讀工程又有乜好怕？

唔好負皮住，我想分享下個人故事啫

小弟高考過左N 年，我睇新聞先知原來今日DSE放榜

當年高考炒炒地既我，毒撚一名，自然係要考慮N 展。不幸中之大幸係尚算夠分入三大，咁就揀左港大N展讀啦。

喺Year 1 Sem 1 (新學制應該係全年Year1) 大家有時間可以體驗唔同Major 既科目，我最後因為興趣同飯碗揀左CIVIL

讀果時其實都未係好sure 前景，都係道聽途說。但就畢業果時先驚覺原來自己grad job 喺班中學同學之中都算唔錯，就算當初揀左所謂神科果d 同學可能都冇civil 咁好搵。不過當時畢業的確係好景，如果有心入依家大家要forecast 下四年後工程係咩position

當年第一份Grad Job 出來已經有二萬，依家做左三幾年，雖然未有牌，但人工接近有四萬，算係高考成績性價比頗高既一個行業啦。

我唔係Hard Sell 工程，只係想打一支強心針落想揀工程既同學仔。無論你係狀元想入來Or 當水泡入來，唔需要擔心自己無前途同搵唔到食，我就係成功例子

最後希望各位DSE 考生都可以入到心儀科目 下面係Q AND A 環節，但如果涉及自爆就唔答請見諒

讀mechan呢？
利申：下年grad

請不要再吹奏工程
死都要讀嘅就大電

BS 好似ok
BS係相對穩定既行業, 無Civil 果d 咁有高低潮

都話係真人真事
分享都叫吹奏
仲要叫人讀大電

其實你果陣仲食到十大基建條水 搵工搵scheme 都唔難 直頭係易 果陣仲有句叫有心跳就請 今時今日civil grad 已經難搵工好多啦

3年無牌 4 萬!? 做 a re 都無啦

三幾年
接近四萬

工程界毒撚多，因為唔想同事認到，用左約數

ARE MPS pt 18/19-27，有冇四萬你可以自己上網睇

人工2萬

OT幾多你又唔提
要返星期六你又唔提
人工升得慢 考到個死人牌先3萬你又唔提

誤人子弟 小心有報應

但做工程師唔洗有碩士博士

OT? 間中啦.... 星期六日絕不番工
睇你遇到咩老細啫，喺香港做其他專業有咩工零OT?

睇文啦，話左未考到牌都有近四皮 睇巴打你都係入錯公司

咁撚多負皮 真心分享無人同意

其實又唔洗上到好高既，做個普通既打工仔有糧出就算

身邊係有同事星期六要番，主要係趕Tender，亦有D 地盤同事長短周

其實完全唔想OT又唔願意番星期六果D又想拎三四皮野人工，不如話我知有咩工啦我轉行

好話唔好聽，N 展唔洗番shift 同overnight 已經好好

其實civil 公司總會要人，問題係無我當年咁多係真既
所以喺一樓都提要forecast 四年後個工程量

呢行 遇唔到伯樂既係多數

我夠諗唔到做咩專業咁低人工啦

即係你做consultant啦 可以你真係唔洗OT
但你都應該知九成consultant都要瘋狂OT
你講啲唔講啲 係唔全存心害人？