去柬埔寨三隆做義工搬沙搬石

第一次出遊記，希望大家多多包涵
相係用iphone求奇影，因為本身冇預過打遊記
平時好少見有services trip，所以想同大家分享下，希望大家遲啲都可以考慮下去外地做義工
今次係一月中出發，一行九人，而機構我地揀左Greenway 格林衛國際義工。因為仲係學生，我地淨係去左七日六夜，行程如下:
第一日 飛siemreap，坐車前往三隆
第二日 當地人帶我地周圍去，下午掘坑
第三四五日 搬沙石磚
第六日 水球大戰，出siemreap觀光
第七日 觀光

第一日
早上6點就到機場，但去到竟然發現我個喼已經過重 應該係帶得太多食物 坐hkexpress，竟然冇delay！

落左機啦 要係停機坪慢慢行返入機場，陽光普照，呢個星期一定熱死
搞掂晒啲野就出機場，greenway有人嚟接我地機 佢既費用係包車包食宿，本身諗住期望唔好咁大，冇冷氣既校巴都ok！點知。。。。。
三架tuktuk？？？？？
我地九個人九個大喼，仲有個廣州女仔一個喼，仲有greenway既工作人員，三架tuktuk？
不過東南亞人真係好叻將啲貨疊起再牢牢固定佢，最後，坐得晒放得晒，出發！

其實嚟接機嗰個人英文麻麻地，佢話接我地去hotel，但我地唔係住hotel，問佢係咪出samrong，佢又話唔係，完全溝通唔到，不過都冇得揀，我地就跟佢上左tuktuk去唔知邊度

lm

https://en.wikipedia.org/wiki/Samraong_District
呢度 Wiki乜資料都冇

玩命

繼續第一日行程
坐左大約20分鐘，到左一間兩層既大屋，原來佢所講既hotel係greenway係siemreap既宿舍，只有兩間大房係俾啲義工住，其他都係staff一家人住，所以好有家的感覺

午餐 頹就頹左啲，但係柬埔寨嚟講已經好好，又乾淨 不過我唔敢食生果，之前係印度奶過野，以後去東南亞國家食野都好謹慎
食完飯玩下貓就出發去samrong！今次坐三個鐘，分三架私家車去
到啦到啦！

原來我地冇受騙！(以前一直都好驚全部都係騙局 因為要用wechat同佢地溝通

我地4個男仔，3個女仔，2個女仔咁分房。呢間係我間房

我竟然冇影過間房全貌 有兩張碌架床，每格分別有自己既蚊帳 有張枱，一塊高到照唔到既鏡同埋一把風扇，亦有獨立洗手間。不過冇熱水冇冷氣。我間房地下有好多蟻 唯有用濕紙巾係咁抹地，後來用埋火酒消毒

所有房圍住既common，食飯都係度食。

男仔房門口。

呢度仲有隻貓叫啊miu 好痴人，但原來佢係自來貓，成日入嚟宿舍，入下入下就直情住埋係度 佢大左肚，我地離開後一個星期就生左

其實如果純粹搬嘢
用旅費係當地請到幾多替工
我明對學生有其他意義 但成件事有啲似美式插畫
有啲係諷刺啲有錢白人搞一大論先幫得個非洲小孩小小嗰種

http://www.greenwaychina.org
呢個 佢係大陸有分部，有個內地女仔一直同我地溝通，去到柬埔寨就全部都係柬埔寨人既職員

去之前都冇好擔心，但當我見到架tuktuk就開始驚

我地都唔係純粹搬野既，最後真係有起到啲野出嚟。去到學校之後就會見到成間學校都係義工一手一腳起出嚟，老師都係義工。其實我地plan之前都好擔心好似你講既咁，所以探孤兒院etc 既project都冇揀，最後揀左construction既project
可能有好多地方/project都好似你所講咁，但今個trip我覺得唔係。你可以繼續睇我之後既update再判斷佢係咪

好的加油
我無意話你個trip係定唔係 對學生嚟講啟發一定好深遠 作為用家我都好贊成去
因為年年我城都貼好多去東南亞嘅義工機會或都有幾個機構有位俾我哋去

留名

繼續第一日
其他宿舍既人都未返，又未食得晚餐，hea下先

吊床區 後來日日一得閒就係度hea
過左陣，個營地負責人Sam話我地知附近有間超級市場 啱晒！一於去買野順便周圍行下

最後買左支綠色芬達，冇乜分別。佢地有人買雪條食，仲話珍多冰味好好食，但我唔敢食
題外話，三隆係一個三線城市，未開發，冇旅遊景點，所以除左義工，係唔會見到任何外國人。物價亦較低，啲人都冇好似金邊/siemreap嗰啲咁呃人錢
6點！返去食晚飯！全部都係歐洲人，得我地一班asian
佢係buffet形式，但都係得四樣野，白飯&一個餸&蛋&水果，都幾好食
食完飯，諗住再出去超級市場買野，一行出大門，啊miu已經跟住我地，叫佢返去都唔返，咁唯有一齊行，行左一個街口，有狗係屋衝出嚟吠我地 佢一吠，又多左幾隻係其他屋衝出嚟 冇街燈，我地已經離宿舍有段距離，係漆黑之中有一對對綠色既眼望住我地，仲要吠 係十字路口走咩方向都死 最後我地決定唔去超級市場，嘗試慢慢慢慢行返宿舍。我地一郁佢地又叫！ 突然之間，啊miu衝埋去嚇啲狗，啲狗真係驚 最後我地九個人類由啊miu護送返去宿舍
啊miu真係好叻 好彩佢死跟我地出去
俾啲狗圍完返到宿舍想梳洗下，冇水？？？
即刻出去搵啊Sam，點知見到佢係一間房門口，仲有四個歐洲人係度，個女仔笑到喊。。。。。原來個丹麥男人係廁所洗完臉一個轉身用腰撞爆左個水龍頭 佢班fd仲話啲水係咁噴出嚟，磚又爛左，見到出面啲草 所以sam熄左總水掣
最後我地同佢地四個係common玩啤牌等有水，佢地教我地玩cheater 我已經唔記得佢地叫咩名，淨係記得個遊戲黑洞就係撞爆水龍頭既丹麥男孩Max
第一日 完

