究竟咩人先會鐘意去韓國旅行

分享下我再韓國的十天。

交通，其實初初去唔容易適應，就如好多大陸人來香港都話香港地鐵復雜。其實去到邊都需要時間適應當地交通。

人情，我特別想分享，有一晚我在酒店肚痛，我落去下面便利店買藥，但無肚痛藥，我用英文同個店員講，大多店員都唔識聽，唔識講，我只好做埋動作，他們明白後，二話不說，拿來一張紙，在上面畫街道圖，然後帶我出門口，指手畫腳，藥房在哪個方向。第二晚，我終於遇到一個英文老師，韓國人，識流利英文，唔知點解，我覺得她好似對外國人特別熱情，她帶我到酒店附近的地方閑逛，講我聽有咩好食，韓國文化點點點，到我離開韓國後，她安排了來香港。靚唔靚女？的確，車廂入面經常有老人家撞到你，我聽她講，韓國老人家認為後生的都應該讓路，否則d老人家會比面色你睇，甚至撞開你，如何你唔自動自覺。韓國人自己都認同呢點的確好差。我都見過韓國後生仔因為聽歌唔知道讓開比後面個啊叔出去，啊叔一野推開後生仔，之後兩個人出站理論。

韓國人種，應該東北血統，高大，平均175以上，真的好高，d 老坑都有170左右。女仔大多168以上。主要講下女女。我見過幾次完美外形的女仔，她們大多得閑去咖啡店，酒吧，健身（身材真心fit），女仔就算大媽，皮膚大多都好白嫩，小腿唔會粗得去邊，街上面個d韓仔，幾乎全部單眼皮，著衫好鐘意大碼襯衫加涼鞋，然後七分長西褲，好韓feel，但個樣真心7. 男仔無乜講究外表，主要高大同整齊. 我在韓國就好似去左大陸東北，南方人身高好輸，無一米八基本上矮仔。韓國7頭樣但周街都178以上，呢點同韓劇長腿oppa match，但如果想睇靚仔，就希望越大失望越大。如果想睇靚女，鐘意韓國女團個d朋友，韓國著名的街道，名店外好多。我翻到來香港後，我的審美觀的確改變左唔少。

食野方面，你去便利店睇下，就知韓國人好鐘意泡面，咩都帶d泡菜（紅色個d）韓國人好鐘意補品咩人參雞湯，燉牛肉湯等等。物價同香港差唔多，食野方面，我唔太適應到。好似去四川湖南個d地方一樣。

韓國車廂，我去到韓國搭地鐵，個個望住我，我當初以為我應該幾靚仔，原來就算無人坐，都唔可以亂坐關愛座，否則大家會覺得你無文化，無禮貌。（順便一提，韓國人一見你 雙眼皮，衣著就知你非本地人，就如我地第一眼睇就知對方是否大陸人）

打到呢度先，打錯字講得唔好勿插。