咩野叫做送mock卷、天書，其實我到宜加都唔明點解補習社竟然會用個「送」字，我比錢交學費，呢啲只係服務提供既一部分。我唔洗付出任何金錢，唔洗交學費都可以拎到的話，咁先可以叫做「送」lor
1. 「全港最多學生」只等於最多人補，但唔等於教得最好，因為最多人補同時意味考得差既學生好可能多過其他名師既學生人數總和，例如yy lam有過萬個學生，理論上無論佢教成點最後都會有接近100個5**。所以唔可以比一張5**學生大合照呃左就以為名師出高徒。不過可以確定既係呢啲名師既開班會比較多，如果成日有野做會撞補習，簡呢堆名師會比較適合
2.「X大某學科畢業」其實可以唔洗理，大學既野同dse完全無關係（如果要用大學既野先學得識dse，咁以前名師做中學生個時係點考試點入大學？）不過最基本真係要三大lor，原因係入得非三大既名師你可以想像到佢以為高考成績有幾好呢？補一個唔寫清楚自己邊間大學邊個學系既導師前必須三思，第時出去做野你試下唔寫自己邊間大學咩學科，你連張application form都填唔到呀。
3. 睇學歷唔好睇master degree，好多時master都係比錢買返黎，除非神級外國大學master。要睇就睇學士學位，雖然個人唔太鐘意yylam，不過單以學歷計的話，yylam中大中文本科呢啲就簡得過，再次強調其實三大本科同自己教個科相關真係最基本要求。
4. 所有名師既mock exam 都可以唔洗報。名師往往聲稱自己出得同HKEAA好似、做過呢份卷會學到好多野，先唔講燈塔名師mock卷改唔切，而多數mock卷要考前兩個星期先拎得返，你認為你仲有幾多時間可以進步呢？呢個時候名師又會講過千人同場應考感受氣氛，但事實真正既考場跟本都無200人，我要成千人一齊考黎做咩勁？而且好多時補過個位名師既課程再報佢個mock其實有優勢，本身存在不平等既比較，有補過cliff就知demand curve可以non parallel shift，無補過既人正常唔會知有呢種情況，結果答錯，扣下扣下就話你無5**，呢種情況選修科最嚴重，考mock既好處只係名師袋袋平安同攞威，一場mock過千人考，扣埋場租，名師好多時都等於收多一個月學費，仲可以影張相話成千人考mock。
5. 唔好貪小便宜，見到名師有優惠就狗衝，其實最多咪第一期半價，為左幾百蚊而決定補某某導師其實好不智。除非屋企比多幾百就無錢開飯或者自己要返part time先夠找數，否則一科一個月一千蚊以內都係正常，補幾科補成年比盡你咪2-3萬，入左大學既好處遠比呢個代價大，只係想講有啲錢唔慳得，讀左咁多年書自己係咪天才型學生應該點都知道，能力唔夠咪補習lor
6. 唔好報side course，補習社就鐘意出埋啲一兩堂既課程，標榜一堂就學識某某topic，呢種情況係選修科最嚴重。有讀過下書既人都知好多啲野環環相扣，就算比你學識topic a，但原來topic a可以同topic b and c一齊考而一堂時間名師點會講得哂，結果就變成一堂時間有三分一係到sell自己，三分二教書，學既野唔湯唔水，最後又要死死地氣報返名師一期學返完整概念，浪費金錢。
7. 私補既話如果要去starbucks等公眾地方就唔好補喇。一黎地點嘈，二黎反映該位導師無咩人補。租場既導師其實反映佢有一定學生人數，你估香港交租平咩？無人補佢點會敢租場。
8. 去到最後，簡導師前一定要試過先，唔好見全級第一名補就跟住補，每個人能力唔同，人地岩唔代表你岩。每個導師都有優缺點，有啲學歷高但高考無A，有啲非三大但有5**，補習之前問清楚自己需要啲咩。
雖然我用cliff做例子，但我支持cliff㗎，Andrew lo抄筆記就
