現年26歲嘅「十優港姐」麥明詩一向真性情,而且跳舞、彈琴樣樣識,可謂多才多藝。不過噚晚佢搞名為「陪麥明詩彈琴」就出事。即晚嘅高登討論區,就有條佢教琴事前準備約8秒嘅片流出,片中所見麥明詩好專心係度搞好角度,準備直播出街。
當時佢身穿家居服,仲要只係零星扣了中間一兩燈鈕,下身就係一條粉紅色短褲仔。可能佢唔知道片段已經上載上網,仲好細心咁俯身係度調教鏡頭,咁就出事嘞。因為件衫領太開,加上佢冇乜扣鈕兼俯身,掩揚間就疑似露點。
到麥明詩驚覺已經直播時,佢急急坐好扣鈕,可惜為時已晚。條片已經刪除,不過已經有唔少網友下載瘋傳,討論區更有人開post分享。有網民就為事件作出調查,「歸咎」係麥明詩件衫太鬆,亦有網民話要睇就真係要考眼力。麥明詩今日短訊回覆傳媒話:「唔好諗太多啦!」而麥明詩嘅舊愛林作今日回覆《蘋果》話:「唔回應得㗎!」佢仲加個淚流披臉公仔。