返咗一個星期intern，若要生活好，咪撚揀civil......原來係真嘅

原來過得很快樂 2018-05-28 00:42:58

之前成日喺度見到鏗哥同其他巴打勸人唔好入civil，成日覺得佢哋亂up，但返咗一個星期intern就發現佢哋講嘅其實係事實
今年暑假原本都係諗住喺屋企hea，點知經人介紹去到間有上市嘅main contractor度做intern，就去試下，反正出年都想揀civil，當認識多d呢行，但只係返咗一個星期，我就決定改變主意！
講下呢幾日返工嘅生活，由於係contractor嘅關係，所以係返得比人（consultant 同client）早，收得比人遲，返朝8晚6，d senior仲要ot添(不過我就準時走)，做得civil好多都係做開荒牛，所以地點偏遠係好正常，除非咁好彩住着果頭。返工都好規律，一返工就做嘢，我跟果個engineer見我咩都唔識就比咗d contract document我睇，睇咗2日，終於喺第三日跟佢出咗地盤，雖然做得engine唔洗落手落腳做，但呢排咁日日三十幾度，出到去淨係行兩步，睇少少嘢都已經熱到癲，7，8月都唔知點挨（好在我只係做6個星期)，我大佬話，冬天就得番十度八度，好天曬，落兩淋。地盤環境我自己都仲接受到，嘈，大塵，污糟，臭，呢d就預咗，收工前去洗面，條面巾會洗到變灰色，仲有制服會有泥蹟同鐵銹。
可能你會話，車，做contractor梗係辛苦啦，我第日諗住入政府/做consultant，坐寫字樓，嘆冷氣，我唔洗過呢d生活嘅！而且civil揾錢嘛！我都當然係咁諗啦。但食飯果陣同班同事傾完計之後就比佢哋徹底打沉。
第一，civil 人工好似高d，但其實最主要係睇個市，即係好睇政府有冇工程開，未來個市係點唔多講，始終我對呢行嘅認識尚淺，不過公司d engine同呢度d巴打嘅睇法都幾似，都係睇淡.....果班做咗10年左右嘢嘅engine講，10年前，佢哋做grad e果陣，9000蚊都有人做，只係呢幾年旺先拉到個起薪點咁高，而且已經開始回落緊，到我讀完出嚟果陣都唔知咩環境......反而mech, ee 呢d私人job又有，政府job又有，機會多好多，而且長做長有，穩陣得多.....
第二，諗住入政府/consultant 嘅話，其實並唔係咁易同埋想像中咁好，要入得去，成績好就梗，除咗本地果幾間u，仲要同浸完鹹水返嚟果班爭，政府一年先請得果幾十人，爭都有排爭。都未計將來升職，呢幾年請咗好多engine，要升職，有排都未到你。諗住入consultant嘅就更加慘，爭到入到去，喺寫字樓做design就ot到11,12點，比你做到senior engineer，唔十年都八載，都只係得3,4萬人工，落地盤做ARE又係要出site，RE位又少，而且大部分都係靠關係先有得升。前兩日過咗去consultant個office度交嘢，帶我過去個engine話果度有1個cambridge，2個IC畢業，仲有一堆mainland....睇反其他科，好似e&m咁，政府同consultant一樣有呢d engine post，人工同civil engineer一樣，揀呢d科好似仲好.....
最後，我而家返果間公司d engine同埋manager大部分都係HKU/UST grad(當然都有poly)，佢哋經歷過好景同唔好景嘅時候，叫我趁仲有得揀，諗清楚先好揀....
我好彩有個機會了解下呢行，喺度將自己真實嘅所見所聞同大家分享，唔想大家揀咗d唔適合自己嘅科返唔到轉頭，大家如果知道其他科嘅情況都一齊share下啦

鈴聲可以寧靜 2018-05-28 01:36:33

e&m好過civil都講得出