真心想勸大家喺The Bloom of Youth報internship時三思

是咁的 小弟讀緊u啦 上年透過呢間嘢報左international internship
去之前佢地當然講到乜都好
去到先發現中大伏 俾咗錢(多過二萬蚊啦 廢事講amount 自爆去咗邊)
住嘅地方廢到不得了 又cheap 又多閒雜人 附近仲好多道友 酒鬼之類 正常人都唔會去嘅咁
佢話可以換 咁我通知佢換啦 佢換嚟換去都係垃圾住宿 有個fd直情住個host到係勁多烏蠅
佢係女仔 而且每晚喺嗰到都喊
咁我當然好啲啦 我心諗我係男仔最多咪俾人雞姦
Bloom of Youth 啲職員把口就話會幫你 實際上係咁講難聽嘅說話俾你聽 又想講你好麻煩咁
呢個係現代版俾錢買難受
點解我會想開post 純粹係因為我打呢間垃圾公司名 佢剩係會出hku同cityu secret 兩個post 都叫人唔好去
我咁啱喺學校見到呢間嘢又出poster叫人join 而我上年同學校投訴完都冇人理 最後就開咗呢個post


利申:以上都係發夢夢見到 如果再有相關嘅夢發 再update
祝大家揀咩公司時 唔好咁易信人啦

留名幫推

埋大 international wie都係有經呢間 agent 上年summer諗住報,first in後塞咗間細公司嚟,工作範圍又唔係我想做,費用又貴真係貼錢做苦力

最後reject offer

留明 去過一次 之後真係不鳥
我之前報完 同另一個女仔SHARE ROOM 日日行出行入個住宿 都好多男人用鹹濕目光打量
之後同個AGENT講 佢仲話係咪我同另一個人疑心重
咁我DADDY MAMMY 唔放心就叫我LEAVE 返返香港
點知個AGENT又用同學校講 又話我簽咗合約唔走得 會有唔知乜PUNISHMENT等等

最後晚晚我同個女仔用個GIP 同D枱枱櫈櫈頂住個門先敢訓
捱完6個WEEK 真係覺得呢間ORGANIZATION 狗也不屌

我上年都join 左Bloom of youth (BOY) 既internship
尼間野真係垃圾到不得了, 都唔明D大學做咩仲會幫佢宣傳
話就話過左一年, 佢D 19野我都仲記得一清二楚
本身我屋企都唔係好有錢, 哂咁多錢俾D咁既服務我, 我真係勁心痛
完全係樓主講既俾錢買難受

1. 揾工/公司配對
揾工個時段足足拖左個成1個幾月, 一時又話有potential offer, 轉個頭又話人地公司唔等人用啦
哂曬我D時間去prep/ hold左時間interview,
大佬, 個陣仲要勁多mid-term/proj deadline, 你估我真係咁得閒嫁?
最尷尬係有次約左間公司6:00pm 見工, 我換哂衫, 預備好哂interview
add完外國間公司條友skype無反應, 我再send 個msg 同佢講我約左你6:00 interview嫁
跟住條友同我講話從來收到confirmation from my agency for this call, 所以唔得閒
跟住仲同我講"Sorry to tell you, but the organisation from the agency part is not good"
我個陣已經覺得好伏, 但俾左$5000 deposit quit左又無得拎番唯有繼續
第二日, BOY 就同我講佢地唔要intern la
去到5月頭咁上下, 我先真係有confirm 左既offer

