日文自學會唔會好難？

唔該晒巴打

日經學一年先考N5
每星期兩堂 每堂個半鐘

我就係見佢總共要上144個鐘，但係好多人都話n5好易

初級最好晌大學上堂學
夠快夠chur

唔會。

利申：自學一年，用咗四年，而家喺日本做野

呃你做乜
JLPT呢啲mc題目可以有幾難
又唔係叫你寫論文半年pass有幾出奇

回番樓主
我個時讀書年代無咩野做得閒就拎啲vocab書黎睇下
係屋企又會煲日劇動畫
聽聽下開始習慣佢地語速既話其實就唔太難
佢份listening講啲野其實幾簡單

如果講真係日語應用當然會難好多
但都係睇你想用到幾深
平時旅行睇番組就有少少底睇多啲就ok
如果要做野就要學埋套business language
當然日本人會對你客氣啲唔會好似對日本人咁strict
就好似有外國人同你講廣東話你都會就住佢啦唔通你係咁講成語同文言文咩，一樣道理
所以夠正常溝通+禮貌番啲就可以

當然要去到好精就會係另一個世界
因為其實日文係好1999有時連日本人自己都聽唔明

如果想自學 有無邊間推薦？想快d，chur d唔介意
目標無話要到幾級 識睇漫畫 去旅行識聽識講

多謝巴打回得咁詳細 其實依家主要係為興趣，但係亦都當係學多一門技能，唔使局限自己第日一定要係香港搵食

嗰邊環境點？會唔會好難識到真心朋友？

非acg fans 0認識都想學

基本上n2 夠平時用
N1個啲平時好少用
舒服啲咪set n2比自己做目標
準備搬去日本住同搵工就考n1

好睇你興趣有幾大，你可以求其揾啲班學左n5 打左個底先，日經又好pesona 又好第一日語又好，至少你要識片假名平假名點寫，正確筆順係點，發音係點，例如tsu同zu , ja同 za . 呢啲最緊要既基本野所以揾人帶就揾人帶，唔係記左個錯既就好難改返啱。
之後基本文法可以自學，而動詞九種變化同加唔同時式(過去式現在式) , 再加被動形使役形，呢啲如果自學唔掂都可以揾人教，有人幫你整理好個理念既話會易上手好多。
大約n3 到都可以揾人教， 之後n2 n1 就可以自學， 因為概念野係n3 已經學哂8,9成。之後都係擴充vocab , 令句子多啲變化， 識多啲漢字， 掂下敬語接觸下古文，用下成語寫下論文咁， 呢啲都係自學都可以搞得掂既野

如果學學下發現真係幾中意學，想繼續學既話，就要開始練聽同講， 可以睇下劇， 睇下youtuber生放送，有中意既句子就抄低佢，自己讀出聲讀到熟為止，之後再勁啲既就去日本讀書，接觸下日本人， 其他地方既外人，識下日本女朋友。

路就係咁樣行出黎，唔洗理人讀左幾耐n1n2pass ,你自己真係開始學既話， 你要做目標既人就只係得一個，就係你想憧憬既自己。

好勵志 我會俾心機 好多謝你咁認真俾意見我

多謝ching令到我對學日文開始有方向～

明白，我身邊都有朋友係諗住第日去日本做嘢而家學緊

學校實有non credit language programme
可以睇吓 初級真係chur爆係咁讀就得