[踩遊記] 以色列 · 巴勒斯坦

開始前戴個頭盔先 — 關於以巴衝突，個人認為政治無中立，係人都有立場，我都有嘅。不論你係反阿拉伯反穆斯林定反美帝盟友，都希望大家抱住輕鬆心情睇。本人無宗教信仰，但好鍾意睇宗教嘢。閒時寫下旅途見聞，盡量做足功課先講，如果有錯希望各位巴絲屌細力啲，多多指教。

—

自從三年前去完伊朗之後，一直都好想去埋以色列同巴勒斯坦。上年，即係2017年，猶太新年Rosh Hashanah 係九月尾，適逢我嘅英國working holiday visa九月中到期，咁就決定由倫敦飛去以色列留一個月，再由以色列返香港。

中間呢一個月，我用couchsurfing嘅形式去咗以色列嘅Jerusalem, Haifa, Nazareth, Acre, Caesarea, En Gedi, Masada, Dead Sea同巴勒斯坦嘅Ramallah, Bethlehem, Nablus同佢附近嘅Balata Refugee Camp。

本來打算去過猶太新年，搭單行下巴勒斯坦。最後竟然喺巴勒斯坦留得耐過以色列，睇到以色列年輕一代反戰嘅爭扎、巴勒斯坦嘅凋零，見咗好多唔同背景嘅人，包括阿拉伯裔以色列人、仇穆嘅猶太家庭、生到一竇都係嘅傳統阿拉伯家庭、世俗化嘅穆斯林等等，親身感受以巴衝突。最重要係終於唔係透過書同網絡，而係第一身聽以色列人同巴勒斯坦人點講呢兩個地方。
以色列同巴勒斯坦雖只一牆之隔，但唔少兩地居民永世未踏入過自己嘅「另一半國土」。而我一個外國人，竟然可以自由進出兩地，踩入聖地範圍。

—

由倫敦去Tel Aviv可以坐 Easyjet / Monarch，兩間都係廉航，價錢都差唔多。今次我坐Easyjet，大約五個鐘，機票百零鎊。





以色列入境排咗好耐，同傳聞一樣的確係問長問短，同英國差唔多。

​
好多人關心嘅護照問題 — 特區同BNO去以色列都免簽。由於我當年用特區護照去伊朗，考慮到有伊朗簽證可能入唔到境，於是我用BNO入以色列。另一個經常有人問嘅問題，護照有以色列印會唔會令你去唔到其他地方？Tel Aviv機場嘅話會俾一張entry card你，上面有個QR code俾你入閘入境（之後入巴勒斯坦都需要睇下呢張紙仔）。




我用BNO去英國working holiday，去歐洲旅行除咗愛爾蘭全部都唔會吸印。所以我本BNO上只有一堆英國入境印，令佢無乜關於去過邊到嘅問題問我，只係問咗以下呢堆循例問題：
嚟幾耐？一個月。
嚟做咩？過猶太新年。
咁耐？除咗Rosh Hashana仲有Yom Kippur同Sukkot啊（後兩個都係重要猶太節日，都係同一個月）。
你係Jewish？唔係，但我嘅猶太朋友話呢幾個節日對猶太人好重要，希望我可以嚟以色列感受。
住邊？朋友屋企。
地址？無，因為佢嚟接我。
然後我主動俾回程機票佢睇，張機票係我位以色列妹朋友訂，見到電郵有希伯來文佢就放行。
總結入境比我想像中容易得多，反而離境時問得仲多問題。

—

Shalom!

入咗境拎埋個蝸牛殼，我就搵巴士向我第一個目的地－耶路撒冷進發。

樓主擔唔擔心安全問題?

留名

🧐🧐🧐🧐🧐🧐🧐🧐

啱啱喺以色列返嚟
Lm

Lm

深度遊，留名支持

踩你返黎喇

留名支持

終於出了

由Tel Aviv去Jerusalem巴士車程一個鐘多啲，落車就等我嘅host嚟接我。


喺呢個有啲up dup嘅路邊見到有架audi停低都幾格格不入。

然後一個非常西化嘅阿拉伯人落車同我握手。

"Welcome to the Holy Land."

