我以前生暗瘡生到極嚴重 爛面嗰隻
見到佢廣告啲前後對比圖真係勁心動
買左好多佢嘅product 咩紫草皂 中藥皂 紫草啫喱 金盞花凍膜 咩精華
真係痴左線咁買左過千銀 從未試過喺一個護膚品牌上投資過咁多錢
用完頭一個月都見到黑頭少左 又冇出現不適 對個brand感覺都ok 係貴左啲
但過多半個月 我塊面就出現幾次大敏感 全面一撻撻紅
嗰陣仲要八月盛夏 難頂到不能
去左睇醫生 要搽類固醇藥膏
醫生都話唔好用呢啲手工皂 建議我用清水洗面先
跟住我就冇再用過佢啲嘢
我都唔敢總結敏感關唔關佢事
我亦都信佢做皂做左咁耐 佢啲貨應該都唔會太馬虎
但我覺得手工皂可能對敏感暗瘡肌(其他正常肌唔知)嚟講太鹼性 潔力太強
我會建議生暗瘡嘅絲打們考慮下amino based嘅洗面/ cetaphil
唔好以為洗面產品潔力強就可以洗走油脂 停止生瘡
如果發覺自己暗瘡暗粒問題越嚟越嚴重 一發不可收拾
去睇醫生食藥先係良方
