想同女朋友復合

女朋友啱啱同我講分手，話我地性格唔啱，話我無乜關心佢

我地拍左拖兩年半，佢話之前咁耐都係忍住無同我講呢個問題，所以無得返轉頭，但我覺得佢都有責任，應該要講出黎解決

佢叫我地而家比d空間大家，咁我係咪應該要等待，佢係咪只係而家一時意氣先會咁絕情？隔一排再搵佢？

就算叫你唔好搵你都會忍唔住搵，但記住結果肯定係殘酷嘅，女人比較絕情係真。

而家應該等待？

等下啦，一排之後佢有第二個就死咗條心，冇第二個就去馬追返佢。

你依家追肯定追唔到，block咗你仲衰

唔比討論空間你 九成有第二個啦

是好是壞 感情都變質了
鐘意既 咪留多次 唔好比自己後悔啦

我地分手後有傾過電話，佢話佢都覺得有錯，就係死忍，無講出黎，但佢就無諗住大家去解決，而係去分手

我好熟悉佢，佢係對感情好認真嘅人，佢真係覺得我地之間有問題先分，唔會係第三者

但佢又有時話唔會再返轉頭，只會做朋友，
係咪我太煩，煩住佢

我感覺上你講嘅野好似佢嘅心聲，咁係咪無得救？

佢private ig fb都block左我，但wtsapp同ig就冇

話明private 一定block啦

利申：我ig 都俾ex block埋得翻wtsapp

多謝你比意見我先，你叫我同佢講嘅野，我都講過，佢亦都知道，
我覺得佢而家需要空間，冷靜下，但又驚會過得愈耐，機會愈細

我都想復合,但佢block咗wts電話，fd ig 都un埋
好絕

琴日位絲打呢，我覺得你講野真係勁似佢，可以講多d？

咁都忍到然後同你講分手
咁都唔係一個大問題要克服?

係想講
坦誠已經係一樣必需嘅野嚟
你話2 年幾係真係算係一段時間
但都短唔短長唔長
如果都坦誠唔到，咁已經好大問題啦

佢話驚我唔開心，但我就覺得係要坦誠，一齊去解決，佢無咁做到，但我真係想挽回，唔知點樣做

我覺得我地係要一齊解決，而唔係一句分手就完左呢段感情，我知佢仲愛我，究竟要點做？我真係有心去改，但佢都唔比機會我，去聽我既難處，佢一時好似淨係決定左分手，就一定唔改變決定，搞到我好驚真係無得救

成日見到啲人被分手就話對方無打算解決 一嚟就決定分手
但其實你係段關係入面有無營造過一個”有咩可以拎出嚟大家溝通”嘅環境？
平時對方有不滿嘅時候你習慣比咩反應人？
有無係過程中令對方覺得明示/暗示都無用？
有時唔係一味諗點復合就會work
矛盾出現咗就係出現咗 唔係夾硬話自己會改就實得
我覺得你需要自己沈澱下多過chur對方

利申 分手同被分手角色都做過
呢啲時候可以為自己諗多啲