見工比人問過最痴線既問題係乜？

有次見會計文員,個HR考完我普通話同英文.
個HR問左我幾次, 宜家行情點呀, 係咪工搵人多.
(心諗: 我鬼知咩 . 雖然個幾日日日都有INTERVIEW係手)

之後比TEAM HEAD 見. 佢話我D普通話都幾好, 我咪當佢讚我, 我笑笑口話 細個聽得國語歌多(細個真係聽開周華健, 徐懷鈺多 )
佢回我, 甘你睇得日劇多咪日文好叻 (心底一沉, 想答佢, 都有甘嘅可能嫁, 你老味)
又串我中五個成績吾見得人, 再加多個鄙視眼神
又話我, 你好鐘意笑嫁(係用衰語氣黎問我)

見完工第日朝早即刻收到OFFER, 我ACCEPT左..
但係諗左幾日覺得都係同D 甘仆街嘅上司做野, 都吾會做我耐. 係返工前一日我TURN DOWN 左個OFFER

試過去間外資銀行(新加坡) in 個電話customer service 位
個recruitment agent 同我講1500去港島東中心某一層搵HR，跟住佢會帶你去另一層見主管
咁我當日準時去到搵HR,個HR就叫我去下幾層門口等個主管出黎
咁我就照去啦

點知我佢個門口，一等就等左45分鐘，中間想去個廁所都去唔到，唔知佢幾時出黎，打電話問番個HR又話唔知

咁到我終於等到個主管出黎，我就問佢廁所係邊，想借個廁所用一用
跟住個主管同我講：好心你黎見工，就一早去好廁所先啦，嘥我時間！
我算，去完個廁所番去繼續in


到真係in既時候，佢問我，點解你適合呢份工？
咁我都係循例答佢啦，然後佢重覆又問多次點解我適合呢份工？
我當佢第一次聽唔清楚，再答多次，答完之後，佢再問我第三次
我真係火都黎，同佢講，咪答左你囉！

咁因為見嗰個位係負責聽銀行客戶既查詢，跟住就佢扮客，睇下我識唔識應對
佢就用一啲中英夾雜，但夾到啲英文又錯撚曬，中文又唔知佢噏乜鳩咁
跟住我答佢：唔好意思，我唔係好聽得明，一係你全部用英文，或者中文呀？
然後佢答我：吓，我係咁架喎！

跟手我就即刻拍枱起身走，同佢講嘥我時間！
呢啲公司，請我做都肯定做得唔開心，唔稀罕佢呢啲閪工

PS:嗰個主管係個女人黎