(找數)十年投機心路歷程

由高登去到連登, 由上網見人講乜買乜, 到自己扮專家日日睇財演雜誌選股, 再學壞晒走去炒牛熊, 最後乜都唔炒剩玩期指外匯, 結果終於揾到一個平衡點比自己. 之前因為私事受好多人恩惠人情, 所以寫返比想知既網友.

開始前再特別多謝波神信眾區既一班廟友, 無言感激, 欠你地一世.

---------------------------------------------------------------------------------------------

我IT出身, 無乜大專長, 多年前入左一間銀行度做, 因為會掂股票系統, 所以先開始去接觸同去了解其實係咩黎.

第一個教我炒股既係我 senior 果時岩岩好07大牛市, 日日佢都"收到風"炒d 細價股, 基本上10次起碼中8次, 結果佢一有 tips 我就 all in, 由幾皮野本金炒到上6-70萬. 呢個時候, 我覺得股票世界好美好.

有左本金, 我進一步去問我 senior 關於股票更基本既野 (例如 PE 點計呀... 點睇 annual report .. ) 佢又真係日日有野唔做走去教我

LM

即使係點樣既大牛市, 都會有跌既一刻 (樂觀 d 就叫 adjustment), 我問我 senior, 咁明知佢會跌我地除左唔買重可以點? 佢同我講呢個世界有樣野叫熊證可以做對沖. "對沖"呢個名好專業, 令我好大興趣, 果時我心諗: 剩係買股都炒左10倍本金返黎, 如果我連佢跌果段都食埋我咪發到 on9? 跟住我就係同好多人一樣..係咁買雜誌去睇D牛熊輪推介

新手求教

炒股..對沖人人玩兩玩就識..但係咪咁好命水食哂個走勢就唔係個個得

對比起股票, 輪證既波幅實在太過吸引, 而且本金要求亦都唔多, 所以我抽走左一半既錢去跟財演推介去玩... 咁當然死得人多啦... 好快我就輸左一半既錢, 而同時, 大牛市其實開始見頂, 好在我個 senior 都唔係鳩買, 但佢比既 tips 一日少過一日, 咁股票本金無乜點上, 但輪證又輸左一半, 可以點? 作為一隻 IT 狗, 我認為所有野都可以係網上得到答案, 於是我係平時睇高登既時候開始去睇我唔會睇既財經台..

最終如何平衡？

當年既財經台其實幾別樹一格, 因為好多有紋有路既痴線佬. Intel, 波神, 樂觀 sir.. 全部都出口成文, 但又燈到你怕, 我每日都用一半既返工時間去睇呢斑痴線佬 9 up, 一邊笑一邊學習. 與此同時, 牛市終於行完... 我 senior 比既 tips 基本上都伏晒, 不過好在每次都有 cut loss, 但本金已經少左一半以上.. 但呢個時候其實我唔係好識驚, 因為比起我攞出黎果幾皮野, 我始終重係賺多左幾倍

留名學野，搵得少唔知點生存

lm

當股票揾唔到錢既時候, 我將學習既重心更加著重去睇牛熊, 一個專家錯, 我就去睇第二個財演既基本分柝, 睇下有無能力去學習點樣知佢會跌, 係好比心機咁睇一份又一份業績報告, 但都完全無頭緒....咁當然, 其實正常散仔點會睇得明?

支持人走sir

新手留名學野

唔怪得你咁多錢課pes

咁無論高登定連登, 有一類 post 你係會好少入去既, 果D叫圍爐 post, 因為入邊班人基本上都互相認識, 你入去都睇唔明佢地講乜. 但一次機遇下, 我見到一個講圖既 post, 入面好多 TA 學派, 講野頭頭是道, 最重要係佢地既預測係有一次機率好準下 (咁當然唔係而家 d 垃圾 post 一句咩我話聽日一定會升就百幾人跪拜), 由走勢, 波幅, 目標等都好明確. 咁我就揾左當中幾個我覺得勁既去起底, 結果發現佢地經常出没係波神信眾區, 於是我就日日入去睇, 留言, 問野.

係呢段學習既時間中, 我仍然有買股票牛熊, 但基本上都係輸多過贏, 但因為金額唔大, 同點都會止, 所以都未見骨, 但我由幾萬 > 六十幾萬 > 廿幾萬呢個經歷已經令我對自己無乜信心, 結果走去跟我 senior 買住 d 3/66 頂住

人走蛇

我用左大約一年時間去"溶入"廟區, 熟習下邊 d 係真痴線佬, 邊 d 係深藏不露, 手上既錢就 keep 住放係 3 仔同 MTR 收息. 而一出糧有錢就放晒入倉當儲定錢.

呢一年我不停 PM 問人地關於圖表既野, 問下有咩書推介 (如有與趣我可以完故之後 post 返個 list ) 而結果呢一年學既野對我既基本概念好沖擊下, 我好認真去諗到底我跟邊一派會比較好?

要行 FA, 我無乜時間去畫圖去記 pattern

要行TA, 咁更無乜可能去睇咩報表

有人話, why not both?
但好多時 TA 同 FA 得出黎既答案係好相反, 你都係要選一邊去信.

結果我用左半年做 paper trade , 睇下到底信 TA 同 FA既回報有咩分別

TA派

咁最終你依家都做緊投機?玩牛熊玩輪?

當時股票由3萬1用左一年時間跌去1萬3千點再上返近2萬點, 近兩萬點既波幅, 正常既買股票根本唔會點賺, 加上我根本唔可以叫識咩 FA, 半年既 paper trade 結果係 TA 勝出, 我就下定決心將所有關於點睇財務報告呀... 點選股果D書全部掉晒~

學習既時間, 我本金加人工儲起結果上返大約四十萬, 我清空晒所有既倉, 抽返起少少錢等輸晒都重有錢食營多, 就開始日日買牛熊