點解有D人讀廚房做徐晃

美女除晃，屌咗先講

湯瑪士無能

聖鬥士羞恥

睇到打晒冷震

因為徐晃好靚女
美女徐晃

1. 廚房個廚字，有兩個讀音，一個係 [cyu4]，一個係 [ceoi4除]。[cyu4] 即係「署[cyu5]」字讀第四聲/陽平聲。

2. 首先要澄清，有人見到《粵語審音配詞字庫》嘅結果就話「反而徐先係正音」，呢個說法係錯嘅，因為《粵語審音配詞字庫》嘅「配詞音」不等於「正音」；[ceoi4除]喺個網頁讀音比[cyu4]多一本亦不等於呢個多啲書收嘅音就係「正音」。其實我真係唔知呢個「異讀字等於非正音」嘅謠言係邊道傳出嚟嘅，我只知好多人信以為真，所以特別指出。（留意「反而徐先係正音」錯亦不表示「cyu4先係正音」。）

3. 其次要澄清，雖然根據《粵語審音配詞字庫》，「廚」有三個音，即 [ceoi4]、[cyu4]同[cyu1]，但其中嘅[cyu1]音係個網站標錯，你查返原書就知黃錫凌《粵音韻彙》其實係標[ceoi4]及[cyu4]，只係個網站用嘅讀音file誤將所有[cyu4]都標咗做[cyu1]。即是實際上《粵語審音配詞字庫》中四本書嘅標音係相同嘅。

4. 研究粵語讀音，要搵出「點解」，少不免牽涉古韻書。「廚」字喺中古《廣韻》讀音係「直誅切」，屬虞韻字。虞韻字今讀有好幾種變化，大概係 -yu （于、儒、朱、殊）、-eoi（衢、須、驅、趨），另有 -ou （無）、-u（敷）、-o（雛）等等。變化原因大體係同當時嘅聲母發音位置有關。據李新魁《廣東的方言》，-yu (國際音標 y) 較原始而 -eoi (國際音標-ɵy) 較後起。但後起不等於錯，否則你即係話「徐、除、女、居、去、巨、趣、聚、須」等字全部錯晒。

如果用聲母發音位置相同嘅字嚟比較，「株」字今讀 -yu，咁「廚」讀 -yu 係好有理由嘅。但鄰近嘅「魚」韻字，變成現代讀音嘅軌迹同「虞」韻字基本上一樣，呢個韻當中就有一個「徐」字，聲母同「廚」一樣但屬「魚」韻，而呢個字就係讀 [ceoi4]。咁廚讀 -eoi 亦唔係無道理喎，除非你話姓徐嘅都要改姓 [cyu4] 啦。

即是呢個字 cyu4、ceoi4 兩個讀音都唔涉及「讀錯」或「約定俗成」嘅「正音與否」問題，而比較似係語音變化時有Ａ、Ｂ兩條路揀，結果有啲人行Ａ，有啲人行Ｂ，最後兩邊並存。

5. 話時話，「躊躇滿志」嘅「躊躇」，「躇」字都係有人讀 cyu4 有人讀 ceoi4（躇我係讀ceoi4嘅）。呢個字屬「魚」韻字，古時同「除」字完全同音。「除」讀 ceoi4 唔使拗，但有趣嘅係現代字典似乎「躇」字反而係標 cyu4 嘅較多。

6. 據《廣州話正音字典》，
廚：cyu4，又讀ceoi4
躇：cyu4，又讀ceoi4

lm