唔低
仲係繼續咁鍾意佢
愈迫自己忘記就愈係會諗起

直至俾我知道佢已經有新女朋友
然後逼自己唔搵佢 唔覆佢
慢慢就放低咗
但到而家去到一啲地方或者見到啲野都會諗起佢

樓主我同你個CASE2一樣,
暗戀個離職既女同事,
但係我比你慘,
Add佢IG唔通過,
Whatsapp佢幾乎完全唔覆,
其實好明顯應該要死心,
但係個心仲係想抱有一絲希望,
希望自己快啲走出來...

會諗起 但唔會掛住