【禮頓再爆醜聞】狂漏水獨家片 揭84億港珠澳天幕變水舞間 專家:長遠影響結構

http://nextplus.nextmedia.com/news/spot/20180623/596847
【禮頓再爆醜聞】狂漏水獨家片 揭84億港珠澳天幕變水舞間 專家:長遠影響結構

港珠澳大橋香港口岸人工島旅檢大樓的天幕，早於去年6月完成安裝工程，但本刊收到多段短片，天幕在本月22日的黃雨下，出現漏水問題，令大樓地面多處現水積。而旅檢大樓的總承建商之一，正是近日風波不絕的禮頓建築。

造價千億的港珠澳大橋香港段工程一直滯後，早前4月又爆出人工島防波堤「消波塊」組件被沖散，以致一直未有確切的通車日期，整體工程預計會在九月完工。旅檢大樓波浪型天幕一直被指是港珠澳大橋香港口岸最標誌性的設計，但在黃雨的洗禮下，逃不過漏水的現實。參與旅檢大樓工程的工人爆料指，天幕每逢下大雨就會嚴重漏水，「周圍都會漏水，行過就見到地下一大灘，淨喺計室內都有6、7個位置漏水」、「每逢落大雨就會漏水，小小雨就無事嘅，一年都有7、8次」，工人指地面會出現有多處水積，地牢位置又會水浸，「補救措施？無㗎，一唔落雨就當無事囉，落雨就攞水桶裝住啲水，或者搵圍欄圍起佢就算。」



面積達九萬多平方米的旅檢大樓，其天幕呈波浪形設計，採用嶄新的巨型預製組件組合而成，大部分工序在預製工場內完成。港珠澳大橋相關工程的網頁顯示，預製組件在中國內地建造，在中國中山組裝，其後用躉船運到港珠澳大橋人工島裝嵌。 這項天幕設計早前獲得發展局及建造業議會合辦的2017臨時工程卓越大獎金獎。

相關工程的總承建商為禮頓-俊和聯營，工程合約總值84億，亦是香港口岸工程中最貴的工程合約，範圍包括旅檢大樓、高架及地面落客區、行人天橋及區域性冷卻系統。禮頓近日可謂處於沙中線問題工程風波中的風眼，其承辦的沙中線工程中的紅磡站、土瓜灣站及會展站的工程接連被揭發懷疑造假。而俊和建築早前承辦房協於筲箕灣明華大廈的重建工程時，亦被指使用不合格鋼筋。

資深土木工程師倪學仁估計，工人裝嵌天幕的預製組件時未修好組件的接口位，因此天幕出現漏水，「因為就算喺預製組件都唔會話成個天幕就咁吊上去，佢都係一件一件咁裝，可能佢啲接口位未曾修好。」而地牢水浸問題的嚴重性，就視乎水浸原因，「如果地牢嗰防水做得唔好呢，咁下面啲海水滲咗入嚟，而佢嗰防水層做得唔好，引致地牢入水就好嚴重，如果你話喺落大雨上面天幕啲水流落嚟，最後入咗去嗰地牢到，搞到地牢塞咗，反而無問題嘅。」他表示天幕漏水的情況並不嚴重，只要處理好接口位的滲漏問題就能解決，「雖然佢未必會影響到通車嘅時間表，但長遠嚟講，可能會影響到結構嘅損傷。」



路政署回應指天幕已於2017年完成安裝，現正進行驗收，天幕在施工期間沒有出現結構問題，並知悉天幕部份組件接口位出現滲水問題，承建商正進行修補工作，預計不會影響通車日期。記者致電禮頓查詢，禮頓指對天幕漏水事件沒有回應。

點解天幕一定唔可以漏水？本身設計就係要漏！象徵住香港人庫房年年月月日日都漏水！

天幕係嶄新設計
咁赤鱲角機場客運大樓嗰啲係乜？
廿幾年前已經有喇喎
又唔見漏水？

機場嗰啲係滴水
呢個係嚴重漏水喎
濕到地磚留下水漬

禮頓俊和

全港最閪果2間main con 係齊到

( Show Blocked User - 羅拔利雲度夫斯基 )

資深土木工程師倪學仁

偽學人

唔係話你戇鳩
但你有無諗過玩食字係弱撚智既行為

毒果

癡線澳門新濠個水舞間日日都滴水下面積曬水又唔見你報？擺明針對我地禮頓

好期待佢幾時崩

擠牙膏

牙膏報究竟仲有幾多料