[Steam] 單機爬塔卡牌Game Slay the Spire 出左新角色啦

佢俾3張灰卡，好多時都揀唔落手

忠實玩家

岩岩玩都開始玩

無專登爬ascend

依家玩每日challenege都好開心
----------------------------------------------
介紹比好多人知

一係就話等特價，百幾蚊都唔撚肯比，垃圾大作幾百都餓狗搶屎

一係就買完，「爆」左一次就話已爆機

香港人真係唔撚識咩係indie game, rouge-like game

咁你可以唔要

玩完ascend玩番正常mode就會覺得好易
同好 我都好鍾意玩roguelike
以前耐唔耐就會玩舖ftl, spelunky, binding of isaac
slay the spire外國好撚hit 短期內應該唔會減得幾多

而家三個角色輪流爬進階, 鐵衛/獵手/機械人分別爬到 9/8/9, 大概係新手~中手水平, 利申有 sl

其實覺得識玩三個角色都好勁, 對三個角色嘅感想如下:
鐵衛士 : 有好多唔同嘅流派, 好似炙熱打擊, 盾戰, 力量戰, 枯枝腐化, 大部份流派爆發力好高, 而且因為先天遺物可以打完回血, 所以最有本錢同敵人回血, 同埋都係因為可以回血, act1 可以貪 d 打多 d 精英

獵手 : 三個角色之中最穩定, 通常攞到一兩張靈巧腳步, 再加毒霧, 磨下磨下好易去到 act3 boss, 不過打唔打得過又係另一回事, 其實睇返鐵衛加力量, 獵手加敏, 機械人加集中, 就知獵手係比較穩定, 畢竟疊起左防自己唔死就有機會磨落去, 起手牌中和又係減對面攻
大部分流派要成型都比較依賴遺物,比較難玩到完全體, 自己經驗成日去到尾都係一堆雜牌

機械人 : 三個之中 late game 最勁, 主要流派無非都係萬物一心, 同埋玩波波, 包括電/冰
成左型應該係最勁, 但係成型比較困難, 萬物一心 key card 係 legend, 又起碼要2爪擊先有咁上下實力, 球流又要集中又要加球位, 又要有方法產冰
同埋就算成左型, 每場戰鬥都係最要花時間 setup, 但係 setup 左之後就好勁, 因為好多 op 嘅能力, 例如迥響型態同創意性思考, 不過 setup 其間好易已經俾人打左好多血..

三個角色共通係攞牌唔可以太貪, act1 可以初段攞幾張勁勁地嘅過渡, act2 開始就剩盡量攞自己流派嘅 key card, 自己通常 end game 嘅手牌數係22-30咁, 同埋大部分流派記得要平衡返防禦牌嘅數量, 初玩好易見到一埋攻擊牌勁就唔攞防禦, 有時 boss 一下大力果陣無防係手就gg, 鐵衛嘅聳肩, 同埋機械人嘅冰川都係數一數二嘅防禦好卡, 可以攞到3~4張都唔怕

但玩ascension好多時爛牌都要揀 唔係打act1 elite都死

本身都係百幾蚊
減條撚咩
仲每星期更新

Issac更加不在話下
遊戲設計到可以無限次玩
仲可以加mod

好唔好玩 睇steam評價已經一清二楚

睇完你地講而家前期會小心d揀牌

好詳細
獵手加敏你可以話佢穩定，但同時都俾好多怪counter,例如你遇到act 3 elite兩隻加力量怪就係咁先我覺得獵手後期贏既手段最好就係靠毒，如果拎唔到好既毒牌既話就算你有加敏都好難打
相反機械人玩波波counter到好多野 虛弱對你無效，纏身對你無效，唔會觸發到殺人花既盾
機械人前期後期都有勁卡啦 迴響形態駁個緩衝/搜尋都已經屈機

啱啊
每星期更新呢樣真係抵讚
一路都keep住加新既元素而唔係就咁balance patch就算
一陣出無限mode又有排玩

揀啲抽牌/放回牌堆頂部嗰啲卡都無死既(鐵衛既戰吼，頭槌；獵手既背囊，逃脱計劃；機械人既彈回，全息影像)，玩到後期都有作用

beta版已經出左無限mode啦
悶到喊

聽講好易玩啊嘛 應該會改難啲既

呢個一向有，我都係偏好d draw牌既，但可能多得濟

同埋想問下如果我加得多0消耗嗰d牌（例如嗰招憤怒），對個牌組會唔會有太多壞既影響？因為我好鍾意見0消耗就加入去牌組

係架,我都推左比個FD
打贏一次仲以為自己好醒即刻SEND出GROUP POST
仲話好易乜乜柒
一問先知剩係玩鐵衛仲要玩5,6次先贏第一次
獵手又無玩(果陣未出機械人)
每日挑戰都唔知係咩

講完比佢知,過多兩日又係放置
得返我同另一個FRIEND玩(本身推介左比5個人玩)

機械人嚴格黎講25已經好FULL
都要想辦法DELETE埋攻擊防禦各一張
如果唔係都好卡

我覺得,機械人>>獵手
獵手表面穩定,事實上就係三個職最難爆發
機械人可以用一張能量牌再加暴風雨係咁電
仲有各式方法爆發,例如黑暗球儲幾回合用雙重爆發已經好痛
但獵手既KEY CARD(我指爆發)
毒爆/鋼鐵風暴都唔算穩定易拎
獵手容錯率遠低於機械人
甚至乎某幾隻BOSS識清狀態解毒

獵手AOE同速解怪既能力比機械人太低了


利申最近先玩返,一切印象都已經係三個月前既獵手

我話獵手穩定嘅意思係佢渣極都有個譜, 舉個例可能大家都打十場, 獵手可能果十場個表現係4-7, 機械人就係2-9咁, 因為係咁我覺得獵手係易 d 去到 last boss, 但係又大機會打唔死, 相反機械人我自己用係成日死係小卒度, 不過呢 d 都係我個人體感嘅經驗, 個個人感覺都有 d 唔同

可能我唔識用啦, 我覺得機械人打一群小怪都幾頭痛, aoe卡都係偏渣, 電又難控制電邊隻怪, 電嘅核心aoe卡又係橙卡, 有 pick 到仲要早抽到上手先有用, 有幾次act 3 對住有自爆機械果群怪, 都打佢唔切俾佢自爆成功, 果 d 黑色重生怪, 甚至act2 嘅三雀都打得好吃力

獵手爆發力低係正常架喎, 如果俾最好磨嘅職業爆發力, 咁就太op啦

提外話岩岩發現呢個網 https://spirelogs.com/ , 有得睇返人地 upload d 資料, 估唔到鐵衛士係進階15係通關率最低, 仲差幾多添

所有新手第一個都玩鐵衛 好正常

而且我發現個數據庫完美打擊好低分，
但其實完美打擊都幾勁下。
琴晚完美打擊混亂流過咗鐵衛 上到11
之後萬物一心過第一次機械人

通常0cost draw牌永遠都好既 逃脱計劃呢啲
0 cost牌好唔好係睇下你副deck多唔多抽牌既，如果有好多抽牌既話0 cost就多數ok, 否則反而會導致卡牌
憤怒配合惡魔形態都幾勁既 塞一兩張，打到後面就會有一堆憤怒

無既 總有人唔鍾意玩既
我自己就日日玩 好上腦

完美打擊鼓勵你入廢牌 牌運差遲抽到完美打擊就好蝕

LM

做人無夢想