2013年港姐季軍劉佩玥（Moon），豪擲六位數推出文字相集《我的微笑之道》，一向愛寫文章的她，自中學起就想出書，今次從籌備到製作完成，僅花兩個月時間，當中造型多達十多個，全部在美國取景：「去咗洛杉磯、拉斯維加斯、紐約，大概影咗兩星期，文章就係一啲自己嘅散文、感受。」
唔驚唔夠撼
書中更有兩款泳裝照，她笑指除了五年前選港姐外，再沒有穿過比堅尼：「我連同朋友去旅行、遊船河都冇着三點式㗎！今次有特登Keep Fit，去跑步、做Gym，不過我冇刻意去磅減咗幾多，希望健康咁減，望落去身形靚啲！」談到書展是寫真的殺戮戰場，僅得兩款泳裝照可擔心不夠撼？她直言不會，因兩者的路線不同。
失戀邊跑邊喊
Moon亦在書中大談愛情觀及拍拖經歷，問到最慘烈的失戀經驗？她自爆入行前曾經未拍拖就失戀：「我哋兩個都鍾意對方，但可能大家都太細個，佢又太多藉口，始終覺得唔適合，最終都冇一齊！」她直言「好傷」，喊到眼腫、攰到極點也無法入睡，於是凌晨三時偷偷落街跑步，邊跑邊喊發洩！
