點解要用殘體字

先講廣東話
據說係漢朝開始 但讀啲唐詩宋詞 用廣東話都更加有押韻同平仄
簡單嚟講就係用咗好耐好有歷史

之後普通話
應該係元明清慢慢開始有 去到中共建國先正式用做官方語言
由北方啲人再加啲少數民族嘅言語溝溝埋埋最後變咗普通話

漢字
如果唔計甲骨文 金文嗰啲 當唐朝楷書開始計都成千年

之後殘體字
應該係由中共建國先開始流行 就算係滿人清朝本康熙字典都係用梗正體字

我想講係用普通話做官方語言 雖然我絕對唔支持但都可以理解

中國地方大又咁多少數民族要統一一種言語嘅話 用普通話一定比起廣東話更容易傳播 而加有啲方言其實我覺得都好接近普通話 好似四川話嗰啲
就算係一個外國人要學普通話去到可以溝通到 其實好快
所以我話用普通話可以理解

但用殘體字真係好唔理解
首先中文字同世界上絕大部分嘅文字唔同嘅地方係 中文字並唔係拼音文字
好似英文 日文 咁
所以中文字咁難學我覺得並唔在於個字嘅筆劃嘅多少
所以想用殘體字去代替正體字根本係唔合理
反而我覺得相比起殘體字 正體字有好多時啲部件係真係同件事有關
唔單止係啲形聲字 相信有張圖笑鳩殘體
咩愛冇心 導冇道 體冇骨張圖都應該可以表達我個意思
所以用殘體根本唔可以令中文更容易反而更難 明明啲字係有意思 你要簡化咗令個字缺少啲意義 令中文本身都較抽象更抽象 其實真係有容易到咩

同埋我發覺大陸同台灣呢啲都係會學拼音同注音 反而香港好似完全冇 起碼我未有人教過我先
或者要去令中文字簡化會唔會可以將拼音化做文字 又或者好似日文咁 又有五十音又有漢字
同埋如果係用拼音應該個個都識打字 同埋好似啲google assistant可以有中文啦


利申 真係冇啦啦諗到冇咩求證 學術性討論 絕對支持廣東話加正體字

寫少兩筆係真係會快啲咩
正常你慢應該係你溫得唔熟要諗或者自己理解錯寫完要重嚟比較多

其實粵語都有拼音架

有係有但係真係未聽過有人會教

係，用曬d時間教蠻族語言（胡語和英語）

對殘體唔反感，不過已經冇寫好耐，而且唔會再寫

至於話唐朝講「廣東話」呢點就有保留
用後世嘅上帝視角，唐代係主流用中古漢語，而粵語、湘語呢啲地區性語言只係中古漢語喺唔同地區嘅民系演化而成

真係要爭做正統漢語嘅話，其實都冇正統存活了，上古漢語並唔係一字一音
閩語可能係現今僅存最接近古漢語嘅語言，因為閩語喺中古漢語出現之前已經由上古漢語開條分支演化出嚟，再經福建、潮汕地區東北一帶發展落去

我自己都有練下字 真係好多時行草書啲簡化就係而加所謂嘅簡體字
而加啲人用殘體最鐘意就係用快做藉口 但認真除非做填form之外 應該正常人無論係會唔會寫殘體都好應該都係“了”出嚟多啲 最反感係啲人成日用殘體又話快又剩

至於漢語有啲人話客家話 或者閩南話嗰啲會最接近古音 客家話我都識聽少少我覺得好多音調都同廣東話好似 或者以前係可能係呢種語言混合咗 再慢慢發展到而加有唔同嘅分別咁

點解用殘體字
1. 黨做啲嘢俾人睇, 扮造福人民
2. 斷除同舊時代嘅連結
破舊立新, 唔只文字, 重有其他例子
都係政治考慮, 要鞏固自己權力
3. 所謂解決文盲問題 (有待商榷)

3我絕對唔同意，殘體字不知幾難學

残体：强
正體：強
點解呢隻字會正體少筆畫過殘體

講個笑話，破四舊立四新

其實就算做唔做都有大把愚民盲目跟隨啦（紅太陽與紅衛兵之間ge基情）