為左辨明到底係真好味定係齋打手，小弟決定身先士卒，一於今晚就喺大快活搞掂
買完等食，好期待啲大快活姐姐送到埋口
送到埋黎，唔洗擺落口已經知道食大快活係我人生最好嘅選擇。飯、菜、雞維持住3:3:4嘅比例，飽肚之餘營養又均衡。南瓜薏米汁為大家提供纖維之餘，薏米仲可以去水腫，對各位夏天追求魔鬼身材號嘅港女絕對係福音
最重要嘅係咩？
我唔洗特登request
姐姐已經將我碌餐具浸咗落啲滾燙嘅水度消毒
各位緊火嘅巴打唔洗抹餐具，一黎就可以將個飯就地正法
首先係塊雞胸
好多人對雞胸嘅認知都係好乾、唔好食，得做占撚先擺得落口
但阿活已經將你嘅認知徹底反轉！
邊個諗到一塊雞胸可以又嫩又多汁
簡直係令你重拾番初戀曳曳嘅感覺
菜我都唔洗多講，加左蒜蓉更惹味
黎到啲飯，本身用紅米飯已經可以令每粒米飯嘅口感都得以昇華
更厲害嘅係，每粒米都熟得啱啱好，軟硬適中，晶瑩剔透，絕對唔係啲00後係中學食緊嘅垃圾飯盒紅米飯可以比擬
呢一餐就好似坐咗時光機噉，食下食下原來已經食晒。
喺食依餐之前，我一直覺得自己把賤口根本唔會食得出咩叫好食難食，和牛、Royal級定係佳寶冷藏貨，喺我呢啲窮人眼中都係塊普通牛，食得飽就夠。
但阿活令我知道咩叫美味，假如要講乜嘢可以驅使人類進化，阿活絕對喺推動人類味覺進化上應記一功
我諗食完呢餐後，我餘生都食唔落阿活以外嘅人煮嘅飯了
我食過今次太好食，要避開啲伏嘅阿活
