[阿狗入]毒錯做土木工程師岩岩俾人炒左，我地有啲咩可以幫到佢

佢岩岩graduated, 話好大壓力搵唔到人學師。

終於，佢搵左半年工搵到間係沙田既工程公司做training, 話做結構。佢話個人太毒，所以無得做土木果邊（其實有咩分別？ ）


佢頭幾日已經好辛苦，成日3-4點先返屋企，返到黎成日黑口黑面，搞到我都唔敢惹佢

成日星期六/日約佢打機又唔見左人，話返公司改圖o) 休息唔夠成日搞到面青青（明明我無chur過佢）個樣好似殭屍咁

我問佢係屋企改唔得咩 （至少可以陪下大家打機）佢又話公司先有software

我都明白佢辛苦 但見佢一直都好有鬥志，所以都好少俾精神壓力佢同埋會多啲陪佢傾計

近幾日佢話調左落地盤做要戴帽果種工師師，負責睇住啲人做野。成日話落場輕鬆好多，但有時就有啲豬隊友趕唔切起貨。又話啲人成日無度水扮有度水，其實好多時聽唔明，但明左之後聽佢講哩啲地盤就野覺得超好笑

都好既，起碼早左放工好多，成日可以陪到大家打機。
咁佢至少早左放工，人工又加左4k, 我以為佢事業上左軌道啦

佢哩個月開始成日考試，1年2次，話土木工程以溝通同埋經驗為主，結構就計數。
成日呻話做黎做去都係細project, 考官次次都問啲大既野佢又無做過答唔到。佢問過老闆可唔可以調組做大野又話唔得，話老闆唔俾機會佢

一直都好地地， 點知尋日無啦啦同我講話轉工，成個人頹曬 問佢咩事佢話估唔到咁多日黎咁努力都係考唔到牌，老闆當佢係工具用完即棄，話無計數野做連地盤都唔俾佢做就炒左佢

佢話唔做顧問就會無曬前途，乜真係咁嚴重嫁咩
做左幾個月付出咁多，未至於乜都無得淨掛...

佢而家無咁頹，但成日好似好多野諗咁。同佢講野時帶佢眼神無咁空洞，但好似好無奈同埋自信心無曬咁，佢以前都無咁humble。

問佢野又淨係hea下我咁。想同佢一齊玩pro，又好似好攰咁。我有咩可以幫到佢 ？