2. 住宿
真係不得了, 現實同網上D 圖差勁遠
可能係我太天真啦, 係香港永遠圖片都係只供參考炸ma
不過個陣我入到去第一反應真係呆左...
btw 佢地其實都係airbnb幫我地book, 所以嚴格黎講唔可以叫係host
跟住間屋有其他guest 都算, 我度門仲要係無鎖
張床個彈簧又壞左, 開頭諗住忍下應該ok ge, 點知愈住愈頂唔順
就同BOY D 人講, 佢地一開頭覆得我勁hea 啦, 完全唔想幫我換, 仲要話無鎖係正常LOL
仲話你應該48小時內同佢地講, 宜家話左48, 佢地係可以唔換
到後未我俾bed bugs 咬到成身都係, 佢地先換俾我, 仲要話我skin allergy 可以係因為其他因素, 唔一定係bed bugs
我超記得我個幾日情緒真係好崩潰, 同佢係咁鬧交, 再咁落去一定有情緒病

3. 態度
佢地D business english 真係好好呀, 好識答用D好好聽既phrases 你問題
不過唔係幫緊你解決問題lor, 講真, 你收得人咁貴, 好心就俾番咁上下既服務質素啦
君子愛財，都要取之有道嫁
話就話你都係做我地一次生意姐, 你真係唔驚我地會唱衰你嫁wor

其實我都有檢討會唔會係自己問題, or 係我咁唔好彩先遇到尼D事, 但係我有幾個join 尼個prog 既朋友都勁不滿尼間野D所作所謂 (ofcoz 唔排除有D 咩都無所謂份子覺得ok , 反而勸我地唔好搞咁多野) Anyway, 都係唔想大家父母/自己D血汗錢白白咁無左, 自己又浪費左個intern機會先講咁多

感同身受！原來唔只我地係咁！
我個時都好崩潰，佢都係鬧返我轉頭
又話我地小小事都適應唔到，又話好多學生都覺得冇問題，係我地麻煩
所以真係要諗清楚！！！

而且連學校都唔會幫手... 都唔知係咪有份收錢
未去之前，學校話就話會keep contact，有咩事學校會即刻幫手處理
點知去到，一個msg都冇，住宿有問題想搵學校出面都唔得
到臨走幾個星期，學校先蒲頭... 有鬼用咩，都差唔多返香港啦

我岩岩今年報左 有無巴絲肯留個contact比我 有啲野想問 telegram/email

求幫忙 想知多啲

https://t.me/ekw2526

本身諗住報,但search下見到呢個post

[pm]掃街靚姐[/pm] 你條link唔work

如果已經報左同俾左$5000咁點算

無嫁，佢地唔會退番錢俾你嫁啦，一係你就自己放棄個$5000
我個陣就係想quit 又quit唔到，因此始終$5000 都唔係少，
最後咪中大伏lor

睇呢個post之前經Poly報咗
會唔會有住宿圖可以睇睇，如果比自己想像中惡劣就當跌咗＄5000算

之前分享過, 有人問再share多次

我join 左佢地上年summer計劃,本身睇完個post驚驚地. 但我已經join左. 係program嘅住宿安排好正常. 我地1-2個人一間房, 5個女仔share common area 同kitchen. 同期有兩個女仔因爲返工距離遠, 住host. 我地都無安全問題,住得舒服. 我地放工成日一齊煮飯仔. 巴士站行返屋企係大概6-8分鐘路程. Weekend有時玩夜左, 都無遇到問題. 係有次有個flatmate無關好罐醬, 惹左堆螞蟻. 我有個同U朋友join左去第二個國家, feedback都ok.

我做既實習係關於Event同旅遊,公司唔算好大, 但個老細係super friendly. 6星期入面當我係屋企人咁. 一年過後, 仲keep 住聯絡. 仲成日叫我畢業返去做. 我真心慶幸自己上年有參加到,而唔係參加內地intern, 現加香港局勢咁, 俾自己多條出路. 我岩岩summer join 埋叧一個海外intern. 可以比較下.

我有睇過佢地refund policy, 係未收到interview通知前走, 有一半按金refund, 唔係no refund.

如果巴絲打有興趣知多d/ 睇圖,可以inbox. 如果唔岩睇, 只係比大家參考,多多見諒

今年去左佢地愛爾蘭既intern, 同期十幾人都係住係大學入邊 (UCD).
我本身公司size揀無所謂, 不過最後有大公司做, 係間marketing consulting firm Kantar Millward Brxxn.

