聽張敬軒隻新碟聽到好辛苦

我覺得新編曲冇問題，好唔好聽見仁見智
問題出在佢唱法完全冇配合新編曲
不論Jazz定Blues佢都係當pop咁唱
一啲都唱唔出個feel
成隻碟比我感覺好hea好掠水
有人話佢做呢隻碟係為藝術、為對音樂嘅熱誠
而唔係為商業
有冇咁天真？
翻唱碟加埋張敬軒個名已經係銷量保證
上一隻都不知幾好賣
今次夾埋演唱會出肯定賺到笑

同埋聽完隻碟
我更加覺得佢唱功並唔係啲人吹到咁勁
唱功唔係只係指唱到幾高音
能夠將一首冇爆位嘅歌唱得動人先真正顯露歌手嘅功力
呢隻碟嘅張敬軒，喺冇乜機會曬高音嘅情況下
不論唱腔變化同感情投放都係水準以下

點解要瀨聽眾唔接受新野 瀨聽眾品味 呢隻碟好偏門好高質咩？
講緊唱得唔掂 編曲唔夾又難聽
顧左右言而他咁 你真係九唔搭八離撚唒題
作為流行曲歌手係應該創作多d新作品 而唔係靠舊人既歌掠水囉 咁對樂壇先係唔健康
做唔到新野 走去唱HiFi碟已經係絕路

下次小心
我狂loop左幾10次，好聽到顛

之前聽人講古巨基本身都想出女仔碟，
但同軒仔撞左concept所以冇得出，有啲唔開心
不過諗諗下算啦軒仔唱女仔歌一樣好好J
而家一聽啲曲改到咁，軒仔幾唱得都冇用啦
除左好心分手我還OK，其他真係唔識欣賞
好采軒仔多死忠，如果隻碟係基仔唱真係比人插到仆街都似

好心分手真係唔掂

翻唱冇咩問題，翻唱到咁就好撚有問題
軒仔唔係冇才華出新歌，但呢幾年有幾多作品出黎😑

好心分手好撚難聽

好好j喎

我覺得絕都好聽喎
黃色大門就第二

佢出隻全部自己歌嘅碟好過啦唉
呢隻真心買唔落手
演唱會唔好唱晒啊

因為呢個post我岩岩特登聽曬成隻碟,最岩大眾聽既一定係黃色大門,仲保留到pop既味道係唔錯,但係我覺得漩渦編曲好正woo,另一番風味,另外好心分手又真係做到佢想做果重黑暗同邪氣,好唔好聽就見人見志,一人分析兩角同活得比你好都唔錯呀,本來親密關係我都覺得ok,但最後佢有一句係到woo woo woo到完全唔岩beat我真係嚇親 ,其他就冇咩好提可以聽返原唱,或者大家試下俾多次機會佢靜心聽多幾次,可能會有唔同既感覺

買左Hinsideout,呢隻碟希望佢到時唱黃色大門,漩渦同活得比你好就夠,唔好side時間唱其他咁就好

以為得我一個覺得難聽
漩渦真係聽到火

親密關係幾好聽

我覺得好好聽喎

佢d 歌無好聽過

點解翻唱就一定叫掠水，同埋聽左唔覺有講到你地咁，我覺得舊歌好有80年代感覺，好適合係好靜環境好好享受。 比較新既黃色大門，我會更中意張既版本。

以我記憶佢好似無出過翻唱，同佢本身中意懷舊，我覺得可以理解同合理出翻唱碟，當然係加埋演唱會concept，不過話掠水就嚴重左。

重有你話流行歌手就應該作新作品，但我唔認同翻唱就唔等於無啟發作用，軒仔用新方式表達佢對80年代歌曲既睇法，令更多人認識被現代人所忘懷既歌，我覺得意義大於作d口水歌。
好似蕭敬騰前2年都出左翻唱碟，目的就係俾人認識一d一早已經被人忘記既歌，可以見得現代歌手唔單止係創作既功能，亦係作為連接傳統同現代既媒介。
所以你所講既作唔到新野，走去唱Hi-Fi係絕路，係好可悲既說法，亦都相當短視。

音樂唔單止創作，重有歷史，同鑒賞，無呢d就無創作。你可以話今次係為左演唱會做呢隻碟，但張敬軒令大眾提高對懷舊歌曲既興趣，並唔係壞事，比淨係要創造更加高尚。

一陣黎個回應連登仔haha

Jazz/blue 風格，從另一角度欣賞名曲，幾有意思
好唔好聽就見仁見智，但唔覺得會聽得辛苦

計埋上隻，最好聽都係風花雪

係
真偽好撚辛苦
Loop 黃色大門loop 到痴左線.l

明哥完美演譯 好難超越

香港人: 唔係Eason 唱就好難聽