點算！細佬望我嘅眼神好唔同。。。

呀狼女 又話開tg 吹水 你last seen 成個月 上水未

無吹水好耐
而家Tg不定期開放黎傾心事

俾D耐性等下一次上水

你都食嚟食去 都喺星洲炒米 睇咩餐牌

琴晚無食吖嘛

出到門口點知見到個保安巡緊，
聽到我閂門聲，佢好疑惑咁望過黎。

我即刻衝過去捉住佢隻手，「保安哥哥...救命啊...我朋友係入面...唔知發生咩事啊...我好驚啊」

「唔洗驚，唔洗驚，我而家入去睇睇，你留係到唔好郁啊知無。」

「嗯...」我眼泛淚光咁望住個保安，佢拍一拍我就入咗間屋入面。

我即刻趁呢段時間衝落樓梯閃人，點知係樓下撞到...

將catgirl代入個故睇到真係好正 另類新體驗

無人想睇 唔寫了

無人想睇

我想睇！

點解我會睇到扯曬旗

睇緊

文呢屌

「阿怡！點解你係度嘅？」係小學同我好老友嘅輝仔。
我同佢Keep住有傾計，不過呢兩年佢好忙所以無乜約過佢。

「輝仔？好耐無見！我係度探朋友啊」

「咁啱嘅，我新搬咗黎呢度，你要唔要上黎坐下啊？」

我諗起上面條毒撚，「你屋企有無人？」

「應該我阿哥係度，不過佢都係自己打下機，唔會點理我地嘅。」

我有種不祥預感。「輝仔啊咁耐無見不如去飲杯野傾下計，有個人係度始終無傾得咁爽嘅。」

佢不虞有詐，「好啊。你想去邊？」

呢個時候我聽到樓上個保安嗌落黎「小姐小姐！」，輝仔望咗一下，我即刻撓住佢走，「我地邊行邊諗啦，好口渴啊。」

沿路見到響住警號嘅救護車同警察車，我特登扮無知：「咦係咪發生咩事啊」

「應該經過㗎啫 你口渴我地去飲野先啦」

繼續

犯罪現場

正評ed
好緊湊

我地去咗間樓上Cafe坐低。
坐我斜對面枱係一副我永遠唔會忘記嘅五官，係一個我永遠都唔想再見到嘅人......

「阿怡，阿怡，你無野嘛？」輝仔擔心咁問。

「我...我有D唔舒服，我...我想返屋企...」我好慌張咁拎咗電話同銀包就衝出去。

我拼命咁跑，希望可以逃離驚恐嘅感覺。我不斷搖頭，希望可以甩開嗰D畫面。

但係無論我幾努力，滿腦子仍然都係嗰D影像。

「阿怡！」阿輝追咗上黎捉住我隻手，「你做咩喊啊？」

原來不經不覺間眼淚已經流滿我塊面，呢一刻我只覺得好無助，我蹲係度抱住自己放聲大哭。

「阿怡，你無事嘛？」
「唔好喊啦。」
「做咩啊？有我係度陪你啊。」
「你同我講發生咩事啦。」
「阿怡？」

我張開眼嘅時候見到白色嘅天花板，聞到一股濃烈嘅消毒藥水味。

「阿怡你醒喇？」輝仔係旁邊憂心咁望著我。
我仲未好意識到發生緊咩事，只係覺得好混亂。點解我會無啦啦係醫院？

我記返起啱啱我喊緊，我係條街跑，因為我見到佢...

「無事喇，宜家係醫院好安全，有我係度陪你啊。」輝仔好溫柔咁摸我個頭。

「我幾時可以出院？」目前我只關心呢樣嘢。

「我去幫你問下醫生喇。」

望住輝仔嘅背影，我覺得我唔會忍心向佢落手。

但係要做嘅嘢始終都要做。
希望可以快D出院。