【勞動節】街工3人勞工組稱全部被炒 梁耀忠：唔係事實

【新增動新聞】街工今日發起五一勞動節遊行，為基層團結爭權益。不過，3名街工勞工組的員工譚亮英、黎治甫和王曉君表示，被街工立法會議員梁耀忠解僱，更引述梁的講法是「5月31日後就冇錢出糧，但唔係解僱，都唔係解散，你哋得閒可以返嚟，做義工」。

勞工組只有3名員工，合計年資逾30年，3人每月合共薪金約4至5萬元。譚亮英表示，3月中時從外界得知梁耀忠有意解散勞工組，其後一直未有機會與梁接觸和了解事件，直至4月27日才正式與他會面。他引述梁稱因資源不足未能應付3人薪金，又指有財赤問題，但卻未有就財赤部份詳細解釋。

譚稱不能接受「5月31日後就冇錢出糧，但唔係解僱，都唔係解散，你哋得閒可以返嚟，做義工」這一說法，「你話財赤都拎條數睇下」，又指以往為工人爭取權益，曾有僱主說出類似說話，但想不到今次是出自勞工團體的領袖。對於有傳梁耀忠解散街工勞工組，目的為節省資源，將資源投放到未來的選舉工程。譚亮英表示，有聽到有關傳聞，但未從梁耀忠口中聽聞過。

譚要求梁耀忠正式交代解散勞工組的原因，交出財赤數字和細節；至於未來行動，暫時未有具體想法。梁耀忠回覆本報查詢時指，「冇乜回應，我覺得佢哋唔係講事實，有同事處理中」。

https://hk.news.appledaily.com/local/realtime/article/20180501/58140272

梁耀忠都有今日喇
上次自閹既報應

笑死

人工點解可以咁低

10年年資都去唔到工資中位數......

好過得閒返嚟做義工

唔係解僱又唔出糧即係欠薪
告佢

勞工組只有3名員工，合計年資逾30年，3人每月合共薪金約4至5萬元。

講到咁取巧 毒果記者當左佢地係ekids？

工人組織出賣工人
仲要自己既工人

梁耀忠唔做主席個下唔知袋左幾多個三萬

快啲奶多幾下共
咁就有錢架啦死柒頭

帶頭剝削工人

大ngo人工仲低都有

養兵千日 用在一時

白頭佬：勞工同錢比你選

白頭佬賣隊友都唔係第一次

俾香港老細學左仲得了
「我唔係炒你，只不過唔會再出糧，你可以返嚟做義工」

做個濕鳩議員都袋9皮幾，自己嘔多少少共渡難關都未必會製造關公災難
唔瘦自己反而雞自己d爪牙
呢d吸血鬼腦細仲唔係食人血饅頭？

水行貨，即係水貨，不過有保養，即係行貨

遣散費都慳返

唔係炒你,不過番工無人工
工人組織果然唔同D