長期食緊治敏速

上個月開始突然生風癩
要食治敏速先唔會好痕同突起啲癩
一停藥又會黎料
食到宜家都未好返
點算呀 有無人知點先可以好返 好困擾
而且驚食太多藥會對身體唔好

你食果隻藥又無乜副作用既

你諗下你身邊有無乜致敏源好過
雖然天氣都係個因素

我諗緊會唔會係我長期涯夜先會咁
同埋以往都無對啲咩敏感

ys，係一個risk factor
壓力都係

我出左兩年有多都未停到

應該係蕁痲疹

最緊要係唔好掂啲污糟嘢，同埋千奇千奇唔好飲酒！

同埋無論幾痕都好一定要忍住唔好r

巴打你宜家點？ 都係每日食藥？

我係絲，而家都係keep住出，但就疏左，我係忍到好痕好痕先食，通常3至4日囉 btw我之前都食過其他抗敏藥但覺得藥效好似無咁長，而家食緊xyzal都頂得幾耐
我都好想快啲斷呀，政府私家都睇過哂 去親睇醫生啲屎忽醫生都話：吓，呢啲通常都無咩原因架喎！就算做檢查都未必搵到原因架喎！ 之後就打發我走...完全唔知有咩方法可以治療

絲打你好似我，以前一向唔會敏感
我之前日日夜瞓，瞓醒出疹，兩三個鐘會散，之後發覺食某D食物會加劇，我又係唔到頂唔順都唔食治敏速，其實好怕食得多冇效。
治敏速其實好強，我食完兩三日都唔會翻發，其他抗敏藥都係１日貨仔
睇醫生通常都搵唔到原因，要自己發現做過乜食過乜先敏感，只可以避，一發現有敏感即食少劑量抗敏藥去減輕徵狀

我都同巴打一樣 長期食緊治敏速

先講下背景 我係由2011年開始有風癩 睇左好多醫生都冇用 個個剩係識話避開致敏源 同開類固醇 跟本治唔到根 跟住就開始食治敏速 開頭好有效 半粒就已經可以頂3-4日 但試過一唔食就會出返黎 所以冇得搞 只能夠繼續食 之後發覺自己係對熱敏感 即係身體一熱就會出風癩紅疹 個病超難搞

食左幾年後唔知係唔係身體對隻有抗藥性 食左隻藥後 係正常既情況下（即係身體唔覺得熱）就唔會出風癩 但身體一熱 例如運動後 或者緊張全身發熱 都會出現風癩；如果唔食藥3日後就基本上身體冇輪覺得熱定凍都出風癩痕到仆街 但都冇辦法 都要keep住食

基本上 有左呢個病係要係冷氣下生存 因為外界一令到身體覺得熱又會起風癩 所以我成日形容自己每年得半年人生 因為冬天係風癩最難熬既日子 因為係地鐵無論你點著短袖衫 空間咁窄同焗同乾燥 基本上都係出硬風癩 所以做戶外運動完全係冇可能 會痕到死同全身紅晒 相反夏天唔知係唔係因爲濕度高既關係 基本上紅疹數目遠遠冇冬天咁嚴重 所以夏天係我自己重生既日子

所以係讀u既日子 係冬天我基本上係courses selection 簡地鐵冇人既時間 所以有風癩既人生活一d都唔易 一出風癩又會俾人啤住 搞到自己勁自卑 跟住夏天就做所有自己想做既野 e.g.旅行 so far就算出黎做野都係冬天唔敢同班同事gathering 只有夏天先參加團體活動

所以樓主要有心理準備風癩有可能係一場慢長既仗

我上星期去睇醫生
開左啲止痕藥同藥膏
佢都係話有好多致敏原因好難知道
我唔想之後都一直食藥 食藥食到驚

啲治敏速又食哂又要去入貨

有呢個病真係好慘好困擾日常生活
最重要係唔知點醫
試過出街果陣塊面生左幾粒出黎
黎緊會試下睇中醫 睇下有無效

同埋我發覺近期啲皮膚好易有皺紋
扭下隻手就有啲紋係到
而且皮膚受壓就有個紅印係到
其實係咪個病影響埋皮膚體質 定食藥導致咁。。

治敏速幾錢呀？
我之前食xyzal 55蚊排好貴，而家食同一樣成份嘅叫利敏素先35蚊兩排。

我附近藥房就32蚊 但係萬寧果d大間野就好似4x-5x咁貴

35蚊兩排咁多。。
我附近藥房買治敏速39蚊一排10粒

我第一次就係去萬寧買 $54.5 好貴

我買左成年先知藥房平廿蚊
我就用黎頂鼻敏感

試下飲食運動著手 唔好食咁多加工野肉 食多啲素食有益蔬果
增強身體免疫力
健康啲真係會出少好多！！