以下分享一件事，本人並非案中主角，但方便起見，會以第一身交代件事：
舊年年初，喺求職網見到一間位於馬鞍山嘅補習社請導師，想幫補吓家計，於是send咗封cv去嗰佢個email
留意，佢聲稱自己叫Tommy Ming，佢之後叫我去interview，再叫我簽合約。簽合約嗰陣，佢俾咗張卡片我，都係話自己叫Tommy Ming（Ming Lai Hong）。但合約上面冇佢個名，我冇為意，覺得大家都有簽名，應該冇問題
間補習社計糧嘅方法係$33時薪作為底薪，每教多幾個學生就有bonus加，拉返勻大概一個鐘有$50左右。之後相安無事咁做咗半年，因為9月開學後嘅timetable同之前唔同，返唔到原本嘅timeslot，唯有辭職。
8月頭遞辭職信，個老細一直都冇同我講過會扣糧，去到9月正式離職，佢就話我冇完成合約，所以唔會出8月嘅糧俾我。。。我覺得好無賴，但佢話寫咗喺合約，我當時冇同佢拗
直到返屋企後，我發現合約根本冇寫過哩啲條文，我又問咗勞工處，勞工處都話佢唔可以唔出8月嘅糧。我就返咗去補習社搵佢，佢就同我講話佢公司有律師，所以肯定可以唔出8月糧，叫我唔好搞事。我見佢咁大口氣，我就報警話佢呃我錢，我一報警佢就開始驚四圍行，警察嚟到就先mark低我哋身分證，但就叫我去返勞工處。
之後我去咗勞工處約調停會，落咗Ming Lai Hong做僱主，留咗補習社地址。勞工處話寄咗信比佢，但佢話冇請過我哩個員工，Ming Lai Hong都唔存在。調停會就喺佢冇出席嘅情況下召開，調停主任話佢查過冇Ming Lai Hong哩個僱主嘅紀錄，懷疑係假名。而且佢本身個basic salary低過最低工資$34.5，建議我查落去，再去小額錢債審裁處吿佢。
最賤格係，佢所有公司註冊紀錄同公司戶口都係用女朋友個名，好難搵到佢痛腳。
之後我去返警署，喺警署嘅案件紀錄中得知佢真名叫Yiu Chi Hang，馬鞍山警署個警長話佢有前科，但一直入唔到佢罪！之後我再用Yiu Chi Hang哩個名查到佢喺馬鞍山開過一間JEI
但因管理不善，冇再做落去
之後小額錢債審裁處判咗我勝訴，但因爲至今佢都冇出現，我舊年8月份糧到今日都仲未攞得返
當作經一事，長一智啦之後無意中發現佢間補習社嘅教材係翻版嘅，全部喺網上download，但佢並冇得到授權！
以下係Yiu Chi Hang嘅相：
提醒大家：
1. 簽約前要睇清楚條文
2. 簽約時要確保合約上有僱主姓名，最好有雙方身分證號碼
3. 遇到無理扣薪一定要挺身舉報
但佢都仲生存緊