首先講涼菜，厚燒玉子之前食過幾次都好好食，但今次煮老咗，口感好鞋，又冇咗我至愛嘅明太子醬，乾得滯，比較劣。
另一碟涼菜帶子沙律，汁微酸，開胃嘅，但帶子肉質偏韌，又得2小粒，稍為孤寒。
熱盤我揀咗汁煮牛肋肉同比目魚2款。牛肉唔係無印應有水準黎，又係煮老咗。加上呢款汁淡口，應該襯到比較濃嘅牛肉味，結果都係唔得。
比目魚已經係成餐飯最好食果樣野。魚肉密度高，咬感良好而且完全唔腥，但呢啲係比目魚嘅先天優勢黎，唔係佢煮法得別出色，所以結論都只係中上啦。
其實無印嘅疏乎厘班戟係好好食，但係今次一支公食唔到，希望下次去食嘅時候，4點拼盤可以振作番啲！
多謝收睇
