胃酸倒流嘅巴絲

你地有冇打算買一種可調節角度嘅床？其實有冇用？邊度冇得買？

因咩事胃酸倒流先？有冇睇過醫生

睇醫生緊要啲，只係靠調節角度只可以防止倒流，但對胃酸分泌多無幫助

我4月23係瑪麗醫院做完胃酸倒流手術,暫時唔食藥無再有胃酸湧上食道。

請問要做幾深入嘅檢查，之前睇個胃潰瘍，照胃鏡話我冇食道發炎，但喉嚨有異物感去睇耳鼻喉科，佢照我內窺鏡話我喉嚨係受胃酸倒流刺激，只係開啲制酸劑俾我

醫生我係有睇，胃酸倒流係最近知，可以點跟進落去？得罪講句，啲醫生好似個個都當我冇乜嘢咁


利申：有焦慮症底

有冇改善飲食

想請教點排期做？同做幾耐抖幾耐？全身麻醉？thx!

有無食任何其他藥物？
飲食習慣如何？食辣？食酒？煙？食太急？食完瞓？
有無做運動？

制酸胃藥食咗好兩三個月，胃冇事就冇再食

煙酒完全冇，酸同辣都停咗好耐，十二點訓，最遲九點前食完嘢，食得急又唔太覺

但我懷疑係食得太多，因為近來做gym，學緊人少食多餐，但其實只係食四餐，但每餐份量可能仍然太多 食完有少少頂住嘅感覺，好似好耐都未落格咁

少食多餐係好
如果食完都頂住咁可以試下再食少啲，唔怕麻煩可以每日keep record 1-10分嚴重程度，睇下如何

藥係antacid定咩？唔夠勁可以要ppi

我所知情情緒會影響腸胃消化問題。

我本身有其他病而胃酸倒流約6-7年,轉過2隻藥無效最後食Dexilant60mg都唔得,每晚半夜3點就有胃酸湧上食道立即再食Famotidine2粒,假如無效再食喜胃斯康。

喜胃斯康對胃酸倒流好有功效,我大約食10次有2次止唔到胃酸上食道。

我呢幾年照過3次胃鏡檢查,食道和胃都有輕微發炎 , 最後醫生提意做食道壓力測試,24小時胃酸監察和飲顯影劑照x光檢查食道,就確定100%係胃酸倒流 。

轉頭有時間再打埋落去

試下飲蘋果醋

吓？酸性個喎，會唔會反效果？

我手術前半夜胃酸上食道,假如食藥唔得就飲維他奶都有少功效。

同埋手術前我都有食野久唔久落錯格同感覺食物係食道唔上唔落。
做食道壓力測試醫生係儀器都見到有呢個情況。

食過PPI半年 但係副作用搞到我唔敢食 雖然冇文獻證明到
但係靠控制食野既份量時間都已經有幫助 唔好向側訓都好似有幫助
依家痛到火燒心既日子一個月得兩三日

唔係病人話想做手術醫生就會做。
要做晒所有檢查 " 食道壓力測試 , 胃鏡 , 24小時胃酸檢查 ,飲顯眼劑照食道x光 ..等!

食藥都阻止唔到醫生先考慮。

我全身麻醉做微創大約幾做2小時。

住院3日可以出院。

我有成差唔多廿年了，隔日要食omeprazole, 如果唔係會凍得好勁，所以我相信我應該要做，但就咁聽好似好煩

Thx 巴打！

聽過長期食PPI會阻礙鈣質吸收，有機會有骨質疏鬆，另外如果經常令胃部唔夠酸，細箘會增多，有增加胃癌機率

訓覺我以為打左側訓有幫助，因為個胃嘅形狀逗住啲胃酸，不過我上網搵架咋

係有幫助，加快gastric emptying rate， 唔會咁多胃酸去倒流

如果一個月兩三日咁都應該唔算太大問題
一般做到嘅嘢已經講晒（e.g. 少食多餐，睡前唔好食嘢），咁藥物方面睇你自己。
如果倒流，就食個antacid 即時頂頂佢。
儘量控制啦
廢事有并發症

你講得無錯。
仲有長期胃酸倒流會令食道病變,增加食道癌風險。

我係每晚都有胃酸倒流屬於幾嚴重。

每週兩次或以上屬於moderate
日日有係十分嚴重

的確，心理同生理關係好大

抱歉
我唔太屬手術個邊，都幫唔到你啲咩
希望你盡快好返