【韓流】港女莊錠欣回港開工大呼神奇 想同大台藝人再合作

韓國女團CLC香港成員Elkie（莊錠欣）今日返港工作，擔任「韓流舞蹈模仿大賽」嘅評判。

活動開始前Elkie先接受訪問，提到今次以韓國女團成員身份返港工作嘅感覺，表示：「好神奇、好開心，好似回歸返到屋企咁，因為真係首次咁樣返嚟。」不過Elkie就指半年前放假返過嚟香港，當時都有見朋友，但今次就因為行程太趕未能見朋友，續指：「噚晚有去海傍，但當時已經太夜，對面海啲大廈都已經熄晒燈。」
Elkie去韓國發展前，曾係大台嘅童星，佢表示有機會都想同返合作過嘅藝人合作。被問到未來大計，Elike表示所屬組合預計夏天會推出新碟，亦有來港開騷嘅計劃，希望粉絲多多支持。Elkie又指經常向隊友提及香港嘅美食、玩嘅地方，又自爆自己鍾意食菠蘿油及茶餐廳嘅嘢食，自己亦試過喺韓國整臘腸炒飯、港式公仔麵畀隊友食。
活動正式於3點開始，身穿短褲晒腿現身嘅Elkie，用廣東話及韓文打招呼，Elike更有即場表演《Black Dress》，不過音響一度出意外，要主持人落台同粉絲吹水，並安排兩位粉絲上台送禮物畀Elike，準備妥當後Elkie重新跳過，但最後又停咗音樂，Elike都敬業繼續表演。眾參加者最後畀驚喜Elkie，齊齊跳CLC嘅《Black Dress》，令佢感動到喊，最後更上台一齊跳並影大合照。

https://hk.entertainment.appledaily.com/enews/realtime/article/20180428/58129592

原來港女返左黎

錠欣bb

【《蘋果》專訪】赴韓追夢做練習生 港女莊錠欣：唔覺辛苦


韓國女團CLC嘅19歲香港成員莊錠欣（Elkie）童星出身，曾拍過唔少大台嘅劇集，佢今日衣錦還鄉，撇甩隊友單拖返香港工作，仲擔任比賽評判，首次回流搵銀，之後佢仲接受本報專訪。

Elkie今次襲港只逗留短短三日兩夜，所以唔得閒見朋友及家人。提到喺韓國做練習生嘅時期有冇覺得有壓力，Elkie表示：「因為當時只有一個目標，就係要出道，所以已經冇時間、冇心機諗有冇壓力，亦唔覺得好辛苦，而且我覺得係要咁樣諗先會達到自己嘅目標。」Elkie亦提到自己鍾意乖同埋孝順嘅男仔。
Elkie有份演出韓劇《富家公子》，仲成為首為港星拍韓劇，不過劇中佢要飾演韓文唔好嘅中國留學生，Elkie表示：「因為之前已經想拍韓劇，今次拍到所以好開心、好難得。」並笑言要回想返練習生時期自己韓文唔好嘅日子，開拍前有研究過點樣可以講得唔好，即係代表佢0依家講韓文講得好好。
提到劇中對手男星金旻奎，Elkie就大讚對方好勤力，不過亦指：「但佢係一個好好調皮，成日搞搞陣嘅哥哥，佢仲成日整蠱我，不過因對方咁嘅性格，所以拍攝時都好愉快。」Elkie又指與金旻奎拍攝時冇NG，一開拍就好專業。


幾正

No legs?

聽講韓國要出道就少不免要陪 _ ....
佢仲要係香港過去
有咩理由人地要簡你
唔簡其他人？

就係貪佢香港來 有市場

第一張咪有lor

Not clear and not full legs

有無去睇

其實好難得外國人係韓團會做到主力成員，因為好多時揀外國人入團係為咗個度嘅市場或國際化，多數睇樣多過才藝嚟揀，係韓國才藝勁嘅大把。

當時Elkie咁快就出道，仲要空降，係被人笑teaser膠樣，同質疑實力。但而家佢做到第二主音，同舞台實力都有板有眼，真係唔係話靠關係就可以做到，人地公司唔係傻嘅。

試諗吓公司投資係一個偶像嘅錢，夠個代表叫幾多次雞？會因為同條女上吓床就使咁多捧到上主力？

我都想,但可惜返垃圾工

香港咁多妹妹仔想去韓國撈
憑咩簡你先

可能去選果堆入面佢最好樣最有潛力捧得起

你知唔知咩叫Audition呀？
唔知就去睇吓Produce 101，
佢個吓impress到個評審咪揀囉
韓國大把星探邀請人面試

人地又有樣又有實力又有經驗 做咩唔可以簡佢先

其實港女都幾正

如果吓吓講黑箱、講潛規則，
咁無咩可以討論，
因為無得證明到係、
又證明唔到唔係，
即係9up

dada都幾識貨

佢地唔去海外表演，點養新團

佢地隊野有錢賺架咩 夠養新團？