夏日為大地帶來美腿，但到了冬天…，不用愁，可以睇午間時段的《都市閒情》，一年四季都有美腿，講緊的是被高登仔瘋狂cap圖的彭慧中。自從她去年開始擔任節目主持，在該時段的觀眾，就不止師奶會睇「今晚食乜餸」，還多了一班宅男粉絲，皆因每次見到彭慧中出場，她必定以短裙示人，令飯氣攻心的下午變得熱浪迫人。
對於現時的主持工作，早已駕輕就熟，而她亦想面對一些新挑戰，「依家都好輕鬆，工作量又好穩定，唔似其他人拍劇要捱夜，都係正常返工時間，返朝九晚五咁囉，同OL無分別。」除了主持《都市閒情》外，彭慧中將會主持《文化新領城》，雖然她成為高登長腿女神，但始終未能跳出主持人框框。
對於拍劇彭慧中充滿憧憬，而且信心十足，只是欠缺一個機會，「梗係想拍劇啦，但係唔到我諗㗎嘛，呢啲要公司安排。依家主持都handle到，都有信心應付到拍劇，對自己有信心先可以做呢行。」（《八時入席》開新一輯《開心速遞》有否搵妳演出一角呢？）彭慧中笑說：「冇喎，我不受邀請呀！其實依家咩角色都想試，或者可以做比較開心，搞笑嘅角色。」
