【結局篇】狐狸先生幾多點，殺害學生嘅遊戲 2

其實結尾都不是Good Ending，我覺得係Open Ending，因為如何活下去都係未知之數，只係主角走出白洞一剎，就選擇咗將結果撤回成如果，之後點都係睇造化

btw夕彥，你一早遇過圍巾女喇喎

圍巾女 = 恐怖鄰居？

插曲1有講

好鐘意樓主寫嘅故事
特別係大廈 代入感好大
期待第三章 樓主加油

追返先

感謝，會努力寫好佢，好快有得睇！

等得好辛苦...

Sorry夢巴，之前考final，e家補返個讀後感俾你:
今次我最欣賞嘅地方就係個故同時反映出幾樣社會黑暗面，有時候我地都被迫進入絕境，並非個人錯失，而係社會嘅冷漠造成。

我早前有個project重點探討學生自殺成因同解決方法，發覺好多時佢地唔係想了結自己生命，而係想從目前痛苦境況得以解脱，只要有人願意伸出援手，佢地根本唔會訴諸自殺。可惜現實就好似你個故入面噉，上一代唔理解學生苦況，教職員淨係當學生為生產名利嘅工具，同輩嘅又俾社會冷漠感染。

我印象比較深刻有兩幕:
1. 嫲嫲遺言
喱part好令人感觸，同屋企人相處嘅最大遺憾就後一直誤會對方，當你搞清楚嘅時候，已經無可能再見到佢，喱種痛係會跟一世。

2. 播紅日
全世界都流傳住一種病態思想，就係forced positivity，太多人無視「絕望人」嘅感受，一味貫輸做人就要快樂喱d陳舊思想，其實誠實面對自己感受先減少到心理壓力，識得喺負面情緒影響下保持到正常行動先係治本方法。我覺得喱幕好荒誕，學生需要嘅係理解同認同，不當時刻鼓吹「正面思想」等同否定佢地，反而迫佢入絕路。

夢巴加油，希望你長寫長有

幾時有插曲2?

今晚就有插曲

多謝巴打，最深刻係每次寫故，都有你嘅長篇讀後感，容我寫埋呢個故事，一次過回應你

今晚開始了

今晚10點，感謝支持

今晚插曲2

聽日就第三部曲

謝巴

邊鬼個有插曲都負評

《插曲2》

淒冷。

除夕深夜，中環摩天輪不再轉動，寒雨墜降若霜。

天文台說，這是25年來最冷的除夕。

他倆置身摩天輪上，仍舊對峙著。

「呢個城市嘅人，熱切期待緊新一年嘅蒞臨。」狐狸先生站立摩天輪的頂端，以一群小孩疊聲說道，「可惜，佢地當中冇幾多個人，可以存活到聽日。」

圍巾少女跪倒其中一個車廂頂上，仰視狐狸先生微笑：「吖！你根本預計唔到，醫院嗰個女仔心存『純真』，最終會記返起自己個名，然後對你造成傷害。」

狐狸先生握緊破裂的圓鐘，以小孩的聲線調侃著：「細路女，你以為嗰個胡莉嵐真係傷到我？你我交手之後，明顯你嘅傷勢嚴重幾倍，你唔擔心吓自己？」

他沒在撒謊。

圍巾少女緊按疼痛的小腹，疲憊暈眩侵蝕傷驅。自那天不惜危險硬闖「狐狸先生的墳場」，協助胡莉嵐記起名字後，少女與狐狸先生交戰無數回合，然而她本帶著傷，在是次打鬥自然長處劣勢。



再加上，對比先前自稱「夕彥」的想像怪物，狐狸先生不論在殺傷力、敏捷度、智慧等方面，亦是有過之而無不及。當然了，他吞噬過無數人類的靈魂，實力增幅前所未有。

「細路女，你無法逆天而行。我地『想像怪物』好快會摧毀墮樂園，就算你消滅『愛情』，都唔會消滅到本人同埋『自我』。」狐狸先生的小孩聲線，漸趨凌厲詭祕，「你真係偽善至極，『墮樂園』早已經絕望，我只係不忍孩子遭受污染，先將佢地嘅靈魂帶走。」

是誰偽善？

「抱歉，親愛嘅『純真』，你覺唔覺自己好可悲？」圍巾少女拉高圍巾微笑，「你地『想像怪物』自以為係神？可惜，你地只不過係『他』嘅傀儡，被利用消滅墮樂園嘅人類，虧你仲可以冠冕堂皇咁褒揚自己，哈哈──」

彈指間，狐狸先生移至少女跟前，聲線浸滿狡黠：「冇錯，我地係『他』嘅僕人。不過，至少我地即將完成使命，『自我』即將降臨，將『墮樂園』嘅人類殲滅，到時你冇可能阻止到！」

狐狸先生胸口崩裂，湧出一隻隻蒼白的屍手，捏著圍巾少女的頸子。少女被捧至半空中，四肢乏力並且放空，狀似奄奄一息。

事實上，從決心剷除想像怪物起，圍巾少女就有必死的覺悟。

她沒作掙扎，只是朝著狐狸先生，失聲訕笑起來。

「細路女，你笑乜？」

「吖，『純真』，你真係以為『自我』會聽從指示，將『墮樂園』嘅人類消滅？」圍巾少女綻露甜笑，「唔係所有想像怪物，都好似你對『他』咁──愚忠。」

狐狸先生狡笑：「如果『自我』違反指示，我自然會出手懲罰佢，唔關你個細路女事──」

神不知鬼不覺間。

少女的右手食指，疾速揮向狐狸先生，掃過被西裝覆蓋的胸膛。

出手，敏捷得驚人。

少女的出其不意，狐狸先生反應不及。他才把少女撞擊至空中，鬼魅般的身軀隨即焚燒起來。

黑色的烈焰，使狐狸先生深陷煎熬，痛苦吼叫。

少女在半空墜落，全身精力已然透支，卻心知自己要逃走。

此時，她瞥見維港的異象。

一條條扶手電梯，在維港的海平面上，陸續地湧現著。

出現了。

她很清楚，自己不能暈死。

否則，就無法挽回這一切。

聽晚10:00，開新Post出第三部曲

感謝支持

3部曲講自我

《墮樂園》閱讀次序：
1. 《每晚望門孔》
2. 《插曲 1》
3. 《狐狸先生》
4. 《插曲 2》
5. 《？？？》

追哂啦我