以巴之行第一個Host Nabil，一個阿拉伯裔以色列人。

以色列建國當年，好多巴勒斯坦人被驅逐到West Bank, Gaza範圍或其他中東國家如敍利亞/埃及/黎巴嫩等。佢鄉下係以色列北面一個小城，咁啱當年避過一劫，無俾以色列軍隊驅離家園，家族得以繼續喺到生活。於是佢生於阿拉伯家庭，但喺以色列出世，擁有以色列護照。

以巴戰爭，以色列同巴勒斯坦背後係美國同沙地、伊朗等中東國家組成嘅阿拉伯聯盟嘅角力。即使Nabil係阿拉伯人，但因為佢揸以色列護照，中東只有三個阿拉伯國家佢可以去—約旦、埃及、摩洛哥。

"It's not about religions. It's politics."

「你可以話我係以色列人，但我無選擇以色列人呢個身份，只係我喺呢到出世，我拎呢本護照。我唔係巴勒斯坦人，我認同以色列係我嘅國家，但我唔會否定我嘅阿拉伯血統、文化。我只係想好好喺到生活。我係阿拉伯人，我於阿拉伯文化中長大，我講寫阿位伯文。我愛阿拉伯古典音樂，希望令更多人認識到。」

如果喺Palestinian Territory, 巴勒斯坦自治區範圍即West Bank, Gaza地區內出世，先可以申請巴勒斯坦護照，無得話喺以色列出世但要求入巴勒斯坦籍。但其實唔係一個身份證明文件，只係旅遊證件。根本無巴勒斯坦呢個國籍，無香港呢個國籍。

—

Nabil係一位音樂家，讀緊Musicology PhD，同時又係Hebrew University of Jerusalem 嘅East Arabian Music 大學教授，住喺大學嘅學生宿舍。一個非常西化嘅阿拉伯人，喺耶路撒冷最出名嘅大學教傳統阿拉伯樂，好有趣。

佢擅長嘅樂器係一種叫OUD嘅傳統阿拉伯樂器。


有啲似結他。

雖然專長係音樂，但佢對體育、語言、宗教、歷史都好有認識。條友玩越野單車，除咗阿拉伯文希伯來文又識法文德文，住喺耶路撒冷嘅佢對於聖城歷史倒背如流。以為係阿拉伯人就係穆斯林？錯了，佢係天主教徒…但對猶太教同伊斯蘭教嘅認識都唔少。玩晒啦。

於是，我日日都捉住佢問勁多問題…

講漏咗，呢條友仔好崇拜李小龍，目標係做到佢嘅二指掌上壓。
早排佢send咗段片俾我，已經練到三隻手指。
​

巴勒斯坦唔係國家嚟架。

以色列過去無檢查，調番轉就有

巴人唔係話過就過得以色列，好多去到檢查站就俾人捉落車。

同埋樓主咪講咗囉，得張入境紙，唔會留任何印喺你本PASSPORT度。

不過有人講過如果你以色列陸路過埃及

埃及嗰邊個幫你蓋佢個入境印落你本 PASSPORT (聽聞約旦就無)

咁你本PASSPORT 準備拎唔到伊朗 VISA ，同埋你去回教國家都可能有問題。

人哋一睇你個印就知你去過以色列。

等於人哋見到本護照有個中国羅湖口岸印，就知你去過香港一樣。

LM爛尾

捨得出未

去到宿舍放低行李出去搵嘢食。第一樣就係食中東最出名嘅falefel。以色列人會話falefel係以色列傳純食物。但老實說以色列立國不久，食物文化等都係由附近中東國家引入。Falefel 源自埃及，中東各個地方整法稍稍不同。大致上都係ground chicken peas & fava beans打碎造成粉團再炸成波波，可以就咁做，或者放入包到再配大量青瓜酸菜洋蔥五顏六色菜等等。我就麻麻地，但佢係最出名嘅中東小食。

Sorry我張圖見唔到啲炸波波，喺晒底。
​

食完Falefel我已經收皮，直接瞓到第二日下晝。

—

上面講到Nabil係大學教授，所以佢早早出去上lecture。下晝落堂返嚟煮咗佢家鄉嘅食物我食。咪睇佢咁肉酸，其實好撚好食 ，係炒香嘅洋蔥撈埋豆同米再配包。


飯後來一杯極濃中東咖啡


耶路撒冷市內主要交通工具係巴士同輕鐵。輕鐵車費唔係計距離，搭幾遠一程都係同一價錢，一次過買多幾程都無平。

​
大西北出身嘅小人，唔需要好似其他遊客一面茫然，輕鬆駕馭。
​

留名。本身想去，但機票太貴，唔捨得