唔好咁快俾負皮我啦

第二日
原來我間房隔離個位係養雞，佢地一早就係度叫
食完早餐啊Sam就帶我地出去行下，順便買電話卡。


行左好耐都淨係見到屋，同埋好惡既狗
終於到左市集(街市)啦！

呢檔生果檔俾左唔同既特別既生果我地食，例如左下角嗰款，佢冇乜肉既主要係吸啲汁。

因為同行有其中一男一女好想試而買左，佢地話咸咸香香幾好食 約1美金

室內就係主要賣衫賣乾貨。
去完市集就返宿舍聽下啊Sam講柬埔寨既文化。

我地咁專心，你就大搖大擺爬上嚟瞓！

之後就上烹飪堂 大廚Nuthya教我地煮柬埔寨版既咖喱雞，佢好調皮搞笑 但其實九個人整一個餸，都係叫做體驗下

我地煮既雞會係lunchtime放出嚟俾大家一齊食
食lunch既時候其他義工都開始嚟同我地講下野，有個男人原本係澳洲既大學教授，佢退休後就嚟左呢度做義工，一做就做左三年 仲買左架電單車用嚟來回學校宿舍 其他外國人大部分都好後生，二十幾歲
食完飯有個半鐘午睡時間

我地就係坐呢架車去學校，9個人坐都幾鬆動 點知原來仲會去另一個宿舍接其他義工，最後呢架車入面有二十個人

學校分A,B兩部分，A,B中間只係隔住條馬路。A已經發展左80%，B就淨係得三間課室。

A校舍內既水池。
之後學校既人就話想油下牆(輕鬆啲)就去A，整下枱櫈就去B。最後我地一行5人就去左A
分工完畢！佢就話帶我地去拎啲工具先。
喂你唔係話呢邊輕鬆啲咩？點解我地既工具係斧頭，鐵剷，大鐵桶？
最後。。我地冇油牆，去左整校長室出面個地台
講聲唔好意思先，我冇影到一開始撻地係咩樣，本身係校長室出面有1x4m既石級同埋一片沙地，咁我地就要打碎佢一半先

打碎完就剷走部分沙，再掘一條坑。
見唔見到有條魚絲，師傅叫我地跟住條魚絲掘，但條魚絲好煩，一掂到就甩 上半part係我地掘既，下半part係師傅掘既，快靚正

小食部啲姨姨好好，佢地係咁refill樽裝水俾我地，仲送左每人一對手套

lm

Lm
之前都有諗過join呢類型既野去義教
尼泊爾都好吸引
最後因爲撞正屋企有事先去唔到

我都想去尼泊爾幫佢地重建家園，但同行有人既屋企人擔心太危險，所以都係揀左柬埔寨

多謝你 今晚會update！

黃賭毒國家 啲人勁懶 有無買草返去隊

冇

掘到咁上下，鐘聲響，呢間學校每過40分鐘左右就會放一次小息，而呢個都係我地既休息時間
係正工地隔離就係小食部

佢有即炸腸仔/丸賣，500柬幣一條/兩粒。有好多款式，我地求奇買左幾款，好食
同時小息嗰陣班男仔會同班小朋友踢波，我同其他人就教其他小朋友玩猜皇帝

班小朋友偷偷地去摘花送俾我地 後來佢地日日都送，叫佢地唔洗再摘都照送 好擔心棵樹冇晒啲花

放學啦 點知架車陷左入泥地，要佢地推返架車上嚟

仲遇到有人放牛，不過後來就發現佢地日日都會係放學時段放牛。
而右手邊呢位女士係嚟澳洲好nice既monnie 佢話佢係It公司做，做完義工會自己一個去越南玩一個月，之後佢男朋友會嚟亞洲搵佢再玩一個月 佢仲同我地講佢男朋友仲未同佢求婚
返到宿舍都係食飯梳洗，之後同其他義工坐埋一齊傾下計。原來佢地大部分都係北歐人，後生嗰批都係gapyear嚟做義工 同佢地傾左好多北歐同埋香港既社會問題，佢地好驚訝我地好少人會申請gapyear
去到八點，我地就上柬埔寨語堂 本身係朝早上，但行街市用得太多時間，所以改左夜晚上。

去到依家，我淨係記得"多謝"，"靚女靚仔"，"平啲啦"點講
第二日完

第三日
每一日食早餐午餐晚餐，啊miu都會跳上枱搵食，每次都要全部人拎住隻碟企起身再捉佢落去

一返到學校就食第二輪早餐
有時仲會有飯賣！1usd！好好食 不過佢隻辣醬係勁辣

返到嚟發現師傅已經幫我地個坑執左手尾 直接進入下一個步驟:溝水泥！
真係唔落手整都唔知水泥點溝，同埋一包水泥係咁重，成50kg
其實呢幾日我一路整一路好佩服香港啲地盤工人

戴帽呢位就係師傅！
*以下有唔恐怖既蜘蛛圖！！！
呢隻係返緊去宿舍食lunch嗰陣遇到既小蜘蛛

Lm

多謝支持