由PS2年代果陣既戰神第一集開始我就覺得隻GAME既打鬥係好爽快
之後就集集都追晒直到而家
老老實實小學玩到而家，本身都以為戰神3後正式落幕
但點知2016既E3佢無啦啦彈番出黎, 果下我真係當堂叫左出黎
絕對係唔理佢唔理佢出成點都買硬，話知佢改玩法啦！因為已經有情義結
首先我想講既係今次製作集真係好識比驚喜人地
明明開頭trailer見到轉左用斧頭,之後啲製作組既人接受訪問都話舊有野用左咁耐再用落去就會比玩家厭悶所以要光頭佬轉用斧頭，之後連限定版figure都係得把斧頭
，再臨出之前既製作組對話都再三同你講今次係玩斧頭架咋！ 點知當玩到去阿仔病左，戰神佢比人告知把斧頭落冥界冇用果陣就話唯有返屋企拎番把私家受詛咒既武器出黎，其實去到呢個moment我都仲係唔係好信，因為明明製作果班都講到明唔會拎番把混沌之刃出黎
點知道佢就係床下底拎番把刀出黎！！！
，去到果幕我真係當叫大叫左出黎，成屋既人問我做咩事咁激動 仲係拎番把野試招果陣不停自HIGH講「屌！咁先係戰神架嘛！！！」所以自拎左把混沌之刃之後基本上如非必要都係收番埋把斧頭，有冇人都係一樣
另外就係故仔方面，講真係幾驚喜既，Odin個仔開頭所講知道你地咩料原來只係指巨人
連光頭佬自己都唔知「佢唔知光頭佬係一個屠神戰神」
不過我見大家討論都係Focus左係個仔同北歐既故事
我自己就比較想focus番係戰神身上
到底佢係點樣由個個基本上連死亡都冇既希臘神話世界轉左去北歐到?
到底遊戲入面既雅典娜係佢FF定真係戰神3果陣隻靈體mode 跟到佢去北歐?
係靈體mode既咁雅典娜仲有咩目的呢點解仲jer住唔放?
提爾地下室果啲壁畫係咪暗示左個世界觀既新設定(有晒唔同神話)
遲下可能有眾神大亂鬥?(好似smite咁
)同埋最後有塊布姐住果幅畫係咩意思黎
另外今次製作組有冇話都係三部曲定兩集完之類既消息?
整體黎講我已經好耐未試過真係開住部機咁樣日打夜打，即使uncharted, horizon呢啲大作都係一日頂盡兩三粒鐘就想停
，所以真係有番初初中小學果陣瘋狂打機既感受絕對係比99分以上 (仲有一分係因為我唔順佢咁好玩但出得咁慢
)By the way, 其實戰神唔經唔覺都已經係13年前既作品，人生有幾多個十年，最好勇鬥狠既戰神都老晒收晒火，而自己都由讀書既學生變成出黎社會做野既人，可否不要老呀
