[情緒病]有無人試過恐慌突襲

近來生活面對許多大變化, 有日渣渣下車突然心口壓住, 辛苦地停左車, 然後四肢麻痺僵直, 自己打999入院, 檢查話我心臟正常, 俾維他命我打發我走.

後尾做左好多資料搜集, 發現原來可能係驚恐/焦慮引起既恐慌突襲, 呢件事令我好困擾究竟應唔應該繼續渣車. 有無人有相似既經歷?

巴打呢D大變化對你影響都好大, 為你帶黎唔少壓力?
雖然恐慌突襲都有D症狀, 即使你MATCH一部分都好, 都唔一定係..
建議巴打你最好都係去睇下醫生, 會有個專業D既判斷

渣唔渣車, 都係睇你既身體狀況
如果短期內你都好擔心自己又再引發呢個心口壓住既感覺
你不如坐公共交通工具, 同時又唔洗咁擔心渣車嘛

畀咩維他命畀咩維他命

俾咗維他命B 雜

Ok食緊

多謝巴打。

人生嘅重大變動，包括轉行、結婚、買樓，呢一年發生晒或嚟緊會發生，工作上擔心應付唔到，所有嘢就骨牌咁冧晒。

我想睇醫生但唔知應該搵邊科好。

考a level果排成日無啦啦個心離一離
好似比人嚇咁
但係無咁誇張

係咪好似殺神特工個主角咁？

有,我係心跳加速,頭暈,出冷汗,手震,失眠 個人突然好驚

考乜嘢試我都冇事，係出嚟做嘢先係咁

如果你真係有呢個擔心, 可考慮睇下精神科醫生
佢會有D TEST幫你睇下係唔係有恐慌/焦慮
不過約醫生都要時間, 係呢個過程, 可以試下做運動/YOGA等等果D令自己放鬆D

我都算有，呢d 無得確診，通常係醫生乜都check 唔到就會話你恐慌

去search 驚恐症

聽你咁講都幾明顯係panic attack (中文應該係焦慮症)
係生活壓力大既香港其實好多人有依個病
睇醫生可以睇精神科/有精神科文憑既家庭醫生 依家有多診所個d醫生都可以處理輕微既情緒困擾 如果嚴重既可以接受轉介

類似既情況你試過幾多次？ 有冇覺得係特定情況容易發生？
如果影響到日常生活例如工作 醫生會建議你食藥減少焦慮
如果情況輕微 好似上面咁講 做下運動/你鐘意而又放鬆心情既事 都會幫到你

多謝你嘅支持呀! 你都要加油

類似情況已出現過幾次, 幾次都係揸車途中發生, 第一次就如上面講入左急症檢查無結果, 第二次就用個紙袋掩口, 吸反自己呼嘅氣就好D. 我發現往往係星期六日放假先會發生. 我都唔知點解, 可能係因為剛剛轉工唔慣..

醫生方面, 私家醫生好貴, 政府就有排等, 我都唔知應該點好.

係咪揸車返工途中？對返新工有咩感受？

私家睇專科診金都成千銀架 搵d有精神科文憑ge普通家庭醫生(姐係附近屋苑個d 你睇下佢既資歷有冇) 幾百一次
就算你想排政府都要搵佢寫轉介信

同埋你做得岩架
肯主動求醫
同埋緊張時呼吸急促用紙袋幫手
另外可以做下呼吸練習 到緊張個陣提自己控制呼吸

我係新轉行入去另外一個陌生既環境. 過去十幾年我都係多勞多得嘅營業員, 一星期返工係返六日半, 新工係一至五9-6, 坦白講我係完全唔慣.

除左轉工, 我仲有好多既野要面對, 新屋,結婚 都係黎緊幾個月發生, 我諗我知自己點解會咁樣, 但我真係克服唔到.

多謝你用心既回覆.

好多人生大事同時發生
俾我都未必頂得順
有伴侶家人既支持 同埋 星期六日放鬆下(五天工作 ) 相信你未必需要食藥 都可以渡過今次考驗
有事既搵人傾下 舒緩下壓力
如果情況嚴重左(eg工作唔到)/出現多左 再考慮睇醫生都可以