係粉絲就應該記得，《死侍》第一集有場戲，係賴恩取笑碧咸「講嘢聲音聽起來似同氦氣口交」，即係話佢講嘢陰聲細氣好難聽。段新宣傳片就影住碧咸喺屋企睇緊《死侍》第一集，睇到死侍串緊佢嗰場戲，佢就fast backward倒片睇多次，此時收到死侍用手機傳短訊向佢道歉。
碧咸露出好唔在乎嘅表情，突然有人登門造訪，打開門就係死侍送上愛心曲奇同牛奶，碧咸即關門。跟住死侍又拍門，扮碧咸雞仔聲送上汽球，一樣被碧咸拒絕。死侍再同墨西哥樂隊唱歌，都係道歉失敗之後，佢再拍門向碧咸送上兩張世界盃球賽門票，才令碧咸開心晒，仲好諷刺咁講：「我好心急想去睇冇咗意大利同荷蘭嘅世界盃。」跟住死侍死攬碧咸唔放，仲大讚佢個身好香有肉桂味同男人味。
http://bit.ly/2MilmpD