認真 有冇人痛風係斷到尾

冇呀 本身唔好呢啲 平時都好少食

好好

聽我老豆講話通常上左年紀既人先有
好似連豆類同牛肉都要少啲食

講多少少
我自己都肥底，尿酸都超左

有d野真係要少食為妙

內臟、海鮮、老火湯、煙酒、豆類、菌類、沙甸魚、高鈉(sodium) 都唔好食咁多

我自己傾向覺得係因人而異，我自己對豆類冇咩野，但海鮮同酒就危險，係會fell到少少唔妥咁

係 病友們注意飲食真係好重要

先去驗咗尿酸先，如果你同我一樣係遺傳嘅體質問題，想斷尾只能靠飲食習慣同多飲水。

咁我遲啲去公立驗個血 麻煩晒咁多位巴打 好幫到我！！

巴打救命
我已經食左別嘌醇五個月
驗血尿酸已降
但都仲係成日痛, 點解???

你係咪姆指外翻咋

尋晚我痛醒左 2點到去急症室等到依家仲未打到支止痛針...

唔清楚呀 我都係醫生講咩我信咩

上網睇左 都幾似！ 不過一陣都係問吓醫生！

可能你係姆指外翻

真係痛到仆街

痛風揮手區。
我今年31，十一年前第一次確診痛風。
（私家醫生抽血驗，仲要係自己獨遊絲路，喺敦煌行行下莫高窟時嚟料。喺敦煌同香港各抽過一次血，都係尿酸過高。600幾pmol/L ）

痛嘅時候都係食秋水仙，我係要食到肚痾痾水都要繼續食，先消到炎止到痛。無食降尿酸藥（因為成日就唔到時間去公立醫院排期）。

我近年都唔食內臟，酒就兩個月都未必飲到一次，肉就正常份量啦（三餐喺街食，都係茶記/大快活/KFC桶飯嗰類啦、因我係無飯家庭）。

發得密除咗飲得少水外，飲錯野都大鑊。
酒唔駛講啦，飲得多汽水、甜野都易發，另外，親身經驗，一星期內千祈唔好飲超過兩罐redbull/monster嗰類嘅野，否則發硬，仲會發得好金。

而且提提你，嗰日出汗出得多（成件衫濕晒嗰隻），第二日都易發（因水份流失令d血更濃，如是者血內尿酸都會濃）。


聽你講你小心飲食都會發同痛，我懷疑你發嗰d關節已有結石，所以結石蝕關節、唔發都久唔久痛一野。


我左手中指第二關節腫晒，有粒小粒突突地，而家唔痛都腫。相中左面係左手、右邊係正常右手，比你對比下。


右腳膝蓋我指住個位又係突粒野，同手指情況差唔多。

多謝巴打分享 醫生有冇同你講啲咩生活習慣要注意嘅野

都係注意飲食、多飲水嗰d行野啦

依家等緊照x光

咁後生有富貴痛，保吓個腎，戒吓口
西醫冇得斷尾，睇中醫啦

我腳指公唔痛呀
係腳踝周不時痛
有無人知點解尿酸已降到正常水平都仲成日痛

我懷疑緊自己係咪痛風合拼風濕