港姐麥明詩（Louisa）一向作風大膽，佢除咗語出驚人之外，亦不時會挑戰性感衣着打扮，不過每次都會做足安全措施，絕對唔會畀自己走光。但係呢日網上流出一段Louisa喺社交網開直播嘅片，片中佢着上一件鬆身白色裇衫，諗住畀大家睇佢練琴，點知佢冇扣到衫鈕，仲喺向前傾調整鏡頭嘅時候，唔小心露出內衣疑似走光。之後，佢亦好快咁用手遮住心口，並立即扣上衫鈕，仲火速喺直播後刪除短片。
其後，東網聯絡上麥明詩，她表示：「大家唔好諗得太多。（點解要秒刪片？）既然見到大家有咁嘅誤會，咁就以免大家誤會，我之後會再上載番條片。」
