想問關於基金既問題

我試過，身邊好多朋友都試過

唔怪得你d 留言咁憎保險agent la,你係買佐101/105 冇人跟蝕好多？除投資單外，其他單你自己跟都易跟到既，上網搵form自己填form,打去cs 問你單情況，因為保險呢d流失率高，要學識自己跟到in case 個經紀唔做

蝕就冇，但係呢個經紀有誠信問題，隱藏費用冇講到，事後比我發現仲要話正常有，咁你當初唔講？你都識講流失率高，最後要自己跟，咁仲洗鬼經保險公司買咩

可能佢個間既101/105 本身比其他公司收費貴，驚你知完比較完唔買

咁你果間又咩收費？

唔怕煩，可以開美股戶口買etf

佢地永遠都會話，係你果個經紀問題姐，網上個個吹到好專業，去到現實咪又係天下烏鴉一樣黑

我唔係保險AGENT wor,我IFA 黎,我公司冇自己產品，市面上大部分金融產品都做得，你想比較我拎幾多間收費比你睇都得，我冇必要隱藏收費，你唔鐘意基金PLAN 既through我到直接買基金都得，再唔係你覺得磚頭穩陣我按你CASE同你比較/quote 價現在邊間銀行按揭最抵都得。


你本身係買佐邊間既101/105?咩PLAN名?

現在105 收費通常會有每月固定收費幾十蚊，最初供款帳戶收費(A account) around 5%，所有帳戶around 1%(A+B account)，不過除佐睇收費都要睇回報，通常你供得夠多佢送比你的迎新獎金都夠比好幾年收費，佢亦會有長期獎賞既，同埋你係要睇佢個PLAN D 基金選擇如何，入面D基金廢收費平都冇用。

你個CASE唔係經基金公司買，基金公司冇101/105比你買既

終於露出你既真面目 ，你講果d迎新獎金，咪又係羊毛出在羊身上，送你一句，市場時好時壞，但基金收費，從來都冇收少過

講左咁多頁咁多日先露出真面目都算有耐性有心
好過市面上個d好多啦

我只係講現在105 PLAN 係點，冇叫你一定要買105，我係按客要求quote 價,搵產品比較分析，唔係你之前個D SELL 你佢公司主打產品，仲要只講好，唔講差 ge agent ，請你分清楚。市場時好時壞買股票買基金都會有，睇你點做風險管理。同埋一隻金融產品仲可以係市場上生存,會有佢既賣點，每類產品會有佢好同唔好的地方，你唔鍾意105 會LOCK 你錢你咪唔好買105，基金收費到，我講迎新獎金係指出你開PLAN 唔係開1,2千咁少既話迎新獎金可以幫你抵收費。同埋你如其睇買任何野收費幾多比人賺佐幾多，不如睇你自己最後賺佐幾多。

冇記錯你月供2000到，咁佢比的獎金當然少唔夠比，再加你投資組合冇咩增長，你買個陣幾多%bonus?

要比個叻叻佢

好悶呀 ，又係講呢d說話，你最後果句最後賺幾多，你講你自己呀 ，你覺得自己講既野係有道理既，你咪自己開個帖講囉，鬼鬼崇崇係人地個帖講一大渣廢話

只講好，不講壞，過多幾年東窗事發，想追究，但人已走，錢已袋，多謝老闆

咁你自己開post 問基金問題既，我直接回應你問題姐，同埋如果你咁介意買野人地有賺，唔好出街買野食野，你比既價錢包埋租金廣告費人工，間公司老闆有賺，大型連鎖店個d每年賺的錢以億計。

開始有d火氣 ，冇人講過介意比人賺禍，之不過，你地呢d成日講到賴係賺梗咁，到最後，都係你地賺梗囉，其他低收費，靈活自由既，你地唔講？自己有傭賺既，高收費低回報又困既野，就吹到上天

開頭我咪講過可以直買基金，隨時放得。

咁你講果隻係咩基金呢？當中既收費又幾多呢？

你自己可上去 http://www.hk.morningstar.com/ap/main/default.aspx 㩒基金睇，入面既所有基金基本上我都做得，收費為首次認購費,睇你投資金額幾多同當前隻基金有冇推廣而定。

有認購費就死得啦，大家都係投資差唔多既樣，一隻要收認購費，另一隻唔洗，回報差不多，咁我點解要買一隻要另外收多我錢既野