何wayne真心勁

球星台有幾件真係好嘔心
成班fd 果時懶fd, 一吵大獲d口吻就十足十黃洋達果d咁
明明好care 但扮唔care 再去抽水 好似d 小學雞分黨分派咁

何wayne 呢一年真係迅速掘起

假對攻最主要係 2隊都係 防線同進攻線拉開，靠前面幾個做波，盡快完結攻勢(即係佢話既中短期進攻) , 可以避免輸反擊。

真對攻係2隊 輪流 防線真係壓埋上去做主攻，所以中場要用hold波能力(主攻AMC) 既球員先可以做主攻，唔係輸死反擊。

高質, 唔同類型

何蛇略勝一籌
全能到仆街

90年代嗰啲就係真對攻，唔理防守盡快入波多個對方。
假對攻考慮到大家也唔識主攻，攻上去衰緊，結果大家都縮，但係總會有人進攻架，所以呈現出嚟大家防線都留喺後面，就淨係叫前面果三個進攻球員係5秒內完成進攻，兩隊的進攻都是時間短的，但互相進攻次數相應增加，感覺上也是對攻，但是虛假的

假對攻有兩個出現的可能性：
1. 起初因為覺得對手會主攻自己，而自己如果同樣都攻的話就死梗，於是派出鐵桶陣，前中後三線極之緊密，收得很緊，企圖是一心死守。點知對手同自己一樣派出相同的做法，大家都鬥守，假對攻是這個相同的企圖呈現出來的品種，而這個情況通常速度就是偏向慢的。通常在強強對決時出現。

2. 自己的球隊整體實力比對手強，其實自己都想攻，但又肯定對手死守，亦對自己的主攻欠缺自信心，害怕老鼠拉龜，所以企圖引蛇出洞，故意把進攻時間縮短，送控球權比對手。防守線故意縮後啲，但中場線可以不回後，前中後三線拉長，隨時準備打返上去。如果對手中圈套，亦都會形成假對攻嘅比賽品種。通常比賽節奏會快一啲。

何wayne自己打

得罪講,網上講波排名
是撚但>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>傑出阿狗

有道理

講事實都要怕得罪，佢地聽落好惡喎

差唔多個個講波既網台都同 游生 有牙齒印

巴打可唔可以講多少少

有冇人可以解釋下咩係高速來回球，明買明賣呢啲字眼

高質野黎

佢套理論係講，聯賽唔同盃賽，前者一場或兩回合過，所以容許球隊做「針對性部署」，專打對手弱項；而打聯賽，因為有強隊弱隊，所以最好有兩套戰術：

對強隊，要識打穩守突擊，佢認為最好嘅反擊陣容係4312/3412，3個進攻點最理想，因為可以盡快完結反擊；相反4個進攻點容易控球在腳，減慢反擊速度，繼而進入「主攻陷阱」：一旦失左控球，容易比人打番反擊轉頭，會因為壓得太上同唔夠人回防，導致輸快攻。

3個進攻點入面，最理想就係：1個假9守轉攻做支點停波(e.g. Lukaku)，AMF(超級連結人) 有速度可以做最後一腳致命傳波 (e.g. Sanchez; Mata太慢所以唔岩打呢個位)，比一個有速度嘅進攻球員完結快攻(e.g. Rashford)

對弱隊，就要識打「主攻」控球在腳，因為弱隊知你勁，會死守打反擊，而且聯賽隨時要爭到計得守球，所以佢覺得對弱隊要識得「破密集」，爭取多D入球，「主攻」控球在腳可以慳體能。

佢認為「主攻」最好有4個進攻點：1個做支點停波(e.g. Jesus)，1個可以係禁區頂hold波嘅AMF(主角球員, e.g. Silva)，同2個識拉邊同向禁區插入，唔會掛住死hold/扭嘅 Wingers (綠葉球員, e.g. Sane & Sterling)。如果得3個進攻點打控球在腳，就會唔夠人拉邊，拉唔開對手密集，中間可以插唔到上去幫手進攻，就會「老鼠拉龜」，入唔到波之餘，仲會比弱隊打反擊輸波。

如果兩隊球隊(兩隊強隊)都出3個進攻點打穩守反擊，場波兩隊轉攻守轉得好快 (高速來回球)。

因為曼城有齊兩套戰術，所以贏到英超；車仔今年會收皮，因為打343/352，對弱隊好易失分，體能消耗大打唔到咁多條戰線；Daddy唔識打主攻，淨係識用Lukaku身型，餵高波比佢屈機(明買明賣)同唔識用Mata做「主角」，所以贏唔到英超。

皇馬就因為拖舟成日用4312，對住弱隊死守，3個進攻點打唔到好嘅主攻，一次過出Isco同Asensio兩個主角、用Benzema打快攻等原因，搞到皇馬收皮。

早幾頁有條友講到 何蛇啲理論太宏觀 大部分時間都啱用
咁就係因為大部分時間都適用 先做到理論㗎

廣東話分析黎講 我聽佢呢啲阿媽係女人既理論 都好過球星台班撚屌 早排分析歐聯16強 個個對碰都講往績 往績我洗撚聽你地咩 我開LiveScore都有啦 隊隊波踢法 狀態季季都唔同 往績有撚用咩

歸納左成個post，唔知巴打同唔同意：

何wayne套理論，係以現時原理上，佢覺得最完美嘅球隊陣式同所需球員種類，作宏觀預測，推演比賽、聯賽以及球隊長、短處同未來發展嘅估計，簡單講就係睇a period of time;

而理性足球嗰種，係好微觀去睇特定一場比賽嘅特定一個環節嘅特定一個戰術或失誤，去解釋channel認為導致該場比賽結果嘅主因，簡單講就係睇a specific point of time。

所以兩種approach並無相互排斥，反而係相輔相成，更加唔會話誰高誰低。何wayne嗰度approach，我覺得比較新，應該無咩人做; 理性足球嗰套，而家好多人做，但係理性分析得更仔細同詳盡

用支停插破大巴

我都睇過下, 但覺得麻麻, 因本人唔太理性

剩係估到車冇前4都勁啦

熱血大球場啲人又拆散哂

兵工廠世界佢又同人反面 所以有傑出阿仙奴

Raga應該有啲人同佢有牙齒印

何wayne個單 游生不嬲力保擽仔既

體波台就擺明唔妥游生

何sir 一個ko球星台同child 登囝🤣