6月12出街斗篷與匕首(Cloak and Dagger)
簡介:
Cloak & Dagger係一對街頭英雄組合，分別代表光同暗、陰同陽，佢地主要對付街頭毒販。
Tyrone Johnson(Cloak)天生漏口，係波士頓既貧民窟長大。17歲個陣佢目睹一單劫案，因為自己口齒不清令自己既beset friend比警察誤殺。之後佢受唔住內疚同傷心，離家出走去左紐約市，係一個巴士站露宿。
Tandy Bowen(Dagger)係一個係俄亥俄州克蘭既郊外長大既16歲少女，佢老母係一個離過幾次婚既出名model，靠幾個前夫比既贍養費發達乛炙坪。而Tandy既生父就離開左美國去左印度追求精神上既重生
同老母唔同，Tandy既新繼父Phillip好關心Tandy，但係Tandy仍然因為自己親生爸爸離開自己而好受傷。覺得冇人愛自己既Tandy自己一個離家出走搭巴士去左紐約市。Tandy係條街周圍行既時候比個男人打劫，呢個時候Tyrone出現救左佢，於是兩個人做左好朋友。因為兩個人都冇屋企返，佢地去左一個屬於叫Simon Marshall既科學家既實驗室。Simon通過向無家可歸既青少年提供食宿吸引青少年，然後利用佢地身體去試佢發明既致命毒品。
Tyrone同Tandy被Simon注射完佢既最新毒品後冇死到，但係其他青少年死曬。佢地兩個跳落河逃走左，並開始顯示出自己既超能力。Tyrone發現自己係一片完全黑暗之中，佢以為Tandy同自己分開左。跟住Tyrone見到一團白光，覺得自己被團光吸引住而游過去，發現原來團光係Tandy身體發出。
當佢地兩個上岸之後就遭遇Simon同佢既手下襲撃，但佢地兩個用自己新出現既超能力成功打低對手。之後兩個人以Cloak & Dagger既名成為一對街頭英雄組合，專門拯救無家可歸既青少年同打撃街頭販毒。