開頭想經學校直接報d overseas intern, 但要同百幾人爭, 放棄左. 如果個時有apply, 應該爭唔到

我有幾張住宿相share:

Err 對於呢個post, 我有D野想講
我今年暑假(2019) 參加左Bloom of Youth 搞既New Zealand Internship，上星期先返黎，我真心覺得成個體驗好好。

報名果時正正常常都會起底，睇下間agent咩料，比個心理準備嘛。點知比我揾到呢個post...果時5000蚊已經比左，講到咁都唔知仲去唔去好，超淆。我又係咁揾資料問frd，點知基本都係得呢個post係度講。

之後我又走去問PolyU supervisor，佢就話每年揾返同學仔做feedback都冇聽過呢個情況。我唔信邪，直接打比agent問，佢地都有好好解釋post主講既每件事。咁我就半信半疑咁交左8wk 既programme fee。

我係淩晨機到Auckland，香港時間4 a.m.。一上到網就收到agent send 黎個whatsapp 問我係咪順利入境。等到我入完境，攞左行李直到見埋host (我住host，可以選student resident) 都已經5 a.m.了。成個過程agent都stay awake，有D咩問題佢都會即刻覆我。一直等到我搞掂所有野先offline...真係仲體貼過阿媽xd

如果你話重有咩好，我大概講講今次我既經驗 (其他地區我唔清楚啦):
1) 教你apply visa，會係skype度提你邊日開始可以apply
2) 係Uni 搞Pre-departure briefing，提提你出國要注意既事，當ice breaking又得，因為會有其他同學仔一齊去intern
3) 幫你準備sim card (唔知係咪年年有，佢有options，唔岩咪自己買lo)
4) Pre-departure meeting，約同一區既同學仔出黎食糖水，交換contact，多個照應嘛
5) 安排airport pickup 到住宿
6) 你到埗果時會stay awake，直到你有人pick up
7) 週末安排左少少活動，同學可以自由參加 (我去左哈比人村, free)
8) 提你寫reference letter 同 學校Internship report (怕你玩到唔記得哂xdd)

總知成個過程我覺得真心好，agent好好人 (佢地係有唔同人負責唔同地區，好用心記底同學仔D資料同名。一區十幾廿個學生，自問我真係做唔到)。好體貼、好親切、好carry，我好多時候都麻煩到佢xd

利申 唔係打手，只不過我果時都比呢個post嚇窒左。唔想大家因為咁放棄左次出國既機會，同埋都覺得對Bloom of Youth唔咁公平。post主 發生左D咁既事係好慘，但呢次經驗應該係好少數，我見一齊去既同學仔都好滿意。反而我有朋友 join左其他agent既internship programme，完全都唔幫同學仔既... 所以我更加覺得參加左bloom of youth 好好彩。(特登開個account黎支持一下BOY haha)

大家有咩問題可以email我啦，或再有咩擔心疑問都可以直接contact佢地，好似我咁 附上host屋企一張~ 三層樓有獨立房同廁所haha...

true講真呢啲貼錢嘅internship，又係去外國啲不知名細公司做 ，我寧願你攞啲錢去玩 如果你到時想個market focus喺香港先嘅話， 比較建議搵番local intern

巴打今年join左邊個

請問如果BOY俾嘅offer都係細公司 可唔可以要求佢地俾d大公司offer？

我係絲打👻

去左美國

確實去exchange, 讀master, 或者外國internship洗費多，相比內地本地好多program 唔洗錢。好在我屋企人都支持，去旅行吃喝玩樂成日有，exchange 實習第時出黎做野就未必。
如果生活緊張, 留係香港可能合適d

學校通常都俾subsidy去海外exchange同實習，有d過萬，有聽過2-3萬, 唔好嘥 😂

我都報咗!! 不如一齊傾下😭

Yessss what’s yr user name!!