[ Netflix韓劇] 經常請吃飯的漂亮姐姐

前日禁禁下NETFLIX，睇到依套野，忍唔住上黎求種。不過求種之前，就是旦打D野介紹下套野啦。Google咗佢，好似係最近被捧為韓國網絡上最火熱的劇集。


首先，套野嘅名起得好差，依家NETFLIX出咗14集，全16集，基本上無咩點見過個女主角請食飯，所以如果你係期待個女主角好獨立、唔止肯AA甚至連男既果份都比埋既反港女性格，唔好意思，依套野係無依D野的。BTW，英文名係Something In The Rain，唔……有詩意幾多

成套野好簡單，係講一個姐弟戀嘅故事。當中當然係有依樣果樣事件出現，不過我嘅介紹一律係唔會劇透，所以對依套野有興趣嘅人，請自行GOOGLD/NETFLIX喇，係依度只可以講一句：平凡中見真趣。

點解係平凡中見真趣呢? 事關個故仔唔係有太多突出嘅情節點，成套野可以話係用一個又一個平淡中帶溫馨嘅戀愛經歷串聯而成。依D經歷基本上大家都唔多唔少會有過，利害就利害在套劇可以拍到禁有畫面感，同時可以令人由心入面發出一句："唉，戀愛真係美好。"

講到畫面感，就不得不贊多野個導演。無論係色調、角度又或者係節奏感，係依套野入面都盡顯功力。另外，劇入面精心布置嘅慢鏡頭尤其多，無論係拖唔拖對方隻手、雨中漫步又或者矛盾展現時既細膩，都可以由節奏感強烈既慢鏡一一呈現。

唯一有點可惜的是，係前14集既其中一集入面，出現咗兩個慢鏡係極慢時間之內連接而上，令到個氣氛有少少受到破壞。不過要知道，依套野係電視首播嘅，而睇番NETFLIX播放時嘅時間條，兩個慢鏡之間應該係電視既垃圾廣告時間，第二個慢鏡可以令由廣告分散咗注意力，係極短時間之內再次集中，投入番去劇中世界入面。只可以講，有D拍攝手法係唔可以在唔同嘅播放平台上通用，有D可惜。

除咗充滿節奏感既畫面外，調動觀眾情緒嘅另外一個不可或缺元素亦不可不提︰音樂。係依套野入面，不斷重覆出現幾首歌，可以講依幾首歌就係佢地兩個之間嘅歌，就正如My Heart Will Go On係屬於 Jack and Rose嘅一樣。

Carla Bruni - Stand by your man
Rachael Yamagata - Something In The Rain
Rachael Yamagata - La La La

依幾首歌之中，我最鍾意嘅係Carla Bruni 嘅 Stand by your man，歌詞到肉得黎又好配合劇情。依首歌，就好似係我地觀眾對女主角講緊野、打緊氣，講比佢知要支持落去，因為男主角亦都好需要你嘅支持嫁。依首歌可以話係女主角珍雅之歌，其實亦都可以話係觀眾嘅打氣之歌。配合埋Carla Bruni 獨特既vintage聲線，令人一聽難忘。

最係就等係要講講兩個主角，珍雅同俊熙。其實依兩個就唔講太多喇，一講好難唔劇透，各講一句感覺啦。
珍雅︰點解依個世界可以出現一個帶有35歲嘅成熟性感、同時又鬼死禁可愛嘅一個令人又愛又恨嘅女人！
俊熙：我個人其實唔鍾意依種韓國男星臉，但係以劇入面佢嘅行為同性格黎睇，唔好話女，連男嘅見到都要濕呀，基本上就係一個完美嘅拍拖material。

其實依套野亦都表現咗好多韓國女性在職場上面嘅種種不平等，不過依方面在香港黎講，共鳴感可能唔係太高，我亦都唔多講喇。


其實我打禁多野，都係因為NETFLIX依家先播到14集，全套有16集，唔想再等喇，又想Down返黎收藏，所以想黎求個種/地址，因為對上睇韓劇已經係麥都無既茶煲呀四喇，依家都唔知可以在邊度揾到韓劇既種，幫個忙唔該哂！

套劇我就冇睇
15-16集就25日出
等多十幾個鐘都出最尾2集 咁都等唔到

依套野係一個星期出兩集？
我之前睇Better Call Saul都係一個星期一集
新集數每周上線呢類套套都唔同情況？

首先，套野嘅名起得好差，依家NETFLIX出咗14集，全16集，基本上無咩點見過個女主角請食飯，所以如果你係期待個女主角好獨立、唔止肯AA甚至連男既果份都比埋既反港女性格，唔好意思，依套野係無依D野的。BTW，英文名係Something In The Rain，唔……有詩意幾多

無興趣睇 不過紅字

見佢寫住聽日出最尾集

打錯 今日出先岩

OH Thanks
都無留意到果度有得睇個日期

BTW，你知唔知幾時係更新時間，印象中係計GMT？唔該哂先

揾到Something in the rain，多謝你個好推介！
可惜揾唔到茶煲阿四，套野太舊喇

依套野完全唔啱口味
睇咗兩集已經棄劇

剩係睇珍珍都夠

我睇左6集棄左
開頭放閃係sweet係幾好
但真係好慢同悶

近期冇棄嘅真係得我的大叔
其他都因為各種原因棄劇

睇泡劇咁既垃圾就咪撚攞出黎講啦

其實今年既韓劇好一般
暫時都無咩真係必追

我的大叔都有D興趣，有冇人知可以係邊有1080P睇/下載？ Helloidol都有得睇，不過睇劇都係愈清愈好。

如果今年D韓劇一般既話，有冇D咩舊野可以推薦下？都係知我叫金三順同茶煲阿四，茶煲阿四重要唔知邊度有得睇番

我的大叔黃色viutv有

依套個節奏真係好慢 一集一個鐘乜都夠啦

我的大叔 女主好似新人？ 冇乜見過佢D劇
btw佢做得幾好