6－7日 名古屋 立山黑部 行程求屌

有無巴打比一比意見，第一次去名古屋，打算去立山黑部


依家諗左係

DAY 1 落機到下晝3 4點，宿名古屋
DAY 2 第二朝上富山，宿富山 （但
DAY 3 富山 ＞立山黑部 ＞ 宿松本
DAY 4 松本 ＞ 高山 ＞ 宿下呂
DAY 5 落番去宿名古屋
DAY 6 搭飛機走

1．其實建唔建議第一日就開波上富山？

2．買 jr 個 pass 係咪會抵屌d ？

3．如果想去金澤，應該放邊一日好？

4．請問以下routing 邊個好？

名古屋>下呂溫泉>高山>富山>立山黑部>松本>名古屋

定係

名古屋>富山>立山黑部>松本>高山>下呂溫泉＞名古屋


唔該晒！！！

幾時去？如果雨季去建議預鬆少少立山行程，遇著全日落雨要夾硬上去就無謂
同埋你唔係去好多日，金澤第一遠，第二唔夾pass，你有想去白川鄉先撘埋一條路去比較好

5 月尾

我自己就plan玩兩日，第一日見天氣好就一早飛上室堂先

第二日真係落雨，封左雪壁，睇住D旅行團只能坐車經過

希望到時無雨落

Btw 你當時係一落機就上去玩？

我第一日傍晚先到名古屋，第二日上白川鄉同金澤，第三日行下金澤中午先去到立山站

路線1啦 記得買立山黑部jr pass，下呂住應該冇高山咁多選擇 金澤就唔洗特登去啦 你得六日邊夠

去過立山黑部2次，1次6月，1次10月，2次都係室堂過一晚，2次都有一日係落雨
所以我建議山上瞓一晚啦

第一日直接上富山你要睇下jr時間表喎，可能去到富山會好夜
如果第二日先去富山，不如直接上埋室堂，富山有咩做？

巴打你山上住邊間 thanks！！

我都諗唔到 我驚第一日就沖上富山會好chur 而且flight delay就仆街

富山好悶嫁

2次都係住「御庫裏池溫泉」
都係個句，第一日你咁晏落機，check清楚jr去富山時間表先，驚好夜先到富山，名古屋去要4個鐘
如果第二日去富山就直上室堂啦，瞓一晚，建議唔好住雷鳥莊，好入好遠，撞正落雨大霧路都睇唔清

有突發 要推遲出發
點知睇第二條routing 酒店平左

落機去松本宿
松本 > 立山 > 宿富山
富山 > 高山 > 宿下呂
但之後落名古屋住兩晚好似浪費左咁

我4月尾去,留咗富山2日,預咗天氣唔好就第2日再去,好彩第一日就非常好天。

原來重覆咗 (啲相全部都有路人,好難揀)

Push

好彩巴打提一提，睇左天氣預測，原定上山個日會落雨 但第二日就預計多雲

行程又轉左

day1 名古屋宿
day2 上富山
day3 先寄個行李去松本隔日拎 ＞ 上立山（預計落雨） ＞ 宿 彌陀原
day4 立山 ＞ 宿松本 ／ 有無其他建議 ＊＊ 因為松本好似無乜野做，去上高地來回都4粒鐘
day5 落名古屋
day6 下午機走人

行下松本城、中町通、繩手通，磨大半日好易姐
上高地其實可以用一日，但真係一個full day，即係你要好早起身同好晏先番到高山，唔知你上完立山夠唔夠體力繼續chur行程
如果你對松本/上高地無興趣，咁樣過松本落名古屋都幾浪費時間，不如立山黑部個日行來回而非直走
個人唔太推薦呢個時候住彌陀原，首先交通好鬼麻煩(要預約巴士)，而你去個時雪岩岩溶晒，花花草草又未出齊，可謂得爛地一塊 。而且無論你來回定直走，住彌陀原都唔划算，你玩完室堂落番去住然後第二朝又上番去黑部？定你乜都唔玩淨上去住先？(咁就不如住立山站啦)
御庫裡池其實唔錯，景靚溫泉好，重點係唔貴，尤其你唔介意訓共用房(有自己床)既話一萬唔駛就包兩餐。有budget/唔想行半粒鐘既可以住立山飯店。

以我自己plan為例，我中午上去可以先玩左室堂，住一晚，第二朝神咁早直踩去黑部。天氣差亦可以先去左黑部湖，玩完番室堂住，第二朝先玩室堂然後落山。既避開最多人上落山既時間，亦有彈性處理天氣問題

總結：可以考慮day2去富山/立山站住一晚(check out時寄存行李/寄行李去下呂)，然後上室堂，day4玩完黑部番落黎，再直踩高山/下呂

巴打我十月去行立山,諗住第一日就坐巴士上富山,又係4PM落機,巴士尾班係10點好似

6月先去個雪壁會左溶溶地同變黑？
我6月8-9諗緊去富山、金澤同福井行一行
6月10要返東京睇con，無時間🙈