[JS3741] 埋土機械工程乞食區

雅各布😛 2018-07-09 19:49:51

係睇依篇文之前，奉勸準備選讀埋土機械工程嘅各位，停一停，諗一諗，有得揀其他U就其他U，有得揀其他科就揀其他，唔好晒咗依四年，唔好睇工程fg出嚟好似收入唔錯，當水泡就揀工程，啲奶假嘅，sciense都只係晒銀，工程晒完銀之後仲晒埋四年精力，真係想揀工程嘅都唔好揀機械，香港冇機械工程，你讀完都係走去做bs(但其實讀嘅嘢大部份同bs唔太相關)，真係好想係香港讀機械工程，記得唔好揀埋土，有HKU，UST，CU，CITY揀。不過都係個句，香港工程係個笑話。

埋土！機程！

同上年一樣，埋土機械工程第一年基本本上都係讀工程仔會讀嘅科，基本上就唔使點讀。第二年就會有翻啲相關科，之後就會再分major，分別係機械工程同產品分析及工程設計，想對多啲數嘅就揀機械工程，想學少少design同marketing就揀後者，反正都係屎，揀邊篤其實就冇咩所謂。揀機械工程的話讀完year3後就有得揀唔同electives，主要分為aerospace engineering, design and automation, environmental and energy engineering三個範疇，亂揀都無問題，咩都試吓，不過衰啲講就咩都唔專，AE同BSE等其他科更實用，出嚟做嘢做翻同ME相關嘅科平均18k-19k（唔好同我講poly份report話17k，搵11k－12k個啲份工完全唔使degree）就算同其他工程fg（ee19k cs 20k bse 21k）比，其實都算幾低。

題外話，如果淨係想要個degree張cert就唔好揀ME，其他非工程科會更好，成績好好的話其實揀咩都依然會好好，不過揀前都請三思。

ME已沒落，揀咗更墮落。