有冇人因為唔捨得同屋企人分開住而好驚結婚？

近排男朋友同自己傾結婚，已經開始覺得好唔捨得
由細到大都冇搬過屋，阿媽做家庭主婦，所以同屋企人相處時間好長。
而男朋友屋企單親，佢唔想掉低佢媽一個住，想我搬去同佢地一齊住
諗起第時日日出房門見唔到自己父母，又食唔到爸媽煮嘅住家餸，就覺得好驚結婚

我認我好痴家，但又唔係果d要爸媽幫我做晒d嘢嘅人，都會幫手做家務、煮下飯，唔會當佢地工人。

只係好怕以後隔一星期先同佢地見一次，見到佢地多條皺紋都好心痛，但又冇能力買間大屋結婚後都同佢地一齊住

嫁出去嘅女

撥出去嘅水

同ex都係因為結婚達唔成共識而散...
都唔知點overcome呢種恐懼

咁祝樓主老豆老母臨死前可以見到自己個女結婚啦
咁都唔付出就算做人女朋友都只係害人

但我諗你屋企人都想見到你結婚

你走左屋企又多間房用

樓主快啲走 兒登啲人真係覺得女人天生就是罪

識唔識分咩叫害人呀

會唔會誇咗啲？
你讀大學有冇住hall？
一係買樓買返屋企附近
可以成日見到屋企人
問題就解決

不過你男朋友單親
都幾肯定你未來唔好過
同寡婦爭仔，十之八九爭輸
換男朋友好過啦
揀單親寡母湊大既仔，你永遠都只係生仔機器、下人兼二奶

想參考下已結/就結嘅人點克服呢種恐懼

講真生你養你咁多年 長大成人
又比個溫暖既屋企你
就算出面幾黑暗都好都有屋企
唔捨得都正常啦
慢慢克服囉 我同你一樣 都好鍾意屋企
唔利申巴定絲啦屌

同ex散因爲佢屋企想大搞結婚，即係擺好多圍好多習俗果d 結果鬧交同埋當時啱啱grad u覺得太早結。

Ching對單親仔嘅諗法我都有諗過，有時同佢媽相處都令我好多黑人問號 不過我男朋友對我真係好好，我有話可以試下同佢媽住先，但係到30歲就要搬出去，不過驚一搬入去冇耐就頂唔住想返娘家

心理平衡唔到，唔知會唔會結咗之後個感受又唔同

同奶奶住 仲要單親
到時就會話住落好地地仲乜要搬呀

唔同意佢果時又唔敢出聲
但直接要求男友同我一齊搬去我屋企人附近 又真係好無情

冇用㗎
單親仔果種關係係親密到老婆都可以唔要
你仲要搬入去住
同你講，你一搬入去
冇可能搬得走
呢個係死結
一間屋只可以有一個女主人
寡母婆心理唔多唔少睇唔開
你幻想下就明
你同老公結咗婚，奶奶仲要幫你老公買埋底底、保管存摺
每一晚入你地房幫個仔蓋被
你冇可能捱到

我第一任表嫂就係咁搞到離婚
而家第二任表嫂又話打算離婚了
我表哥就係單親仔，世界級戀母
乜都無所謂，但就唔可以掉低老母
我第一任表嫂同我地一家好熟
講過一句令我好深刻
話佢奶奶之所以肯俾佢嫁入門
都係因為母子亂倫會生畸胎乍
真係言者心酸，聽者震撼
一句就明表嫂為乜要自由

你個case又真係好癲
我諗我男友好少少 佢好細個係跟阿爸住 因為佢媽唔想湊（應該係剛離婚眼木爆廢事見到同前夫生個仔眼怨）同埋前夫有能力俾好d生活佢，但後來佢爸再婚，我男友又經濟獨立左，所以近十年男友先同返阿媽住。冇戀母嘅。

但始終唔係自己阿媽，又要尊重佢，有時都幾難受

眼火爆

搬左入去住你就會諗點解佢可以陪呀媽你就要搬離屋企人

樓主啊
我以前個上司，佢個老婆直頭有一半有多時間都係娘家嗰度， BB都係娘家。

你唔使跟呢個世界既規則去行
而且第時你想生BB嘅話，老公單親屋企嗰邊真係照顧冇咁好，冇理由要個奶奶做完家務又要煮食療/ 幫你洗衫。所以我上司個老婆幾乎都係自己娘家嗰度長住。

唔止上司個老婆，我有個親戚都係咁。

其實個個都會諗自己，你既男朋友都會諗自己先。
放工返嚟，有自己媽咪煲嘅靚湯飲，又有老婆可以夜晚屌。
佢梗係開心㗎，你有冇諗下你自己？

其實結婚要同奶奶一齊住已經有啲尷尬，而家仲要係單親⋯⋯
我自己個老母啊，就算我阿爸喺度，都成日覺得阿哥女朋友搶走左阿哥，呷醋啊。
坦白啲，我阿媽當阿嫂係未來生仔工具㗎咋，feel唔到有愛。
我唔知樓主你個情況係點，覺得幾危險下。

我希望樓主你唔好因為同情你男朋友，而過分委屈左自己，到時候你唔開心又係要離婚。
同男朋友傾下未來會成日返娘家因為太唔捨得爸媽，睇佢反應係點，佢唔肯嘅話，佢一定係個自私撚，快啲飛撚左佢。

真係安慰人嘅高手呀
始終佢單親家庭背景，都唔想佢同阿媽因為我第時有紛爭咁樣。佢阿媽講明唔中意煮飯㗎，同屋住都成日自己煮自己食，我都會諗下第時如果有家庭生仔果時，個細路都會冇啖好食。

係啊？咁佢地兩公婆未要分開囉？
不過我身邊朋友都話第時坐月一定要返娘家，會放心好多。

都係，寄人籬下仲要守佢阿媽定落d規矩