[劇透討論] 點睇是枝裕和新戲《小偷家族》

在東京舊區，窮爸爸與兒子以做小偷為生，一晚遇到一個被遺棄街頭的小女孩，好心收留了她。小女孩從此跟著小偷父子、媽媽信代 、婆婆及在夜店工作的姨仔過活，一家人毫不完美卻有其幸福之道，秘密之一是……

《誰調換了我的父親》Lily Franky
《100円的愛》安藤櫻
《惡之教典》松岡茉優
《甜味人間》樹木希林


點睇
從開頭瑣碎既日常串連起來 講到點為之「家」
安藤櫻好撚尾機

今年睇過最好睇嘅戲！臨尾小朋友個無聲字一出即刻頂唔住
安藤櫻差館個位超震撼，聽講劇本冇對白，係佢自己感悟對白出黎

非親非故嘅人，都可以毫無保留噉接納你，呢d就係真愛

兩個問題：


1. 祥太點解要特登被人捉?

自答：佢係咪以為個「妹」偷野被店員望到，所以自爆引開店員？


2. 阿婆同亞紀屋企有咩關係？

自答：亞紀親生老豆同阿婆講話「家母的事，我很抱歉。」係咪有咩玄機？

最後政府個處理手法好值得深思

將細路女俾翻佢原本嘅「家」

但好明顯係個到感受到嘅溫暖真係遠不及係賊仔屋企

晏晝睇完

我個人覺得第一個問題係祥太經過士多舖老板發現佢地偷野而無捉佢地，仲俾左兩枝冰佢地食仲叫佢唔好再教壞妹妹，返到屋企佢同返"老豆"講呢件事但老豆又不以為意。再加埋佢佢地去爆竊偷車入面既野，祥太好質疑老豆，因為佢之前同佢講係商店偷野個d物件係無物主，所以唔算做壞事，但以家係真係偷人地既財產，所以佢好嬲。再之後士多老闆死左呢件事，同見到妹妹係超市又有樣學野偷野，諗起士多老闆既教誨同意識到老豆教佢偷係壞事，祥太知道唔可以再咁落去，所以突登被人拉


第二 阿婆同亞紀係無血緣關係既婆孫，婆婆係阿紀爺爺既前妻，所以婆婆去亞紀親生爸爸屋企拜佢個死鬼前夫時，亞紀爸爸話家母既事好抱歉，因為係佢阿媽搶左婆婆個老公

安藤櫻係《百元之戀》已經好好戲

百元之戀簡直神級演技 btw睇親佢啲戲都係素顏上陣

1. 我都有噉諗過，睇你噉解完又似係喎。即係祥太有兩個目的：
- 特登被人拉，等自己無得再偷野，藉此改過自新
- 做反面教材(偷野會被人拉)，希望阿妹唔會再偷野

2. 阿婆只係前妻，點攞死鬼阿爺d退休金?

個女警同亞紀講，話阿婆係為左錢先叫亞紀同佢一齊住，噉樣挑撥離間，都幾仆街。

啲伏筆好多

由用紗代做藝名到講揀血緣
到勝太話估唔到要埋第二個人
慢慢咁揭露呢個就算過得貧苦都好親近
既"一家人"其實冇一個係有血緣關係

尾段講話唔係捨棄，係拾回婆婆幾感觸

可能阿爺填左受益人係婆婆
或者佢兩個無正式離婚
阿爺有兩頭住家

佢係鎌倉物語入面做個個死神

個女警只係表面證供覺得婆婆貪錢先接近亞紀屋企人
每次婆婆都收人地三萬yen
唔知婆婆一直都留起放係屋企
同埋婆婆登咁大聲講個提款密碼
都係想留返財產俾呢一家五口用

松岡茉優 睇apps見星期六先有

其實諗極都唔明點解阿紀會跟左婆婆？
佢本身既爸爸媽媽以為佢去左澳洲？
同其實點解小偷果家人一個都唔講細妹比人虐待？

不過其實都唔怪得曬個女警
個女警只係由表面證供去睇依件事
如果依件事發生係香港
我地齋睇報紙 都會覺得個婆婆係為左錢

做風俗孃睇到我扯左

無人睇？
推

想睇松優

未正式上映係咁上下

岩岩睇完

起日本睇咗，好撚感動 何為家