《時速四百公里》(5)

召喚沙屯巴～～～

半小時前⋯⋯
「等我捉條新鮮三文魚上來過你嘆下啦！」
啪！
然後薯仔一個半空翻騰三周半直插入海，完美水花，堪比深海炸彈。

⋯⋯⋯⋯然後杳無音訊。

「衰佬！等你半個鐘啦！再潛我就要買西瓜啦！」岸上的薯菜早已不耐煩，對著大海亂嗌一通。

⋯⋯⋯⋯依然無人回應。

「衰佬，我依家就去買西瓜！」

薯菜一個轉身，頭也不回地走進那挪威的森林。





挪威的森林內，大自然的氣息包圍著薯菜，令人心曠神怡，叫薯菜忘記一切現世間的煩惱。

「西瓜西瓜，邊度有得買西瓜⋯⋯」

「姐姐仔⋯⋯姐姐仔⋯⋯」突然樹上有一隻雀仔呼叫薯菜。

「你叫我？」似乎薯菜對一隻識講野嘅雀不感意外。

「見你好似有煩惱喎，有咩可以幫到你？」

「有呀有呀！知唔知邊度有西瓜賣？」

隻雀扭一扭個屎忽，托住個下巴，諗左陣就講：「我唔知喎，不過我聽全知全能嘅沙屯巴講，呢個森林有塊西瓜田，好似前面轉左就見到。」

「唔該你呀雀仔，係呢，你叫咩名呀？」

「我冇名架，不過呢，我有對翼，成日周圍飛，初時啲人都叫我飛leave ，但我久唔久又扭下屎忽，所以依家啲人叫我飛leave扭屎忽。」

「唔該你呀飛leave 扭屎忽。」

薯菜向瓜田前進，行下行下，又撞到個拎住支結他嘅男人。



「欸⋯⋯唔該，請問⋯⋯」
「噓⋯⋯唔好問，哥只是個狩獵夢的人。」
「下？」
「若那日你沒離棄我⋯⋯」狩獵夢的人開始自彈自唱起來⋯⋯

薯菜心諗：呢個世界咁多好似將軍澳屌板男咁嘅癲佬嘅⋯⋯都係快啲走啦⋯⋯

薯菜想轉身就走，突然狩獵夢的人又開口：「小姐，西瓜田喺果邊。」

薯菜大驚：「點解⋯⋯」
「唔好問點解，因為我係狩獵夢的人。」

「哦⋯⋯好⋯⋯嗯⋯⋯我係咪要講唔該？」

「若那天你沒離棄我⋯⋯」

薯菜心諗：都係唔好理佢好啲。

然後繼續自己的路途。

狩獵夢的人：「唔知小姐過唔過到老伯果關呢？」伴隨柔和嘅結他聲，目送薯菜越行越遠。





經過飛leave 同狩獵夢的人嘅指引，薯菜感覺到自己同目的地越來越近，誓要取西瓜，將薯仔帶回來。薯不知，其路途險惡，前路崎嶇難行。


下回預告：遇見老伯·大話骰？

今日兩邊都有文睇

係沙屯巴既文

熱烈鳴謝沙屯巴出手

玩得開心啲

久違嘅文

沙屯閔

推

沙屯巴騎劫好正

唔知新人名有冇機會入文呢？

btw我之前係新地走醬走花生

做咩變左癲佬

我曾經諗過飛𨋢扭屎忽係解Philip Lucifer，但係Google過無這個人存在，再加上依家佢改邪歸正唔扭屎忽花，所以放棄咗這個想法

完全係你諗多咗

符合薯仔平時思考方向

推

等睇遊記

有過往經驗就知沙屯巴又失蹤 西瓜又賣斷市

潛水是常識吧～

btw 沙屯巴做邊行咁忙？

其實篇文寫好咗 不過點睇都唔順眼 所以呢就不停改 改左陣又做一做野 結果冇咗回事

今日內改翻好佢就出啦

終於追到live

完全唔知自己睇左d乜

但係好搞笑

加油

沙屯巴
啪啪啪