想問一下幾多收入比幾多家用?

樓主一定冇你咁識諗，諗得咁長遠

又係果啲錫仔多過錫女既?細個佢又唔會計 最多買呢樣唔比買嗰樣唔比姐 我都係靠老豆偷偷地塞比我 叫我唔好話比阿媽知 我先有錢洗

$5000

係咁嘅家庭生活就會明白
我有fd都同我呻過
啊媽又係類似咁樣
老豆已經成份糧比曬佢媽管
然後仔女有交家用
仲成日扮野拎我fd張信用卡碌埋d按摩椅拎黎買自己野再叫佢找數
平時又多說話比我fd 聽
我個fd憎死佢啊媽

樓主你覺唔覺你對啲post選擇性失明？

突然諗起梅媽媽


好少屋企會搞到樓主依種咁極端的情況，邊有老母會咁同自己仔女講野老左扔佢入老人院就啱

BTW,樓主加油啦~青春就係本錢

你要入黎鬧 咁我講咩都唔啱你聽架啦

你唔係有人工架咩？仲要老豆塞錢畀你？

我有 14k 應該會比 4k, 老豆老母各2k

好明顯 根本懶人一個 只求人認同

你有冇睇到我講細個嗰陣 你要鬧都睇清楚先

唔好忘記老人院都幾千蚊一個月架，之後樓主自己再要自己交租，條數你計埋畀樓主睇啦，佢選擇性睇認同佢嘅post架渣

我都擔心我細佬 我讀書差佢仲差過我 仲要佢男仔將來要娶老婆 我媽岩先已經講左將來都會問佢要錢

睇完啲留言我會試下搵sales架啦 雖然唔擅長對客

終於引到你回我一句，真係夠晒珍貴；但原來你覺得我鬧緊你？咁你真係玻璃心得好緊要

你呢種人生態度害撚死你

我好明白你感受，13k既我都要俾5K

其實可以儲到既錢，唔係好多，加上我都唔想斷六親，普通正常社交都需要。 都仲未計我無女朋友。無咩特別，我都唔想害人。

保險，投資，結婚，買樓。樣樣都係錢，前面有能力我都仲想做，後面果兩樣對我黎講好離地。

家用我都係當交租咁。始終都係我屋企人，佢又一定要5k, 我都廢事嘈。

兩個建議啦， 一係等升職加人工，一係就做多份。

極端啲搬到你咪走

利申：公屋窮家獨仔

唔係睇自己有幾多收入,係睇屋企有幾需要你的家用.如果有需要,100%都無所謂.

fresh grad 19k 俾6k

其實你唔係鬧緊佢,
不過你係踩低佢黎話比其他人知你自己覺得自己幾西厲啫
得啦叻啦,知你搵8千都畀到3千家用啦

我讀緊書，搵到多少少五六千就俾2千，搵吾到就1千

不過屋企人俾我開冷氣

朋友差唔多情況，父母關係唔好搵個女出氣，老母要佢比一半人工家用，佢話咁不如唔好做，出黎食飯車費又要錢，一半唔夠用。但始終呢刻都係寄人籬下，要靠佢，唔比既話屋企人又煩住你，我話不如比住先，到你讀完書有能力供養到自己既時候再走佢數。

最後佢讀左大學，住宿舍，借grand loan，屋企都唔洗番。如果屋企對你差，你咁落去係一個困境，遲早鬱病。佢既心態都係想你養佢成世，但係冇人話要比你困成世。

我俾8成....

根本呢個家用概念就係過時 咩家用當租間房個d concept又係痴線 大佬不嬲都一家人一齊住 你生我出黎就有曬預算有曬budget嫁啦 點解要去到大個先黎同我計呢條數?

好 收到了 我都想搬但都係要儲錢 拍拖都係要洗錢既 就算返大陸玩 唔出國 交通費都貴架 冇乜工作經驗 睇下搵唔搵到12k啦

家用depends屋企人以前點對你
以前肯比資源你又錫你既
做專業人士搵幾萬既比1萬都冇壞既
佢地錫你都會幫你儲起唔會捨得洗曬佢
最好既野留曬比你
如果係d仆街既老豆老母
搵幾多都係比2 3千算
有今時今日係自己捱番黎
憑自己實力同本事